2 Samuel 1:18 - Die Bybel 2020-vertaling

¹⁸ Hy het die nageslag van Juda aangesê om dit, Die Booglied, te leer. Kyk, dit staan geskryf in die Boekrol van die Opregte.

Bybel vir almal

¹⁸ Hy het gesê die mense van Juda moet die lied leer. Hy het dit “Die Booglied” genoem en hy het gesê hulle moet dit skryf in die Boek van Jasar.

Afrikaans 1933-1953

¹⁸ en hy het beveel om die kinders van Juda die Booglied te leer; kyk, dit is geskrywe in die Boek van die Opregte.

Afrikaans 1983

¹⁸ Hy het opdrag gegee dat hierdie booglied aan die inwoners van Juda geleer moet word. Die lied is ook opgeteken in die Boek van die Opregte.

Contemporary Afrikaans Bible 2023

¹⁸ (Hy het hulle ook beveel om die kinders van Juda te leer hoe die boog gebruik word; kyk, dit is geskrywe in die boek Jaser.)

Die Boodskap

¹⁸ Die lied se naam is “Die Boog”. Dit is opgeteken in die Boek van die helde. Dawid het gesê al die mense van Juda moet dit leer. Dit klink só:

Nuwe Lewende Vertaling

¹⁸ Later het hy beveel dat dit vir almal in Juda geleer moes word. Dit staan bekend as die Booglied, en is opgeteken in Die boek van die Opregte.

2 Samuel 1:18 Kruisverwysings

Genesis 49:8

“ Juda, jy, jou broers sal jou prys! Jou hand sal op die nek van jou vyande wees; die seuns van jou vader sal diep voor jou buig.

2 Samuel 1:19

“Die uitnemendste, o Israel, lê deurboor op jou hoogtes. Hoe het die helde geval!

Deuteronomium 4:10

van die dag toe julle by Horeb in die teenwoordigheid van die Here julle God gestaan het en die Here vir my gesê het, ‘Maak vir My die volk bymekaar. Ek wil hulle my woorde laat hoor. Hulle moet dit leer, sodat hulle, solank as wat hulle op die aarde leef, vir My ontsag kan hê. Hulle moet dit ook vir hulle kinders leer.’

Josua 10:13

En die son het stilgestaan en die maan het gaan staan, totdat 'n nasie wraak geneem het op sy vyande. Staan dit nie geskryf in die Boekrol van die Opregte nie? Ja, die son het gaan staan in die middel van die hemelruim, en hy was ongeveer 'n volle dag nie haastig om onder te gaan nie.