2 Samuel 1:16 - Die Bybel 2020-vertaling

¹⁶ Dawid het nog vir die Amalekiet gesê: “Jou bloed is op jou kop, want jou eie mond het teen jou getuig toe jy gesê het, ‘Ek het self die gesalfde van die Here doodgemaak.’ ”

Bybel vir almal

¹⁶ Dawid het vir hom gesê: “Dit is jou eie skuld dat jy moet sterf, want jy het self gesê jy het die gesalfde van die Here doodgemaak.”

Afrikaans 1933-1953

¹⁶ En Dawid het vir hom gesê: Jou bloed is op jou hoof, want jou mond getuig teen jou, omdat jy sê: Ek het die gesalfde van die Here gedood.

Afrikaans 1983

¹⁶ Dawid het hom toegevoeg: “Jy het jou dood gesóék, want jy het jouself veroordeel toe jy gesê het: Dit is ek wat die gesalfde van die Here doodgemaak het!”

Contemporary Afrikaans Bible 2023

¹⁶ Toe sê Dawid vir hom: Jou bloed is op jou hoof; want jou mond het teen jou getuig en gesê: Ek het die gesalfde van die HERE gedood.

Die Boodskap

¹⁶ Dawid se laaste woorde aan hom was: “Jou dood kan nie gewreek word nie, want jy het met jou eie mond erken dat jy die dood verdien toe jy gesê het: ‘Ek het self die gesalfde koning van die Here die doodsteek gegee.’”

Nuwe Lewende Vertaling

¹⁶ “Jy het jou eie doodsvonnis uitgespreek,” sê Dawid, “want jy het self erken: ‘Ek het die gesalfde van die Here doodgemaak.’”

2 Samuel 1:16 Kruisverwysings

2 Samuel 1:10

Ek het by hom gaan staan en hom doodgemaak, want ek het geweet dat hy nie sou leef as hy eers geval het nie. Ek het die kroon wat op sy kop was en die armband wat aan sy arm was, geneem, en dit hierheen vir my heer gebring.”

2 Samuel 16:8

Die Here het al die bloedvergieting in die huis van Saul, in wie se plek jy koning geword het, op jou laat neerkom. Die Here het die koningskap in die hand van jou seun Absalom gegee. En hier sit jy nou met jou eie teenspoed, omdat jy 'n moordenaar is.”

1 Konings 2:37

En die dag wanneer jy uitgaan en die Kidrondal oorsteek – wees doodseker daarvan dat jy dan beslis sal sterf. Jou bloed sal op jou eie kop wees. ”

Job 15:6

Jou eie mond verklaar jou skuldig – nie ek nie; jou lippe getuig teen jou.

Spreuke 6:2

as jy in 'n strik getrap het deur die woorde van jou mond, vasgevang is deur die woorde van jou mond,

Esegiël 18:13

op rente uitleen en woekerrente neem, “sal hy bly leef? Hy mag nie bly leef nie. Al hierdie afstootlike dinge het hy gedoen, hy moet beslis sterf. Sy bloedskuld rus op hom.

Esegiël 33:5

Die geluid van die ramshoring het hy gehoor, maar hy het hom nie laat waarsku nie; sy bloed is op hom. As hy hom laat waarsku het, sou hy sy lewe gered het.

Levitikus 20:16

As daar 'n vrou is wat na enige dier gaan om daarmee te paar, moet die vrou en die dier doodgemaak word. Hulle moet beslis sterf. Hulle bloedskuld is op hulle.

Levitikus 20:27

“ ‘As daar 'n man of 'n vrou is in wie daar 'n waarsêergees of voorvadergees is, moet hulle beslis sterf. Die mense moet hulle met klippe doodgooi. Hulle bloedskuld is op hulle.’ ”

Levitikus 20:9

“ ‘ As daar enigiemand is wat sy vader en sy moeder vervloek, moet hy beslis sterf. Hy het sy vader en sy moeder vervloek, sy bloedskuld is op hom.

Matteus 27:25

Die hele volk het geantwoord: “Laat sy bloed op ons en ons kinders kom!”

Lukas 19:22

Toe sê die man vir hom, ‘Met jou eie woorde sal ek jou veroordeel, jou slegte slaaf! Jy het geweet dat ek 'n streng man is, wat invorder wat ek nie belê het nie, en oes wat ek nie gesaai het nie.

Handelinge 18:6

Maar omdat hulle aangehou het om hom teen te staan en om lasterlike dinge te sê, het hy die stof van sy klere afgeskud en vir hulle gesê: “Julle bloed is op julle eie kop – sonder skuld daaraan sal ek van nou af na die heidene gaan.”

Handelinge 20:26

Daarom verklaar ek op hierdie dag van vandag aan julle dat ek onskuldig is aan julle almal se bloed;

Romeine 3:19

Ons weet dat alles wat die wet sê, gerig is aan diegene wat onder die wet staan, sodat elke mond die swye opgelê kan word, en die hele wêreld hulle voor God moet verantwoord.

Deuteronomium 19:10

Dan sal daar nie onskuldige bloed vergiet word in die land wat die Here jou God vir jou as erfdeel gaan gee nie, en daar sal nie bloedskuld op jou rus nie.

Josua 2:19

Die bloed van enigiemand wat by die deure van jou huis na buite uitgaan, sal op sy eie kop wees, en ons sal vry wees. Maar die bloed van enigiemand wat by jou in die huis is, sal op ons koppe wees as daar 'n hand teen hulle gelig word.

Rigters 9:24

sodat die geweld teen die sewentig seuns van Jerubbaäl nie agterweë sou bly nie, en ook die bloedskuld, sodat dit sou neerkom op Abimeleg, hulle broer wat hulle vermoor het, en op die burgers van Sigem, wat sy hande sterk gemaak het om sy broers te vermoor.

1 Samuel 25:39

Toe Dawid hoor dat Nabal dood is, het hy gesê: “Die Here moet geprys word, Hy wat die regstryd oor my bespotting deur Nabal gevoer het en sy dienskneg weerhou het van kwaad. Die kwaad van Nabal het die Here op sy eie kop laat neerkom.” Dawid het toe boodskappers gestuur om met Abigajil te praat om haar vir hom as vrou te neem.

1 Samuel 26:9

Maar Dawid sê vir Abisai: “Moet hom nie uitwis nie. Want wie kan sy hand teen die gesalfde van die Here uitsteek en onskuldig wees?”