2 Konings 21:3 - Die Bybel 2020-vertaling

³ het hy die offerhoogtes wat sy vader, Hiskia, afgebreek het, weer opgebou. Hy het altare opgerig vir Baäl en 'n asjera gemaak, soos wat Agab, die koning van Israel, gemaak het; en hy het voor al die hemelliggame in aanbidding gebuig en hulle gedien.

Bybel vir almal

³ Manasse het die offer-plekke weer gebou wat sy pa Hiskia afgebreek het. Hy het altare gebou vir Baäl en hy het 'n gewyde paal gemaak soos die paal wat koning Agab van Israel gemaak het. Manasse het gebuig vir die son en die maan en al die sterre in die lug, en hy het hulle gedien.

Afrikaans 1933-1953

³ En hy het die hoogtes weer gebou wat sy vader Hiskía verniel het, en altare opgerig vir Baäl en 'n heilige boomstam gemaak, soos Agab, die koning van Israel, gemaak het, en hom gebuig voor die hele leër van die hemel en hulle gedien;

Afrikaans 1983

³ Hy het die hoogtes wat deur Hiskia, sy pa, verwoes is, weer opgebou, altare vir Baäl opgerig, 'n Asjerabeeld gemaak soos koning Agab van Israel gedoen het en al die hemelliggame aanbid en gedien.

Contemporary Afrikaans Bible 2023

³ Want hy het die hoogtes wat sy vader Hiskía verwoes het, weer opgebou; en hy het altare vir Baäl opgerig en 'n bos gemaak soos Agab, die koning van Israel, gedoen het; en die hele leër van die hemel aanbid en hulle gedien.

Die Boodskap

³ Hy het: die heidense heiligdomme wat sy pa Hiskia verwoes het, weer gebou; altare vir die god Baäl gebou; Asjerastompe gemaak, net soos Agab, Israel se koning, voorheen gedoen het; die hemelgode vereer;

Nuwe Lewende Vertaling

³ Hy het die hoogtes wat sy pa, Hiskia, vernietig het, weer opgebou. Hy het Baälaltare en Asjerapale opgerig net soos koning Agab van Israel gedoen het. Hy het ook voor al die hemelliggame gebuig en hulle aanbid.

2 Konings 21:3 Kruisverwysings

1 Konings 18:21

Elia het nader gegaan na die hele volk en gesê: “Hoe lank gaan julle nog op twee krukke bly hink? As die Here God is, volg Hom; as dit Baäl is, volg hom. ” Maar die volk het hom nie met 'n enkele woord geantwoord nie.

1 Konings 18:26

Hulle neem toe die bul wat vir hulle gegee is, berei dit voor en roep van die oggend tot die middag die naam van Baäl aan, met die woorde: “Baäl, antwoord ons!” Maar daar was geen stem nie en niemand wat antwoord nie. Hulle het hink-hink gedans by die altaar wat voorberei is.

2 Konings 13:6

Maar hulle het nie afgewyk van die sondes van die huis van Jerobeam waarmee hy Israel laat sondig het nie. Daarmee het Joagas volgehou. Selfs die asjera het in Samaria bly staan.

2 Konings 17:16

Hulle het al die gebooie van die Here hulle God verontagsaam en vir hulle gegote beelde gemaak – daardie twee kalwers! Hulle het 'n asjera gemaak. Hulle het voor al die hemelliggame in aanbidding gebuig en Baäl gedien.

2 Konings 18:22

En as julle vir my sou sê, ‘Op die Here ons God vertrou ons’? Is Hy dan nie die Een wie se offerhoogtes en altare Hiskia verwyder het toe hy vir Juda en Jerusalem gesê het, ‘Voor hierdie altaar in Jerusalem moet julle in aanbidding buig!’ nie?” ’

2 Konings 18:4

Hy is die een wat die offerhoogtes verwyder het, die gedenkstene stukkend gebreek en die asjera afgekap het. Hy het die koperslang wat Moses gemaak het, verbrysel, want tot in daardie tyd het die Israeliete daarvoor offers verbrand. Die mense het dit Negustan genoem.

2 Konings 8:18

Hy het die pad van die konings van Israel gevolg, soos die huis van Agab gedoen het, want Agab se dogter was sy vrou. Hy het gedoen wat verkeerd is in die oë van die Here.

2 Konings 8:27

Hy het die pad van die huis van Agab gevolg en gedoen wat verkeerd is in die oë van die Here, net soos die huis van Agab, want hy was aangetroude familie van die huis van Agab.

2 Kronieke 32:12

Is dit nie hy, Hiskia, wat God se offerhoogtes en altare verwyder het en vir Juda en Jerusalem gesê het “By net een altaar sal julle in aanbidding buig en daarop offers verbrand” nie?

2 Kronieke 34:3

In die agtste jaar van sy regering, toe hy nog jonk was, het hy begin om die God van sy voorvader Dawid te raadpleeg. In die twaalfde jaar het hy begin om Juda en Jerusalem te reinig van die offerhoogtes, die asjeras en die gesnede en gegote beelde.

Job 31:26

as ek na die son gekyk het hoe dit skyn, en na die maan wat met grootsheid beweeg,

Jesaja 65:11

Maar julle wat die Here verlaat het, wat my heilige berg vergeet het, wat 'n tafel dek vir Ghad, wat 'n kruik gemengde wyn skink vir “Meni” –

Jeremia 7:30

“Ja, die nageslag van Juda het gedoen wat verkeerd is in my oë,” is die uitspraak van die Here. “Hulle het hulle verfoeilike afgode geplaas in die huis waaroor my Naam uitgeroep is, om dit te verontreinig.

Miga 6:16

“Jy het die wette van Omri onderhou en alles gedoen wat die huis van Agab gedoen het; julle het hulle raad gevolg. Daarom sal Ek jou 'n skrikbeeld maak en die inwoners van die stad die rede vir 'n gefluit. Julle sal my volk se vernedering moet dra. ”

Deuteronomium 16:21

“ Jy mag nie vir jou 'n asjera, enige stuk hout, plant langs die altaar van die Here jou God wat jy vir jouself maak nie.

Deuteronomium 17:2

“ As daar by jou, in een van die dorpe wat die Here jou God vir jou gaan gee, 'n man of vrou betrap word wat doen wat verkeerd is in die oë van die Here jou God, deurdat die persoon sy verbond oortree

Deuteronomium 17:3

en ander gode gaan dien en voor hulle in aanbidding buig – voor die son of die maan of enige van die hemelligame, iets wat die Here nie beveel het nie –

Deuteronomium 20:18

Julle moet dit doen, sodat hulle julle nie leer om al hulle afstootlike gebruike wat hulle vir hulle gode beoefen, na te doen en julle sodoende teen die Here julle God sondig nie.

Deuteronomium 4:19

en sodat julle nie na die hemel opkyk en die son en maan en sterre sien, enige van die hemelliggame, en julle laat verlei om voor hulle in aanbidding te buig en hulle te dien nie. Die Here julle God het hulle aan al die ander nasies onder die son toegewys.