2 Konings 21:2 - Die Bybel 2020-vertaling

² Hy het gedoen wat verkeerd is in die oë van die Here. In ooreenstemming met die afstootlike gebruike van die nasies wat die Here voor die Israeliete uit verdryf het,

Bybel vir almal

² Manasse het dinge gedoen waarvan die Here nie hou nie, die slegte dinge wat die ander volke gedoen het. Die Here het daardie volke weggejaag sodat die Israeliete daar kan woon.

Afrikaans 1933-1953

² En hy het gedoen wat verkeerd was in die oë van die Here, volgens die gruwels van die nasies wat die Here voor die kinders van Israel uit verdrywe het.

Afrikaans 1983

² Hy het gedoen wat verkeerd is in die oë van die Here en het die afskuwelike optrede van die heidennasies nagevolg wat deur die Here verdryf is om vir die Israeliete plek te maak.

Contemporary Afrikaans Bible 2023

² En hy het gedoen wat verkeerd was in die oë van die HERE, volgens die gruwels van die nasies wat die HERE voor die kinders van Israel verdryf het.

Die Boodskap

² Die Here was glad nie tevrede met wat Manasse gedoen het nie. Hy het weer die verskriklike dinge gedoen wat die mense wat voor die Israeliete in die land gewoon het, altyd gedoen het.

2 Konings 21:2 Kruisverwysings

2 Konings 17:2

Hy het gedoen wat verkeerd is in die oë van die Here, maar nie soos die konings van Israel voor hom nie.

2 Konings 21:11

“ Omdat Manasse, die koning van Juda, hierdie afstootlike dinge gedoen het – hy het meer kwaad gedoen as alles wat die Amoriete voor hom gedoen het, en hy het ook Juda laat sondig met sy afgodsbeelde –

2 Konings 21:16

Boonop het Manasse so baie onskuldige bloed vergiet dat hy Jerusalem daarmee van hoek tot kant gevul het. Dit was afgesien van sy sonde waarmee hy Juda laat sondig het deur te doen wat verkeerd is in die oë van die Here.

2 Konings 21:20

Hy het gedoen wat verkeerd is in die oë van die Here, soos sy vader Manasse gedoen het.

2 Konings 21:21

Hy het die pad wat sy vader geloop het, volledig gevolg. Hy het die afgodsbeelde gedien wat sy vader gedien het, en voor hulle in aanbidding gebuig.

2 Konings 21:7

Hy het die gesnede beeld van Asjera wat hy gemaak het, in die •tempel geplaas, die plek waarvan die Here vir Dawid en sy seun Salomo gesê het: “In hierdie tempel en in Jerusalem, wat Ek uit al die stamme van Israel gekies het, vestig Ek my Naam vir altyd.

2 Konings 22:17

omdat hulle My verlaat het, en vir ander gode offers verbrand en My gevolglik uitgetart het met al hulle handewerk. My woede het teen hierdie plek ontvlam en dit sal nie geblus word nie.” ’

2 Konings 23:32

Hy het gedoen wat verkeerd is in die oë van die Here, net soos sy voorvaders gedoen het.

2 Konings 24:9

Hy het gedoen wat verkeerd is in die oë van die Here, net soos sy vader gedoen het.

2 Kronieke 36:14

Ook al die leiers van die priesters en die volk het, in navolging van die afstootlike gebruike van die nasies, al hoe meer ontrou opgetree. Hulle het die huis van die Here wat Hy in Jerusalem geheilig het, verontreinig.

Prediker 9:18

Wysheid is beter as oorlogswapens, maar een persoon wat verkeerd optree, maak baie wat goed is, tot niet.

Jesaja 66:4

sal ook Ek kies om hulle streng te behandel; en dit wat hulle vrees sal Ek oor hulle bring. Want toe Ek geroep het, het niemand geantwoord nie; toe Ek gepraat het, het hulle nie geluister nie. Hulle het gedoen wat verkeerd is in my oë, en wat onaanvaarbaar is vir My, het hulle gekies.”

Jeremia 15:4

Ek sal van hulle 'n skrikwekkende voorbeeld maak vir al die koninkryke van die aarde vanweë Manasse, die seun van Hiskia, die koning van Juda – oor dit wat hy in Jerusalem gedoen het. ”

Esegiël 11:12

Julle sal besef dat Ek die Here is, wie se vaste voorskrifte julle nie gevolg het nie, en wie se beslissings julle nie uitgevoer het nie. Julle het eerder die beslissings van die nasies rondom julle uitgevoer.” ’ ”

Esegiël 16:51

Samaria, sy het nie die helfte van jou sondes gepleeg nie. Jy het baie meer afstootlike dinge gedoen as hulle. Jy het jou suster regverdig laat lyk met al die afstootlike dade wat jy aangerig het.

Esegiël 22:3

Jy moet sê, ‘So sê my Heer, die Here: “Stad wat in haar midde bloed vergiet, sodat haar tyd aanbreek; wat afgodsbeelde in haar maak, sodat sy •onrein word;

Deuteronomium 12:31

Jy mag nie so offer vir die Here jou God nie, want alles wat vir die Here afstootlik is, waarin Hy 'n weersin het, offer hulle vir hulle gode. Ja, hulle verbrand selfs hulle seuns en dogters vir hulle gode.