2 Konings 21:4 - Die Bybel 2020-vertaling

⁴ Hy het selfs altare in die huis van die Here gebou, die plek waarvan die Here gesê het: “In Jerusalem sal Ek my Naam vestig.”

Bybel vir almal

⁴ Hy het vir hulle altare gebou by die tempel. Die Here het voorheen van hierdie tempel gesê: “Hier in Jerusalem wil Ek woon.”

Afrikaans 1933-1953

⁴ ook het hy altare gebou in die huis van die Here, waarvan die Here gesê het: In Jerusalem sal Ek my Naam vestig.

Afrikaans 1983

⁴ Hy het selfs afgodsaltare gebou in die huis van die Here, die plek waarvan die Here gesê het: “In Jerusalem wil Ek my Naam vestig.”

Contemporary Afrikaans Bible 2023

⁴ En hy het altare gebou in die huis van die HERE, waarvan die HERE gesê het: In Jerusalem sal Ek my Naam vestig.

Die Boodskap

⁴ selfs binne-in die Here se tempel altare vir afgode gebou, in Jerusalem (dit is die plek waarvan die Here gepraat het toe Hy gesê het: “Ek vestig my Naam in Jerusalem”);

2 Konings 21:4 Kruisverwysings

2 Samuel 7:13

Hy is die een wat vir my Naam 'n huis sal bou, en Ek sal sy koninklike troon vir altyd laat vasstaan.

1 Konings 8:29

dat u oë dag en nag oop sal wees na hierdie tempel, na die plek waarvan U gesê het, ‘My Naam sal daar wees,’ sodat U sal luister na die gebed wat u dienskneg in die rigting van hierdie plek rig.

1 Konings 9:3

Die Here het vir hom gesê: “Ek het jou gebed, jou smeekbede wat jy pleitend voor My uitgespreek het, gehoor. Ek het hierdie •tempel wat jy gebou het, geheilig deur my Naam vir altyd daar te vestig. My oë en my hart sal altyd daar wees.

2 Konings 23:12

Die altare wat op die dak van die bovertrek van Agas was, wat die konings van Juda opgerig het, en die altare wat Manasse opgerig het in die twee voorhowe van die huis van die Here, het die koning afgebreek. Hy het dit vinnig daarvandaan verwyder en die stof daarvan in die Kidrondal gegooi.

2 Konings 23:27

Die Here het gesê: “Ook Juda sal Ek uit my teenwoordigheid verwyder, soos Ek Israel verwyder het; en Ek sal hierdie stad, Jerusalem, wat Ek uitverkies het, verwerp, asook die tempel waarvan Ek gesê het, ‘My Naam sal daar wees.’ ”

2 Kronieke 6:5

‘Van die dag af dat Ek my volk Israel uit Egipteland gelei het, het Ek onder al die stamme van Israel nie 'n stad gekies om 'n •tempel te bou, sodat my Naam daar sou wees nie, en Ek het niemand gekies om 'n leier oor my volk Israel te wees nie.

2 Kronieke 6:6

Maar nou het Ek Jerusalem gekies, sodat my Naam daar sal wees, en Ek het Dawid gekies om oor my volk Israel te wees.’

Eksodus 20:24

'n Altaar van grond moet jy vir My maak, en daarop jou •brandoffers en jou •maaltydoffers, jou kleinvee en beeste slag. Op elke plek waar Ek toelaat dat my Naam genoem word, sal Ek na jou kom en jou seën.

Jeremia 32:31

“Ja, hierdie stad was vir My 'n rede tot toorn en woede vanaf die dag dat dit gebou is tot vandag toe, sodat Ek dit voor my aangesig wil verwyder

Jeremia 32:34

Hulle het hulle verfoeilike afgode neergesit in die huis waaroor my Naam uitgeroep is, om so my huis te verontreinig.

Jeremia 32:35

Hulle het offerhoogtes vir Baäl in die Ben-Hinnomdal gebou om hulle seuns en dogters aan Moleg te wy – iets wat Ek hulle nie beveel het nie, en wat nie in my gedagtes opgekom het nie – om sodoende iets afstootliks te doen en Juda te laat sondig!

Jeremia 7:30

“Ja, die nageslag van Juda het gedoen wat verkeerd is in my oë,” is die uitspraak van die Here. “Hulle het hulle verfoeilike afgode geplaas in die huis waaroor my Naam uitgeroep is, om dit te verontreinig.

Esegiël 23:38

Verder het hulle die volgende aan My gedoen: Hulle het my heiligdom op dieselfde dag verontreinig, en my Sabbatte het hulle ontheilig.

Esegiël 23:39

Toe hulle hulle kinders geslag het vir hulle afgodsbeelde, het hulle op dieselfde dag na my heiligdom gekom om dit te ontheilig. Kyk, so het hulle binne-in my huis opgetree.

Deuteronomium 12:5

Slegs by die plek wat die Here julle God uit al julle stamme sal kies om sy Naam daar te vestig as sy woonplek, mag julle na sy wil vra; daarheen moet jy gaan.