1 Samuel 8:5 - Die Bybel 2020-vertaling

⁵ Hulle het vir hom gesê: “Kyk, u het oud geword, en u seuns volg nie in u voetspore nie. Stel dan nou vir ons 'n koning aan om ons te rig, soos dit by al die nasies is. ”

Bybel vir almal

⁵ en vir hom gesê: “Kyk, jy is al oud, en jou seuns doen nie soos jy nie. Jy moet nou vir ons 'n koning kies en aanstel om oor ons te regeer, dit is so by al die ander volke.”

Afrikaans 1933-1953

⁵ en sê vir hom: Kyk, u is oud, en u seuns wandel nie in u weë nie; stel nou 'n koning oor ons aan om ons te rig soos by al die nasies.

Afrikaans 1983

⁵ Hulle het vir hom gesê: “Kyk, u het oud geword. U kinders is nie soos u nie. Stel nou liewer 'n koning oor ons aan om oor ons te regeer, soos dit by al die nasies is.”

Contemporary Afrikaans Bible 2023

⁵ En hy sê vir hom: Kyk, jy is oud, en jou seuns wandel nie in jou weë nie; maak nou vir ons 'n koning om ons te oordeel soos al die nasies.

Die Boodskap

⁵ Hulle sê vir hom: “U het oud geword en u seuns volg nie u voorbeeld nie. Stel dan nou ’n koning oor ons aan om ons regter te wees soos dit die geval is by al die ander nasies.”

Nuwe Lewende Vertaling

⁵ “Kyk,” sê hulle vir hom, “u is nou al bejaard en u seuns volg nie u voorbeeld nie. Stel vir ons ’n koning aan soos die gebruik is by al die ander nasies.”

1 Samuel 8:5 Kruisverwysings

Numeri 23:9

Ja, bo van die rotse af sien ek hulle, en vanaf die heuwels neem ek hulle waar. Kyk, dit is 'n volk wat afgesonderd woon; onder die nasies reken hy homself nie.

Handelinge 13:21

Hierna het hulle aangedring op 'n koning, en God het Saul, die seun van Kis, 'n man uit die stam van Benjamin, vir veertig jaar aan hulle gegee.

Rigters 8:22

Die manne van Israel het toe vir Gideon gesê: “Heers oor ons, u sowel as u seun en kleinseun, want u het ons verlos uit die hand van die Midianiete.”

1 Samuel 10:19

“Julle, egter, het vandag julle God verwerp wat julle uit alle gevare en benoudhede verlos. Julle het gesê, ‘Nee, maar 'n koning moet jy oor ons aanstel. ’ Neem dan nou plek in voor die Here volgens julle stamme en volgens julle afdelings.”

1 Samuel 12:13

Hier is dan nou die koning wat julle verkies het, waarvoor julle gevra het. “Kyk, die Here het vir julle 'n koning gegee.

1 Samuel 12:17

Is dit nie die tyd van die koringoes nie? Ek sal die Here aanroep, sodat Hy donderslae en reën beskik. Besef dan en sien in dat julle boosheid groot is – dit wat julle in die oë van die Here gedoen het deur 'n koning vir julle te vra. ”

1 Samuel 12:2

Hier is dan nou die koning wat voor julle uit sal loop. Ek het oud en grys geword, maar my seuns is nog hier by julle. “Ek is die een wat van my jeug af tot vandag toe voor julle uit geloop het.

1 Samuel 9:20

Wat die donkiemerries betref waarna jy vandag drie dae lank al op soek is: Moet jou nie oor hulle bekommer nie, want hulle is gevind. Maar aan wie behoort al die kosbaarhede van Israel? Is dit nie aan jou en jou familie nie?”