1 Samuel 3:1 - Die Bybel 2020-vertaling

¹ Die seun Samuel was in diens van die Here onder toesig van Eli. 'n Woord van die Here was seldsaam in daardie dae; geen visioene het voorgekom nie.

Bybel vir almal

¹ Die seun Samuel het vir die Here gewerk saam met Eli. In daardie tyd het die Here min met mense gepraat en Hy het nie baie maal vir hulle iets gewys nie.

Afrikaans 1933-1953

¹ EN die seun Samuel het die Here gedien voor Eli, en die woord van die Here was skaars in die dae: gesigte was daar nie baie nie.

Afrikaans 1983

¹ Die seun Samuel het die Here gedien onder toesig van Eli. Die woord van die Here is in daardie tyd min gehoor, daar was nie dikwels openbarings nie.

Contemporary Afrikaans Bible 2023

¹ En die seun Samuel het die HERE voor Eli gedien. En die woord van die HERE was kosbaar in dié dae; daar was geen oop visie nie.

Die Boodskap

¹ Die seuntjie Samuel het onder Eli se toesig in die tempel gehelp. Die woord van die Here was skaars in dié tyd. Die Here het met niemand gepraat nie.

Nuwe Lewende Vertaling

¹ Intussen het die seun Samuel die Here gedien onder Eli se toesig. In daardie tyd was boodskappe van die Here baie skaars en visioene was seldsaam.

1 Samuel 3:1 Kruisverwysings

Psalms 74:9

Ons sien nie meer ons tekens nie, daar is nie meer 'n profeet nie; en niemand by ons weet hoe lank nog nie.

Spreuke 29:18

Wanneer daar geen profetiese visioen is nie, raak 'n volk bandeloos; maar wanneer hulle die wet nakom, is hulle gelukkig.

Jesaja 13:12

Ek sal sterflinge skaarser maak as fyngoud, mense skaarser as goud uit Ofir.

Esegiël 7:26

Ramp op ramp is op pad; daar is gerug ná gerug. Hulle soek 'n openbaring by die profeet; onderrig deur die priester ontbreek, ook raad deur die oudstes.

1 Samuel 2:11

Daarna het Elkana na Rama gegaan, na sy huis toe. Die seuntjie was egter in diens van die Here onder toesig van Eli, die priester.

1 Samuel 2:18

Samuel het voor die Here diens gedoen – 'n seuntjie wat 'n efod van linne aangehad het

1 Samuel 2:35

“ ‘Ek sal vir My 'n betroubare priester aanstel wat volgens my wil en wens sal optree. Ek sal vir hom 'n bestendige huis bou, sodat hy altyd voor my gesalfde sal diens doen.

1 Samuel 2:36

En elkeen wat oorbly in jou familie, sal kom om diep voor hom te buig vir 'n stukkie silwer en 'n ronde brood. En hulle sal sê: “Stel my asseblief aan by een van die priesterlike take, sodat ek 'n stukkie brood het om te eet.” ’ ”

1 Samuel 3:15

Samuel het bly lê tot die oggend, en hy het die deure van die huis van die Here oopgemaak. Maar Samuel was bang om vir Eli van die verskyning te vertel.

1 Samuel 3:21

Die Here het daarna weer in Silo verskyn; ja, die Here het Hom in Silo deur sy woord aan Samuel geopenbaar.