1 Samuel 15:6 - Die Bybel 2020-vertaling

⁶ Saul het vir die Keniete gesê: “Gee pad! Kom weg daar tussen die Amalekiete, anders vernietig ek julle saam met hulle. Julle is die mense wat guns bewys het aan al die Israeliete toe hulle uit Egipte opgetrek het.” Die Keniete het toe onder die Amalekiete uit padgegee.

Bybel vir almal

⁶ Saul het vir die Keniete 'n boodskap gestuur. Hy het gesê: “Julle moet weggaan van die Amalekiete, julle moenie by hulle bly nie. Dan sal ons julle nie doodmaak saam met die Amalekiete nie, want julle het goed gedoen aan die Israeliete toe hulle uit Egipte gekom het.” Die Keniete het toe weggegaan van die Amalekiete,

Afrikaans 1933-1953

⁶ sê Saul vir die Keniete: Gaan weg, verwyder julle, trek af onder die Amalekiete uit, dat ek julle nie met hulle saam wegruim nie; want julle het guns bewys aan al die kinders van Israel by hulle optog uit Egipte. Toe het die Keniete hulle verwyder onder die Amalekiete uit.

Afrikaans 1983

⁶ Toe het Saul die Keniete laat weet: “Gee gou pad tussen die Amalekiete uit sodat ek julle nie saam met hulle uit die weg ruim nie, want julle het die Israeliete goed behandel toe hulle uit Egipte getrek het.” Die Keniete het toe tussen die Amalekiete uit padgegee.

Contemporary Afrikaans Bible 2023

⁶ Toe sê Saul aan die Keniete: Gaan heen, trek weg, trek julle af onder die Amalekiete, dat ek julle nie saam met hulle vernietig nie; want julle het guns bewys aan al die kinders van Israel toe hulle uit Egipte opgetrek het. So het die Keniete onder die Amalekiete uit weggetrek.

Die Boodskap

⁶ Maar hy het eers vir die Keniete laat weet: “Maak dat julle wegkom van die Amalekiete af, anders maak ek julle dalk saam met hulle dood. Ek wil dit nie doen nie, want julle was goed vir die Israeliete toe hulle uit Egipte getrek het.” Die Keniete het toe van die Amalekiete af padgegee.

Nuwe Lewende Vertaling

⁶ Hy stuur ook ’n boodskap aan die Keniete: “Gee pad tussen die Amalekiete, anders sal julle saam met hulle omkom. Julle was Israel immers goedgesind toe hulle uit Egipte opgetrek het.” Die Keniete het toe padgegee.

1 Samuel 15:6 Kruisverwysings

Genesis 15:19

die gebied van die Keniete, Kenissiete, Kadmoniete,

Genesis 18:25

U sal tog nooit so iets doen nie – om regverdiges saam met goddeloses te laat sterf, asof regverdiges soos goddeloses is! U sal tog nooit! Sal die regter van die hele aarde dan nie reg laat geskied nie?”

1 Kronieke 2:55

en die volgende skrywerfamilies wat in Jabes gewoon het: die mense van Tira, Sema en Suga. Hulle is die Keniete wat van Gamma, die stigter van die Regab-beweging, afstam.

Eksodus 18:19

Luister nou na my! Ek sal vir jou raad gee, en mag God met jou wees! Tree jy vir die volk in by God, en bring jy die sake voor God.

Spreuke 9:6

Bly weg van onkundiges, en leef! Betree die weg van insig!

Numeri 16:34

Die hele Israel wat om hulle was, het gevlug oor hulle geskreeu, omdat hulle gedink het, anders verswelg die aarde hulle ook!

Handelinge 2:40

Met nog baie ander woorde het hy getuig en hulle aangespoor: “Laat julle uit hierdie korrupte geslag red.”

2 Korinthiërs 6:17

Daarom: “Gaan uit hulle midde uit en sonder julle af,” sê die Here, “en moenie aanraak wat •onrein is nie.” “En Ek sal julle aanneem,”

2 Timoteus 1:16

Mag die Here barmhartigheid bewys aan Onesiforus se huisgesin, want hy het my dikwels opgebeur en hom nie vir my boeie geskaam nie;

Openbaring 18:14

“En die vrug van jou hartsbegeerte is jou nou ontneem. Al die weelde en luukshede is nou vir jou verlore; dit is beslis nie meer te vinde nie.”

Rigters 1:16

Die nakomelinge van Moses se skoonvader, die Keniet, het saam met die nakomelinge van Juda uit die Palmstad opgetrek na die Judese woestyn wat in die Negev by Arad lê. Hulle het daarheen gegaan en by die mense gaan woon.

Rigters 4:11

Geber, die Keniet, het van die Keniete afgeskei, van die nageslag van Gobab, Moses se skoonvader. Hy het sy tent opgeslaan by die akkerboom in Saänannim wat naby Kedes is.

Rigters 5:24

“Geseënd onder die vroue is Jael, die vrou van Geber, die Keniet, geseënd onder die vroue in tente.

1 Samuel 15:5

Toe Saul by die stad van die Amalekiete aankom, het hy 'n hinderlaag in die dal opgestel.

1 Samuel 27:10

vra Agis: “Waar het julle vandag 'n aanval geloods?” Dawid sê dan: “In die Negev van Juda”, of “teen die mense van Jeragmeël in die Negev”, of “teen die Keniete in die Negev”.

1 Samuel 30:29

aan dié wat in Ragal, aan dié wat in die dorpe van Jeragmeël se mense en in die dorpe van die Keniete is,