1 Samuel 11:8 - Die Bybel 2020-vertaling

⁸ Saul het hulle in Besek gemonster – die Israeliete was driehonderdduisend, en die manne van Juda was dertigduisend.

Bybel vir almal

⁸ Saul het hulle by die stad Besek laat bymekaarkom en hy het hulle getel. Daar was 300 000 manne van Israel en 30 000 manne van Juda.

Afrikaans 1933-1953

⁸ En hy het hulle gemonster in Besek: die kinders van Israel was driehonderdduisend en die manne van Juda dertigduisend.

Afrikaans 1983

⁸ Saul het hulle in Besek getel. Daar was drie honderd afdelings Israeliete, en die manne van Juda was dertig afdelings.

Contemporary Afrikaans Bible 2023

⁸ En toe hy hulle in Besek getel het, was die kinders van Israel drie honderd duisend en die manne van Juda dertig duisend.

Die Boodskap

⁸ Saul het die manskappe by Besek getel: daar was 300 afdelings Israeliete en 30 afdelings Judeërs.

Nuwe Lewende Vertaling

⁸ Saul het hulle by Besek bymekaargemaak. Daar was 300 afdelings uit Israel en 30 afdelings uit Juda.

1 Samuel 11:8 Kruisverwysings

2 Samuel 24:9

Joab het die getal van die manskappe waarvan 'n opname gemaak is, aan die koning oorhandig: In Israel was daar agthonderdduisend weerbare manne gewapen met swaarde, en die weerbare manne van Juda was vyfhonderdduisend man.

2 Konings 3:6

Koning Joram het dieselfde dag nog uit Samaria uitgetrek en die hele Israel gemonster.

Rigters 20:2

Die steunpilare van die hele volk, van al die stamme van Israel, het hulle plekke ingeneem in die strydmag van die volk van God. Dit was vierhonderdduisend man te voet, gewapen met swaarde.

1 Samuel 11:9

Hulle het vir die boodskappers wat daar aangekom het, gesê: “So moet julle vir die manne van Jabes in Gilead sê, ‘Môre sal daar vir julle redding wees wanneer die son warm is.’ ” Die boodskappers het gegaan, en toe hulle die manne van Jabes daaroor inlig, was hulle verheug.

1 Samuel 13:15

Toe het Samuel opgestaan en van Gilgal af opgegaan na Gibea in Benjamin. Saul het die manskappe wat nog by hom was, gemonster, ongeveer seshonderd man.

1 Samuel 15:4

Daarop het Saul die manskappe opgeroep en hulle gemonster in Telaïm – tweehonderdduisend voetsoldate en tienduisend man uit Juda.