Psalms 69:4 - Die Bybel 2020-vertaling

Ek is uitgeput van my geroep, my keel is al hees. My oë is vermoeid van wag op my God.

Bybel vir almal

Ek is moeg van roep en vra dat U my moet help, my keel brand, my oë het dof geword, want ek hou aan om te wag vir my God.

Afrikaans 1933-1953

Ek is moeg van my geroep, my keel brand, my oë versmag terwyl ek wag op my God.

Afrikaans 1983

Ek het my moeg geroep om hulp, my keel is hees geroep, selfs my oë het ingegee soos ek vir my God gewag het.

Contemporary Afrikaans Bible 2023

Die wat my sonder oorsaak haat, is meer as die hare van my hoof; hulle wat my wou vernietig, omdat hulle my vyande is, is magtiges; toe het ek teruggegee wat ek nie weggeneem het nie.

Die Boodskap

Ek is moeg om hulp geroep. My keel is al seer van die smeek. My oë het ook al ingegee soos ek kyk of God my nie sal kom help nie. Ek wag heeltyd dat my God my moet kom help.

Nuwe Lewende Vertaling

Ek is uitgeput van roep om hulp. My keel is hees en my oë dof, terwyl ek wag dat God my help.

Psalms 69:4 Kruisverwysings

Psalms 35:19

Laat my vyande hulle nie valslik oor my verheug nie, laat hulle wat my sonder rede haat, nie met die oog knik nie;

Psalms 40:12

U, Here, moet tog nie u ontferming van my weerhou nie. Laat u troue liefde en waarheid my altyd veilig hou,

Psalms 59:3

Red my van hulle wat onreg pleeg en verlos my van mense wat bloed vergiet;

Psalms 6:7

Ek is moeg van my gesug, elke nag deurdrenk ek my bed, deurweek ek my slaapbank met trane.

Johannes 15:25

Maar die uitspraak wat in hulle wet opgeteken staan, moet in vervulling gaan, ‘Hulle het My sonder rede gehaat.’

2 Korinthiërs 5:21

Hy wat nie sonde geken het nie, Hom het God ter wille van ons tot sonde gemaak, sodat ons in Hom voor God geregverdig kon word.

1 Petrus 2:22

Hy wat “nie sonde gedoen het nie, en in wie se mond geen bedrog gevind is nie”;

1 Petrus 2:24

wat self ons sondes in sy liggaam aan die kruishout gedra het, sodat ons, noudat ons ons sondes afgesterf het, vir •geregtigheid kan leef – Hy deur wie se verwonding julle genees is.

1 Petrus 3:18

Immers, ook Christus het eens en vir altyd vir sondes gely, Hy, die Regverdige, ter wille van onregverdiges, sodat Hy julle na God kon bring. Hy is wel liggaamlik doodgemaak, maar deur die Gees is Hy lewend gemaak.