Psalms 40:12 - Die Bybel 2020-vertaling

¹² U, Here, moet tog nie u ontferming van my weerhou nie. Laat u troue liefde en waarheid my altyd veilig hou,

Bybel vir almal

¹² U, Here, U moenie ophou om jammer te wees vir my nie, U moet altyd doen wat U belowe het, U moet dieselfde bly, dan sal ek veilig wees.

Afrikaans 1933-1953

¹² U, o Here, sal u barmhartighede van my nie terughou nie; laat u goedertierenheid en u trou my altyddeur behoed.

Afrikaans 1983

¹² Moet my tog nie uitsluit van u ontferming nie, Here, laat u liefde en trou my voortdurend bewaak,

Contemporary Afrikaans Bible 2023

¹² Want ontelbare euwels het my omring: my ongeregtighede het my aangegryp, sodat ek nie kan opkyk nie; hulle is meer as die hare van my hoof; daarom begewe my hart my.

Die Boodskap

¹² Here, ek weet U sal nie ophou om my met u liefde toe te vou nie. Pas my altyd op. Wees lief vir my.

Nuwe Lewende Vertaling

¹² Here, moenie u ontferming van my weghou nie. Laat u liefde en trou my altyd beskerm.

Psalms 40:12 Kruisverwysings

Genesis 42:28

Hy sê toe vir sy broers: “My silwer is teruggesit! Ja, hier is dit in my sak.” Hulle was verslae, en verskrik het hulle na mekaar gedraai: “Wat is dit wat God aan ons doen?”

Psalms 116:3

Bande van die dood het my omsluit; angste van die •doderyk het my oorval; benoudheid en bekommernis het ek ervaar.

Psalms 19:12

Boonop, u dienskneg word daardeur gewaarsku; wanneer 'n mens daarby hou, is die beloning groot.

Psalms 38:4

Daar is geen gesonde plek aan my liggaam nie, vanweë u vervloeking. Daar is geen vrede in my gebeente nie, vanweë my sonde.

Psalms 61:8

mag hy altyd voor God regeer. Voorsien toewyding en waarheid, laat dit oor hom wag hou!

Psalms 69:4

Ek is uitgeput van my geroep, my keel is al hees. My oë is vermoeid van wag op my God.

Psalms 73:26

My liggaam en my hart kan maar wegkwyn, God is die rots van my hart en my erfdeel vir altyd.

Jesaja 53:6

Ons almal het soos kleinvee gedwaal, elkeen van ons het sy eie koers ingeslaan; maar die Here het ons almal se sondeskuld op hom laat neerkom.

Lukas 21:26

Mense sal flou val van vrees en vermoedens oor wat die wêreld gaan tref, want die kragte van die hemele sal geskud word.

Hebreërs 4:15

Want ons het nie 'n Hoëpriester wat nie medelye met ons swakhede kan hê nie, maar Een wat, soos ons, in alle opsigte versoek is, en dit sonder dat Hy gesondig het.

1 Petrus 3:18

Immers, ook Christus het eens en vir altyd vir sondes gely, Hy, die Regverdige, ter wille van onregverdiges, sodat Hy julle na God kon bring. Hy is wel liggaamlik doodgemaak, maar deur die Gees is Hy lewend gemaak.