Openbaring 18:5 - Die Bybel 2020-vertaling Haar sonde het opgehoop tot aan die hemel, en God het haar onregverdige dade onthou. Bybel vir almal Die mense van daardie stad doen baie sondes, dit is 'n groot hoop sondes, dit is so hoog soos die hemel! Ja, God het onthou dat hulle verkeerde dinge gedoen het! Afrikaans 1933-1953 Want haar sondes reik tot aan die hemel, en God het haar ongeregtighede onthou. Afrikaans 1983 Haar sondes het tot aan die hemel opgehoop, en God het haar ongeregtighede onthou. Contemporary Afrikaans Bible 2023 Want haar sondes reik tot aan die hemel, en God het aan haar ongeregtighede gedink. Die Boodskap Sy het so baie verkeerde dinge gedoen. As jy dit op mekaar pak, sal die hoop so hoog soos die hemel wees. So iets sal God nooit vergeet nie! Hy onthou elke verkeerde ding wat sy gedoen het. Nuwe Lewende Vertaling Haar sondes het so hoog soos die hemel opgehoop en God het haar wandade onthou. |
In Samaria was daar 'n profeet van die Here; sy naam was Oded. Hy het uitgegaan, die leër wat op pad was na Samaria tegemoetgeloop, en vir hulle gesê: “Kyk, vanweë die woede van die Here, die God van julle voorouers, oor Juda, het Hy hulle in julle hand gegee; en julle het van hulle doodgemaak met 'n onbeheersde woede wat ten hemel skrei.
Ek het gesê: “My God, ek is te skaam en verleë om my gesig na U, my God, op te lig, want ons sonde het hoër as ons koppe opgestapel en ons skuld strek tot aan die hemel.
“Ons wou Babel gesond maak, maar sy kan nie genees word nie. Verlaat haar! Kom ons gaan elkeen na sy eie land; want tot aan die hemel reik die oordeel oor haar, en tot aan die wolke strek dit.”
“Staan op, gaan na die groot stad Nineve en spreek hulle aan, want die kwaad wat hulle doen, het opgestyg tot voor My.”
Die groot stad het in drie dele uitmekaar geval, en die stede van die nasies het ineengetuimel. God het aan Babilon, die magtige, gedink deur aan haar die beker wyn van die gramskap van sy toorn te gee.