Openbaring 16:19 - Die Bybel 2020-vertaling

¹⁹ Die groot stad het in drie dele uitmekaar geval, en die stede van die nasies het ineengetuimel. God het aan Babilon, die magtige, gedink deur aan haar die beker wyn van die gramskap van sy toorn te gee.

Bybel vir almal

¹⁹ Die aardbewing het die groot stad, Babilon, in drie stukke laat breek, en die stede van die volke is verwoes. God het onthou dat die mense van die stad Babilon sonde gedoen het. Hy was baie kwaad vir hulle en Hy het hulle gestraf, Hy het vir hulle die beker van swaarkry gegee om te drink.

Afrikaans 1933-1953

¹⁹ En die groot stad is in drie dele verdeel, en die stede van die nasies het geval. En die groot Babilon is in gedagtenis gebring voor God, om haar te gee die beker met die wyn van die grimmigheid van sy toorn.

Afrikaans 1983

¹⁹ Die groot stad het in drie dele geskeur, en die stede van die nasies het inmekaargestort. God het ook nie vergeet om vir die grote Babilon die beker met die wyn van sy gloeiende toorn te gee nie.

Contemporary Afrikaans Bible 2023

¹⁹ En die groot stad is in drie dele verdeel, en die stede van die nasies het geval, en die groot Babel het in gedagtenis gekom voor God, om aan haar die beker van die wyn van die gloed van sy toorn te gee.

Die Boodskap

¹⁹ Met die groot aardbewing is die belangrikste stad, Babilon, met al die bose mense in stukke geruk. Dit het in drie gebreek. Van die stede en mense wat God nie gedien het nie, het niks oorgebly nie. Ja, so sal dit gaan. God vergeet nie wat die klomp slegte mense van Babilon alles teen Hom gedoen het nie. Hulle sal moet betaal, daarvoor sal God sorg. Elke stukkie van God se straf en woede sal Babilon tref.

Nuwe Lewende Vertaling

¹⁹ Die groot stad is in drie dele geskeur, en die stede van die nasies het ineengetuimel. God het dus hoegenaamd nie vergeet om vir die grote Babilon die beker met die wyn van sy woedende toorn te gee nie.

Openbaring 16:19 Kruisverwysings

Jesaja 49:26

Ek sal hulle wat jou verdruk, hulle eie vlees laat eet. Hulle sal dronk word van hulle eie bloed, asof dit soetwyn is. Alle mense sal besef dat dit Ek, die Here, is wat jou verlos, jou losser, die Magtige van Jakob.”

Jeremia 25:26

al die konings van die noorde, dié wat naby en dié wat ver van mekaar af is. Ja, dit geld vir al die koninkryke van die wêreld oor die hele oppervlakte van die aarde. Die koning van Sjesjag sal ná hulle drink.

Daniël 4:30

Die koning het toe begin praat en gesê: “Is dit nie die grote Babel wat ek tot 'n koninklike verblyf opgebou het deur die krag van my vermoë en tot verheerliking van my majesteit nie?”

Openbaring 11:8

Dan sal hulle lyke langs die hoofstraat van die groot stad lê, daardie stad wat, figuurlik gesproke, Sodom en Egipte genoem word, en waar ook hulle Here gekruisig is.

Openbaring 17:1

Een van die sewe engele wat die sewe bakke vashou, het toe nader gekom, en met my gepraat en gesê: “Kom hierheen, ek sal jou die oordeel wys oor die groot prostituut wat by baie waters bly. ”

Openbaring 17:18

Die vrou wat jy gesien het, is die groot stad wat heerskappy oor die konings van die aarde het.”

Openbaring 17:5

En op haar voorkop was 'n naam geskryf, 'n misterie: “Babilon die Grote, die moeder van die prostitute, en van al die afskuwelikhede van die aarde.”

Openbaring 18:10

Hulle sal uit vrees vir haar foltering op 'n afstand staan en sê: “Wee, wee jou, groot stad, Babilon, magtige stad, binne 'n oomblik het jou oordeel aangebreek!”

Openbaring 18:2

Hy het met 'n kragtige stem uitgeroep: “Geval, geval het Babilon die Grote! Sy het 'n woonplek vir demone geword, 'n skuilplek vir elke onrein gees, 'n skuilplek vir elke onrein voël, en 'n skuilplek vir elke onrein en veragtelike dier,

Openbaring 18:21

Toe het een sterk engel 'n klip, soos 'n groot maalklip van 'n donkie, opgetel en dit in die see gegooi en gesê: “Net so, met geweld, sal die groot stad Babilon neergegooi word, en sy sal nooit weer gevind word nie.

Openbaring 18:5

Haar sonde het opgehoop tot aan die hemel, en God het haar onregverdige dade onthou.