Openbaring 18:6 - Die Bybel 2020-vertaling

⁶ Vergeld haar soos sy julle dit laat ontgeld het, vergeld haar dubbeld, ooreenkomstig haar dade. In die beker waarin sy vir julle gemeng het, moet julle vir haar twee keer soveel meng.

Bybel vir almal

⁶ Julle moet dieselfde aan hulle doen wat hulle aan julle gedoen het, julle moet hulle twee maal straf vir elke verkeerde ding wat hulle gedoen het! Hulle het vir julle die beker van swaarkry gegee om te drink. Nou moet julle twee maal die beker van swaarkry vir húlle gee om te drink!

Afrikaans 1933-1953

⁶ Vergeld haar soos sy ook julle vergeld het, en verdubbel dit vir haar volgens haar werke. Skink vir haar dubbel in die beker waarin sy geskink het.

Afrikaans 1983

⁶ Behandel haar soos sy julle behandel het, en vergeld haar dubbel soveel as wat sy julle aangedoen het. In die beker waarin sy vir julle ingeskink het, moet julle vir haar twee keer soveel inskink.

Contemporary Afrikaans Bible 2023

⁶ Vergeld haar soos sy jou vergeld het, en verdubbel vir haar dubbel volgens haar werke: vul in die beker wat sy volgemaak het vir haar dubbel.

Die Boodskap

⁶ Maak met haar wat sy met julle gemaak het. Betaal haar dubbel en dwars terug vir wat sy aan julle gedoen het. As sy julle met een hou geslaan het, slaan haar dubbel so hard terug.

Nuwe Lewende Vertaling

⁶ Gee aan haar terug wat sy uitgedeel het, en gee aan haar dubbel soveel as wat sy aan julle gedoen het. In die beker waarin sy vervolging vir julle gemeng het, moet julle twee keer soveel inskink.

Openbaring 18:6 Kruisverwysings

Psalms 137:8

Dogter van Babel, gedoem tot verwoesting, gelukkig die een wat jou jou dade vergeld wat jy ons aangedoen het!

Psalms 28:4

Vergeld hulle ooreenkomstig hulle dade, hulle bose optrede; vergeld hulle vir hulle handewerk, gee hulle hulle verdiende loon.

Jesaja 40:2

“Praat mooi met Jerusalem! Roep haar toe dat haar gedwonge arbeid voltooi is, dat haar skuld afbetaal is! Ja, sy het uit die hand van die Here 'n dubbele straf ontvang vir al haar sondes. ”

Jesaja 61:7

In plaas van julle skande word julle dubbeld vergoed. Ja, in plaas van vernedering sal hulle jubel oor hulle deel; daarom sal hulle 'n dubbele deel in hulle land in besit neem. Daar sal vir hulle ewige vreugde wees.

Jeremia 16:18

Ek gaan hulle dubbeld laat betaal vir hulle sondeskuld en hulle sondes, omdat hulle my land ontheilig het met die geraamtes van hulle verfoeilike en afstootlike afgode; hulle het my eiendom vol gemaak daarmee.”

Jeremia 17:18

Laat hulle wat my vervolg, beskaamd staan; maar moenie dat ek die een is wat beskaamd staan nie! Laat hulle dié wees wat vreesbevange is; maar moenie dat ek die een is wat vreesbevange is nie! Bring oor hulle die dag van onheil, en verpletter hulle met 'n dubbele slag!

Jeremia 50:15

Hef die krygsgeskreeu teen haar aan van alle kante! Sy gee oor, haar torings val, haar mure word afgebreek; want dit is die wraak van die Here. Wreek julle op haar! Soos wat sy gedoen het, doen dit aan haar.

Jeremia 50:29

Roep die boogskutters op na Babel, almal wat die boog span! Beleër haar reg rondom! Daar moet geen wegkomkans wees nie. Vergeld haar in ooreenstemming met haar dade; net soos sy gedoen het, doen dit aan haar; want teen die Here het sy vermetel opgetree, teen die Heilige van Israel.

Jeremia 51:24

“Ek vergeld Babel en alle inwoners van Galdeë al hulle boosheid wat hulle voor julle oë in Sion aangerig het,” is die uitspraak van die Here.

Jeremia 51:49

“ Ook Babel moet val vir die gesneuweldes van Israel, soos gesneuweldes van die hele aarde ook vir Babel geval het.

Klaagliedere 3:64

U, o Here, sal hulle volgens die werke van hulle hande vergeld.

Sagaria 9:12

Julle hoopvolle gevangenes, keer terug na die vesting! Verder maak Ek vandag bekend: Ek sal jou dubbeld beloon.

2 Timoteus 4:14

Aleksander, die kopersmid, het my baie kwaad aangedoen. Die Here sal hom volgens sy dade vergeld.

Openbaring 13:10

As iemand bestem is vir gevangenskap, sal hy in gevangenskap gaan; as iemand bestem is om met 'n swaard doodgemaak te word, sal hy met 'n swaard doodgemaak word. Hiervoor het die heiliges volharding en geloof nodig.

Openbaring 14:10

sal hy ook drink van die wyn van God se toorn, wat onverdun in die beker van God se toorn geskink is. Hy sal ook in die teenwoordigheid van die heilige engele en die Lam met vuur en swael gefolter word.”

Openbaring 16:19

Die groot stad het in drie dele uitmekaar geval, en die stede van die nasies het ineengetuimel. God het aan Babilon, die magtige, gedink deur aan haar die beker wyn van die gramskap van sy toorn te gee.

Openbaring 17:2

Die konings van die aarde het met haar gehoereer, en die aardbewoners het dronk geword van die wyn van haar hoerery.

Openbaring 17:4

Die vrou het purperrooi en helderrooi klere gedra, en was versier met goud, edelstene en pêrels. In haar hand het sy 'n goue beker gehou, vol afskuwelikhede, en die onrein dinge van haar hoerery.

Openbaring 18:20

Juig oor haar, hemel, •heiliges, •apostels en profete! God het julle oordeel oor haar voltrek.”