Openbaring 18:4 - Die Bybel 2020-vertaling

⁴ Toe het ek 'n ander stem uit die hemel hoor sê: “Gaan weg van haar, my volk, sodat julle nie ook deelneem aan haar sonde nie, en julle haar plae nie oor julle bring nie.

Bybel vir almal

⁴ Toe het ek gehoor dat Iemand in die hemel sê: “My volk, julle moet uitkom uit daardie stad! Dan sal julle nie sonde doen saam met die mense van die stad nie, en God sal julle nie saam met hulle straf nie!

Afrikaans 1933-1953

⁴ En ek het 'n ander stem uit die hemel hoor sê: Gaan uit haar uit, my volk, sodat julle nie gemeenskap met haar sondes mag hê en van haar plae ontvang nie.

Afrikaans 1983

⁴ Toe het ek 'n ander stem uit die hemel hoor sê: “Gaan uit haar uit, my volk, sodat julle nie aan haar sondes deel kry en die plae wat oor haar kom, julle ook tref nie.

Contemporary Afrikaans Bible 2023

⁴ En ek het 'n ander stem uit die hemel hoor sê: Gaan uit haar uit, my volk, sodat julle nie gemeenskap met haar sondes mag hê en van haar plae ontvang nie.

Die Boodskap

⁴ Net toe hoor ek iemand anders uit die hemel praat: “My volk, sorg dat julle uit die stad wegkom; gee pad, sodat julle nie met al daardie slegte dinge deurmekaarraak nie. Ja, gee pad sodat al haar rampe julle nie ook tref nie.

Nuwe Lewende Vertaling

⁴ Toe het ek ’n ander stem uit die hemel hoor sê: “Verlaat haar, my volk, sodat julle nie deel het aan haar sondes en haar plae julle nie ook tref nie.

Openbaring 18:4 Kruisverwysings

Genesis 19:14

Lot het uitgegaan en met sy skoonseuns, wat sy dogters as vrou sou neem, gepraat. Hy het gesê: “Maak gereed en gaan uit hierdie plek uit! Want die Here gaan die stad verdelg.” Maar in sy skoonseuns se oë was dit asof hy gekskeer.

Psalms 50:18

As jy 'n dief sien, raak jy met hom bevriend, en met egbrekers hou jy jou op.

Jesaja 48:20

“Gaan uit Babel uit, vlug weg van die Galdeërs! Kondig dit met jubelkrete aan, laat hierdie boodskap hoor! Laat dit uitgaan tot by die einde van die aarde! Sê, ‘Die Here het sy dienaar Jakob losgekoop!

Jesaja 52:11

Wyk uit! Wyk uit! Trek weg van daar af! Aan iets onreins moet julle nie raak nie. Trek weg uit haar midde! Hou julle rein, draers van die Here se tempelgereedskap!

Jeremia 50:8

“ Vlug uit Babel! Gaan weg uit die land van die Galdeërs! Wees soos bokramme voor die kleinvee!

Jeremia 51:45

“ Gaan uit haar uit, my volk! Red elkeen van julle sy eie lewe – weg van die brandende toorn van die Here!

Jeremia 51:50

Julle wat aan die swaard ontkom het, gaan weg! Moenie bly staan nie! Dink daar in die verte aan die Here! Jerusalem sal in julle harte opkom.”

Jeremia 51:6

Vlug weg uit Babel, laat elkeen sy eie lewe red! Sorg dat julle nie omkom weens haar sondeskuld nie. Want dit is 'n tyd van wraak vir die Here; ooreenkomstig wat sy verdien, reken Hy met haar af.

Jeremia 51:9

“Ons wou Babel gesond maak, maar sy kan nie genees word nie. Verlaat haar! Kom ons gaan elkeen na sy eie land; want tot aan die hemel reik die oordeel oor haar, en tot aan die wolke strek dit.”

Matteus 23:30

En julle sê, ‘As ons in die dae van ons vaders geleef het, sou ons nie saam met hulle deel gehad het aan die bloed van die profete nie.’

2 Korinthiërs 6:17

Daarom: “Gaan uit hulle midde uit en sonder julle af,” sê die Here, “en moenie aanraak wat •onrein is nie.” “En Ek sal julle aanneem,”

1 Timoteus 5:22

Moenie iemand oorhaastig die hande oplê, en moenie deel kry aan iemand anders se sondes nie; hou jouself rein.

2 Johannes 1:11

Want wie hom groet, het aandeel aan sy bose werke.