Isaya 5:23 - Swahili Revised Union Version

²³ wampao haki mwenye uovu, ili wapewe ijara, na kumwondolea mwenye haki haki yake!

Matoleo zaidi

Biblia Habari Njema

²³ Kwa hongo kidogo wanawaachilia wenye hatia na kuwanyima wasio na hatia haki yao.

Biblia Habari Njema - BHND

²³ Kwa hongo kidogo wanawaachilia wenye hatia na kuwanyima wasio na hatia haki yao.

Biblia Habari Njema: Toleo la Kujifunza

²³ Kwa hongo kidogo wanawaachilia wenye hatia na kuwanyima wasio na hatia haki yao.

Neno: Bibilia Takatifu

²³ wale wanaoachilia wenye hatia kwa kupokea hongo, lakini huwanyima haki wasio na hatia.

Neno: Maandiko Matakatifu

²³ wale wanaoachilia wenye hatia kwa kupokea hongo, lakini huwanyima haki wasio na hatia.

BIBLIA KISWAHILI

²³ wampao haki mwenye uovu, ili wapewe ijara, na kumwondolea mwenye haki haki yake!

Isaya 5:23 Marejeleo ya Msalaba

1 Wafalme 21:13

Na hao watu wawili, watu wasiofaa, wakaingia, wakaketi mbele yake; wale watu wasiofaa wakamshuhudia Nabothi mbele ya watu, wakasema, Nabothi amemtukana Mungu na mfalme. Ndipo wakamchukua nje ya mji, wakampiga kwa mawe hata akafa.

2 Mambo ya Nyakati 19:7

Basi sasa hofu ya BWANA na iwe juu yenu; aiweni waangalifu katika jambo mtendalo, kwa maana kwa BWANA, Mungu wetu hakuna upotoshaji wala kupendelea nafsi za watu au kupokea rushwa.

Zaburi 94:21

Kwa pamoja wanaishambulia nafsi yake mwenye haki, Na kuihukumu damu isiyo na hatia.

Methali 17:15

Yeye asemaye kwamba asiye haki ana haki; naye asemaye kwamba mwenye haki hana haki; Hao wote wawili ni chukizo kwa BWANA.

Methali 17:23

Asiye haki hutoa rushwa kifuani, Ili kuzipotosha njia za hukumu.

Methali 24:24

Amwambiaye mtu mwovu, Wewe una haki; Makabila ya watu watamlaani, taifa watamchukia.

Isaya 1:23

Wakuu wako ni waasi, na rafiki za wezi; kila mtu hupenda rushwa, hufuata malipo; hawampatii yatima haki yake, wala maneno ya mjane hayawafikii.

Isaya 10:1

Ole wao wawekao amri zisizo za haki, na waandishi waandikao sheria za kudhulumu;

Isaya 10:2

ili kumpotosha mhitaji asipate haki yake, na kuwanyang'anya maskini wa watu wangu haki yao; ili wajane wawe mateka yao, na kuwafanya yatima waliofiwa na baba zao kuwa mawindo yao!

Isaya 28:7

Lakini hawa nao wamekosa kwa divai, wamepotea kwa kileo; kuhani na nabii wamekosa kwa kileo, wamemezwa kwa divai, wamepotea kwa kileo; hukosa katika maono, hujikwaa katika hukumu.

Isaya 29:21

hao wamfanyao mtu kuwa amekosa katika neno, na kumtegea mtego yeye aonyaye langoni, na kumgeuza mwenye haki kwa kitu kisichofaa.

Isaya 32:7

Tena vyombo vyake mlaghai ni vibaya; hutunga hila mbaya, ili kuwaangamiza wanyonge kwa maneno ya uongo, mtu mhitaji ajaposema maneno yenye haki.

Isaya 59:15

Naam, kweli imepunguka kabisa, na yeye auachaye uovu ajifanya kuwa mateka; naye BWANA akaona hayo, akachukizwa kwa kuwa hapana hukumu ya haki.

Amosi 5:12

Maana mimi najua jinsi maasi yenu yalivyo mengi, na jinsi dhambi zenu zilivyo kubwa; ninyi mnaowaonea wenye haki, mnaopokea rushwa, na kuwageuza wahitaji langoni wasipate haki yao.

Mika 3:11

Wakuu wake huhukumu ili wapate rushwa, na makuhani wake hufundisha ili wapate ijara, na manabii wake hubashiri ili wapate fedha; ila hata hivyo watamtegemea BWANA, na kusema, Je! Hayupo BWANA katikati yetu? Hapana neno baya lolote litakalotufikia.

Mika 7:3

Mikono yao ni hodari kwa kutenda maovu; afisa na hakimu wanataka rushwa, mtu mkubwa hunena madhara yaliyomo rohoni mwake; hivyo ndivyo wayafumavyo hayo pamoja.

Mathayo 23:35

hivyo ije juu yenu damu yote ya haki iliyomwagika juu ya nchi, tangu damu ya Habili, yule mwenye haki, hata damu ya Zakaria mwana wa Barakia, mliyemwua kati ya patakatifu na madhabahu.

Kumbukumbu la Torati 16:19

Usipotoe maamuzi; wala usipendelee uso wa mtu; wala usitwae rushwa; kwa kuwa rushwa hupofusha macho ya wenye akili, na kugeuza kesi wa wenye haki.

Yakobo 5:6

Mmehukumu mwenye haki mkamwua; wala hashindani nanyi.