Éxodo 6:6 - Tayta Diospa Wilakuynin

⁶ <<Tsayno kaptinqa aywarkur Israel mayikikunata kayno wilanki: <Tayta Diosmi kayno nin: Noqaqa Tayta Diosmi kä. Egipto runakuna fiyupa nakatsir arutsishushqaykipitami qamkunata jorqushayki. Podernïwanmi Egipto runakunata mantsakuypaq castïgukunawan castigashaq.

Éxodo 6:6 Tukuy Ñawiqkunapa Wiñay Tupunakuy

1 Reyes 8:42

Paykunapis musyanqami lapanpaq munayniyuq Dios kashqaykita y qampaq imapis sasa mana kashqanta. Kay templu lädupa rikäramur manakushuptiki

2 Reyes 17:36

Tsaypa trukanqa noqalata adorapäkamanki y noqa japaläta sirvipäkamanki. Lapanpaq munayniyuq karmi qamkunata Egiptupita jorqamurqä. Tsaymi noqalata sirvipäkamanki, adorapäkamanki y noqalapaq sacrificiukunata rupatsipäkunki.

1 Crónicas 17:21

Kuyashqayki Israel runakunatanöqa manami pitapis yanapashqankitsu. Israel runakunata Egiptucho ashmay kaykashqanpita jorqamushqaykinöqa manami mayqan nación runakunatapis sirvishunaykipaq jorqamushqankitsu. Kuyashqayki runakunata jorqamushpaykimi lapanpaq munayniyuq kashqaykita musyatsishqanki. Tsaynöpis munayniyuq karmi contran sharkuq nacionkunata ushakätsishqanki.

Nehemías 1:10

<<Noqakunaqa sirvishuqniki y kuyashqayki runakunami karkaykä. Munaynikiwanmi unay aylükunata Egiptupita jorqamurqayki.

Salmo 77:16

16 (17) Tayta Dios, lamar yakupis rikashushpayki fiyupami mantsakurqan. Mas hondunnincho kaykaq yakupis siksikyarqanmi.

Salmo 81:11

11 (12) <<Tsayno promitiykaptïpis qamkunaqa manami cäsukamashqankitsu. Israel runakuna kaykarpis manami wiyakamashqankitsu.

Salmo 81:6

6 (7) <<Pasaypa nakaykätsishuptikimi qamkunata jorqamurqä. Roqu bürruntano aruykätsishuptikimi qamkunata jorqamurqä.

Salmo 81:7

7 (8) Fiyupa lakikur manakamaptikimi salvarqä. Bunruruykaq pukutay rurinpitami contestamurqä. Meriba yaku nawpanchömi qamkunata probarqä. Selah

Éxodo 1:11

Tsayno wilanakurkurmi capatazkunata churapäkurqan Israel runakunata maqa maqarkur arutsinanpaq. Tsayno arutsirmi Pitón y Ramesés markakunata sharkatsipäkurqan. Tsay markakunachömi karqan Faraónpa mikuy churakunan wayikuna.

Éxodo 12:41

Tsay watakuna cumplinan junaqmi Tayta Dios kuyashqan runakuna trïbunpa trïbunpa Egiptupita yarqapäkamurqan.

Éxodo 12:51

Tsay junaqlami Egiptupita Israel runakunata punta punta Tayta Dios jorqamurqan.

Éxodo 13:14

<<Waray warantin tsuriki <¿imanirtaq kay fiestata ruraykantsi?> nir tapushuptiki kayno ninki: <Egiptucho noqakuna ashmay kashqäpitami munayninwan Tayta Dios jorqamarqan.

Éxodo 13:16

Egiptupita Tayta Dios munayninwan jorqamashqantsita imaypis yarparänantsipaqmi runakunapa rikrancho o urkuncho señal kashqanno kay fiestapis señal kaykan> >>.

Éxodo 13:3

Tsawraqa lapan runakunata Moisés kayno nirqan: <<Egiptupita kanan junaq munayninwan Tayta Dios jorqamashqantsita ama qonqapäkunkitsu. Kanan junaqmi ashmay kaykashqantsipita jorqaykämantsi. Cada wata kay junaqta yarpar levadürayuq tantata ama mikupäkunkitsu.

Éxodo 15:13

Salvashqayki runakunatami itsanqa kuyapaylapa pushaykanki. Podernikiwanmi pushaykanki tashqayki sagrädu wayikiman.

Éxodo 16:6

Tsawraqa Moisés y Aarón Israel runakunata kayno nipäkurqan: <<Kanan tardimi musyapäkunkipaq Egiptupita kikin Tayta Dios jorqamushushqaykita.

Éxodo 18:1

Madianita runakunapa cüran Jetrumi Moiséspa suedrun karqan. Paymi mayarqan Moisésta y Israel runakunatapis Tayta Dios yanapashqanta. Tsaynöpis mayarqan Egiptupita Israel runakunata Tayta Dios jorqamushqanta.

Éxodo 2:11

Tsaypita Moisés mözuyarkurnami juk junaqcho aywarqan hebreo mayinkunaman watukuq. Tsaychömi rikarqan paykuna fiyupa nakar arurkaykashqanta. Tsaynöpis rikarqan juk Egipto runa hebreo runata maqaykaqta.

Éxodo 3:17

<< <Tsaynöpis nimashqa nakaykashqaykipita jorqushushpayki cananeo runakuna, heteo runakuna, amorreo runakuna, ferezeo runakuna, heveo runakuna y jebuseo runakuna tashqan nacionman pushashunaykipaq kashqanta. Tsaychöqa lëchipis abëjapa mishkinpis yakunöraqmi atska kaykan>.

Éxodo 3:8

Tsaymi noqa shamushqä Egipto runakunapa makinpita jorqamunäpaq. Jorqarkamurmi pushashaq maypis täkuypaq jatunkaray partiman. Tsaychöqa lëchipis abëjapa mishkinpis yakunöraqmi atska kaykan. Tsay markakunachömi tarkaykan cananeo runakuna, heteo runakuna, amorreo runakuna, ferezeo runakuna, heveo runakuna y jebuseo runakunapis.

Éxodo 32:11

Tsayno niptinmi Tayta Diospa rabyaynin pasananpaq ruwakur Moisés kayno nirqan: <<Tayta Dios, munayniyuq kashqaykita pïmaytapis musyatsishpaykimi Israel runakunata Egiptupita jorqamurqayki. Tsayno jorqaykämurqa Israel runakunapaq ama tsayjinanpa rabyakuykulaytsu.

Éxodo 6:2

Mastapis Moisésta Tayta Dios kayno nirqan: <<Noqaqa Yahwehmi kaykä.

Éxodo 6:29

kayno nirqan: <<¡Noqaqa Tayta Diosmi kä! Egipto nacionpa mandaqnin Faraónta lapan nishqäkunata wilanki>>.

Éxodo 6:8

Nirkurmi qamkunata pushashayki Abrahamta, Isaacta y Jacobta qoykunäpaq promitishqä nacionman. Noqa Tayta Diosmi tsayno nï> >>.

Éxodo 7:4

Castigaykaptïpis Faraónqa manami cäsushunkipaqtsu. Tsaymi Egipto runakunata masraq castigarkur kuyashqä Israel runakunata punta punta shuntarkur jorqamushaqpaq.

Éxodo 7:5

Israel runakunata tsayno jorqamuptïmi Egipto runakuna tantiyakunqa munayniyuq Tayta Dios kashqäta>>.

Isaías 9:12

12 (11) Inti jeqamunan kaq lädupitami Siria runakunatapis kachamunqa. Inti jeqanan kaq lädupitanami filisteo runakunatapis kachamunqa. Paykunami Israel runakunata juk amuy mikuqnöla ushakäritsinqa. Tayta Dios tsayno castigarpis jinalami rabyashqa kanqa. Yapay castigananpaqpis kamarikushqalami kaykan.

Isaías 9:17

17 (16) Lapan runakunapis mana yärakuypaq, mana alita ruraqla y manakaqkunata parlaqlami karkaykan. Tsaymi mözukunatapis, waktsakunatapis y viüdakunatapis mana kuyapaypa Tayta Dios castiganqa. Paykunata tsayno castigarpis jinalami rabyashqa kanqa. Yapay castigananpaqpis kamarikushqalami kaykan.

Isaías 9:21

21 (20) Manasés runakunawan Efraín runakuna pelyapäkunqami. Ishkan juntakarkurnami Judá runakunawanpis guërrata rurapäkunqa. Tsayno pelyapäkunqa Tayta Dios paykunata castigar kamakätsiptinmi. Tsayno castigarpis jinalami rabyashqa kanqa. Yapay castigananpaqpis kamarikushqalami kaykan.

Jeremías 21:5

Jutsa rurapäkushqaykipita rabyashqa kar kikïmi contrayki sharkushaq.

Jeremías 27:5

Munayniyuq karmi kay patsata, runakunata y lapan casta uywakunatapis kamashqä. Pitapis destinashqä runapa makinmanmi tsaykunata churaykä.

Jeremías 32:21

Munayniyuq karmi espantaypaq kaqkunata rurashpayki Egiptupita kuyashqayki unay aylükunata jorqamurqayki. Imaypis mana rikashqankunata ruraptikimi lapan runakuna pasaypa mantsakashqa rikakärirqan.

Ezequiel 20:33

Noqa Tayta Diosmi jurar kayno nï: Lapan kalpäwan pasaypa rabyar castigarmi munaynïcho tsararäshayki.

Hechos 13:17

Adorashqantsi Tayta Diosshi unay ayluntsikunata akraykur Egiptucho jäpa kaykaptinpis jatun nación rikakunanpaq yanaparqan. Nirkurnashi milagrukunata rurashpan Egiptupita jorqamurqan.

Deuteronomio 11:2

Kanan junaq yarpapäkuy Tayta Diosnintsi castigakuq y munayniyuq kashqanta. Tsayno kashqanta manami tsurikikunatsu rikapäkurqan, sinöqa kikikikunami.

Deuteronomio 15:15

Ama qonqapäkunkitsu qamkunapis Egiptucho ashmay kashqaykipita Tayta Dios jorqapäkamushushqaykita. Tsaymi qamkunata nï ashmaynikikunata librina kacharinaykipaq.

Deuteronomio 26:8

Tsaymi Egipto runakunata mantsariypaq castigashpan Tayta Diosqa munayninwan jorqamarqantsi.

Deuteronomio 4:23

<<Tayta Dios rurashqan pactuta mana qonqaypa cumplipäkunki. Ïduluta mana rurapäkunaykipaq Tayta Dios niykaptinqa ima ïdulutapis ama rurapäkunkitsu.

Deuteronomio 4:34

Musyashqantsinömi Egiptucho fiyupa nakaykaptintsi milagrukunata, guërrata y espantaypaq kaqkunata rurashpan Tayta Diosnintsi jorqamarqantsi kikinpa kanantsipaq. Pay yanapamashqantsinöqa manami mayqan diospis may nación runakunatapis yanapashqatsu.

Deuteronomio 5:15

Yarpay Egiptucho ashmay kashqaykita. Tsayno kaykaqtami Tayta Diosniki munayninwan jorqamushurqayki. Nirkurmi nishurqayki jamay junaqcho adorar jamanaykipaq.

Deuteronomio 6:12

cuidädu Egiptucho ashmay kashqaykipita jorqamushuqniki Tayta Diosta qonqapäkunkiman.

Deuteronomio 7:19

Tsaynöpis yarpapäkuy señalkunata, milagrukunata y espantaypaq kaqkunata rurar munayninwan Tayta Dios Egiptupita jorqamashqantsita. Egiptupita yarqamunantsipaq yanapamashqantsinömi mantsakuykashqayki runakunata ushakätsinaykipaqpis yanapashunkipaq.

Deuteronomio 7:8

Kuyamashpantsimi Tayta Dios akramashqantsi. Payqa kuyamantsi Abrahamta, Isaacta y Jacobta promitishqanta cumplirmi. Tsaymi Egiptucho Faraónpa munaynincho kaykashqantsipita munayninwan jorqamashqantsi.

Deuteronomio 9:29

<< <Imano karpis Israel runakunaqa kuyashqayki herenciaykimi karkaykan. Kikikimi Egiptucho nakarkaykaptin podernikiwan jorqamushqanki> >>.