Éxodo 5:4 - Tayta Diospa Wilakuynin

⁴ Tsawraqa Egipto nacionpa mandaqnin rey kayno nirqan: <<Moisés y Aarón, ¿imanirtaq runakuna ali arukuykaqta tiempunta perdiykätsinki? ¡Qamkunapis jukla aruq aywapäkuy!

Éxodo 5:4 Tukuy Ñawiqkunapa Wiñay Tupunakuy

Éxodo 1:11

Tsayno wilanakurkurmi capatazkunata churapäkurqan Israel runakunata maqa maqarkur arutsinanpaq. Tsayno arutsirmi Pitón y Ramesés markakunata sharkatsipäkurqan. Tsay markakunachömi karqan Faraónpa mikuy churakunan wayikuna.

Éxodo 2:11

Tsaypita Moisés mözuyarkurnami juk junaqcho aywarqan hebreo mayinkunaman watukuq. Tsaychömi rikarqan paykuna fiyupa nakar arurkaykashqanta. Tsaynöpis rikarqan juk Egipto runa hebreo runata maqaykaqta.

Éxodo 6:5

Egipto runakuna nakatsiptin Israel runakuna waqarkaykashqanta mayarmi paykunawan pactu rurashqäta kanan cumplishaq.

Jeremías 38:4

Jeremías tsayno wilakushqanta mayaykurmi tsay autoridäkuna reyman aywaykur kayno nirqan: <<Kay runataqa wanutsishun. Tsayno rimarmi kaycho kaykaq soldädukunata y lapan runakunatapis mantsariykätsin. Nacionnintsi salvakunanta kay runa manami munantsu, sinöqa desgracia pasanantami munaykan>>.

Amós 7:10

Amós tsayno wilakuptinmi Bet-elcho kaq cüra Amasías Israel runakunapa mandaqnin rey Jeroboamta wilakatsirqan kayno nir: <<Qampa contrayki rimarmi Amós puriykan. Israel runakuna pay nishqanta cäsupaptinqa nacionnintsi ushakanqapaqmi.

Lucas 23:2

Tsaychönami Pilatuta kayno nipäkurqan: <<Kay runatami taripäkushqä nacionnintsipa contran sharkunanpaq runakunata shimita jatipaykaqta. Manami munantsu impuestuta mandaq Césarpaq pägapäkunanta. Tsaynöpis niykan Cristo kar rey kashqantami>>.

Hechos 24:5

Kay prësu apamushqan runaqa joqukuq qeshyanömi kaykan. Payqa Nazareno sectapa mandaqnin karmi maytsaychöpis Israel runakunata chikinakaykätsin.