Éxodo 5:1 - Tayta Diospa Wilakuynin

¹ Nirkurnami Faraónman aywaykur Moisés y Aarón kayno nipäkurqan: <<Israel runakunata kuyaq Tayta Diosmi kayno nin: <Kuyashqä runakunata kachariy chunyaq jirkaman aywaykur noqata adoramashpan fiestata rurapäkunanpaq> >>.

Éxodo 5:1 Tukuy Ñawiqkunapa Wiñay Tupunakuy

1 Reyes 21:20

Tsayno niptinmi Acabman Elías aywarqan. Payta rikaykurmi Acab kayno nirqan: <<Conträ kaykarqa ¿imapaqtaq shamushqanki?>> Niptinmi Elías kayno nirqan: <<Tayta Diosta mana cäsukur lutankunalata ruraptikimi shamushqä.

Salmo 119:46

Ordenashqaykikunatami reykunatapis yachatsishaq. Mana penqakuypami wilakushaq.

Éxodo 10:3

Tsayno niptinmi Moisés y Aarón Faraón kaqman aywaykur kayno nirqan: <<Hebreo runakunapa Tayta Diosninmi kayno nin: <¿Imayyaqtaq mana cäsumankitsu? ¡Kuyashqä runakunata kachariy adoramaq aywapäkunanpaq!

Éxodo 10:4

Kachayta mana munaptikiqa wara junaqmi nacionnikiman atska chukluskunata yuritsimushaq.

Éxodo 10:9

Tsawraqa Moisés kayno nirqan: <<Noqakunaqa Tayta Diosta adorarmi jatun fiestata rurapäkushaq. Tsaymi lapanï aywapäkushaq olqu tsurïkunata, warmi tsurïkunata y awkilükunatapis pushakurkur. Tsaynölami uyshäkunata, cabräkunata y wäkäkunata chipyaq qatikurkur aywapäkushaq>>.

Éxodo 3:18

<<Tsayno niptikiqa Israel mayor runakuna cäsukushunkipaqmi. Tsawraqa paykunawanna aywanki Egipto nacionpa mandaqnin reywan parlanaykipaq. Chayaykurna kayno ninki: <Hebreo runakunapa Tayta Diosninmi noqakunata yuripämashqa. Tsaymi chunyaq jirkaman kimsa junaq aywayta munarkaykä sacrificiuta rupatsir payta adorapäkunäpaq>.

Éxodo 33:13

Rasunpa kuyapämashpaykiqa imata yarpashqaykitapis wilaykalämay. Tsaynöpami kuyapämashqaykita musyashaq. Ama qonqaykulaytsu kay runakunata kikiki akrashqaykita, Tayta>>.

Éxodo 4:23

Tsurï adoramaq aywananpaq niykaptïpis manami kachayta munankitsu. Tsaymi qechpa tsurikita wanutsishaq> >>.

Éxodo 6:11

<<Aywar Faraónta ninki Israel runakunata nacionninpita kachapäshunaykipaq>>.

Éxodo 6:27

Tayta Dios nishqannömi Aarón y Moisés Egiptupa mandaqnin Faraónwan parlarqan Israel runakunata jorqamunanpaq.

Éxodo 7:16

Faraónwan tinkurmi kayno ninki: <Hebreo runakunapa Tayta Diosninmi kachamashqa qamta kayno ninäpaq: <<Kuyashqan runakunatashi kacharinki chunyaq jirkaman aywaykur payta adorapäkunanpaq>>. << <Tayta Dios tsayno nimashqanta niykaptïpis kananyaq manami cäsumashqankitsu.

Éxodo 7:2

Qammi Aarónta wilanki lapan nishqäkunata. Paynami Faraónwan parlanqa Israel runakunata nacionninpita kachapäshunaykipaq.

Éxodo 8:1

1 (7.26) Moisésta yapay Tayta Dios kayno nirqan: <<Faraón kaqman aywaykur kayno ninki: <Tayta Diosmi kayno nin: Kuyashqä runakuna noqata adoramaq aywananpaq kachariy.

Éxodo 8:16

16 (12) Tsawraqa Tayta Dios kayno nirqan Moisésta: <<Aarónta ninki tukrunwan pampata wirunanpaq. Tsayno wiruptinmi akapa chuspikunaman alpa tikranqa intëru Egiptucho junta kananpaq>>.

Éxodo 8:17

17 (13) Tsawraqa Tayta Dios nishqannölami pampata Aarón wiruykuptin intëru Egiptucho akapa chuspikunaman alpa tikrarqan. Tsay chuspikunami maytsaychöpis runakunata y uywakunatapis usharqan.

Éxodo 8:20

20 (16) Tsaypita Moisésta Tayta Dios kayno nirqan: <<Wara tutami tsaka tsakala Faraón aywanqa mayuman. Qampis tsay hörala mayuman aywaykur payta kayno ninki: <Tayta Diosmi kayno nin: Kuyashqä runakunata kachay adorapäkamänanpaq.

Éxodo 8:27

27 (23) Tsawraqa kimsa junaq aywayta chunyaq jirkaman aywapäkushaq. Tsaychöraqmi Tayta Diosnï nishqanno sacrificiuta rupatsir adorapäkushaq>>.

Éxodo 9:1

Tsawraqa Moisésta Tayta Dios kayno nirqan: <<Aywaykur Faraónta kayno ninki: <Hebreo runakunapa Tayta Diosninmi kayno nin: Kuyashqä hebreo runakunata kachariy adoramaq aywapäkunanpaq.

Éxodo 9:2

Aywananta mana munar tsaynöla michaptikiqa

Isaías 25:6

Sión jirkanchömi lapanta mandaq Tayta Dios maytsay nación runakunapaq fiestata ruranqa. Tsay fiestachömi kanqa ali mikuy y ali vïnupis. Maypis mikukuypaqmi mikuypis kanqa y maypis upukuypaqmi vïnupis kanqa.

Ezequiel 2:6

<<Runapa tsurin, paykunata ama mantsakuytsu. Kashakuna rurinchöno karpis y alacrankuna tashqanchöno karpis paykuna nishqanta ama mantsakuytsu. Nanaq nawinpa rikapäshuptikipis ama mantsakuytsu. Tsay runakunaqa mana wiyakuqmi karkaykan.

Mateo 10:18

Noqaman yärakamashqaykipitami gobernadorkunamanpis y reykunamanpis prësu apapäkushunkipaq. Tsaynöpami wilakuynïta paykunata y wakin mana Israel runakunatapis wilapanki.

Mateo 10:28

Ama mantsakärinkitsu pipis wanutsishunaykipaq jurapäshuptiki. Wanutsishushpaykipis almaykitaqa manami wanutsinqatsu. Tsaypa trukanqa Tayta Dioslata mantsakäriy. Paymi itsanqa munayniyuq kaykan pitapis almantinta infiernucho ushakätsinanpaq.

Hechos 4:29

<<Autoridäkuna anyapämashqanta mayashqankimi, Tayta Dios. Kanan yanapaykalämay wilakuynikita mana mantsakuypa wilakärinäpaq.

1 Corintios 5:8

Tsayno kaykaptinqa Pascua fiestata rurananpaq levadürata jitariqno jutsa ruraykunata y mana ali ruraykunata kacharishun. Tsayno kacharir Tayta Diospa wilakuynin nishqanno kawashun.