Biblia Todo Logo
Internetpi Biblia
- Willakuykuna -




Éxodo 3:8 - Tayta Diospa Wilakuynin

8 Tsaymi noqa shamushqä Egipto runakunapa makinpita jorqamunäpaq. Jorqarkamurmi pushashaq maypis täkuypaq jatunkaray partiman. Tsaychöqa lëchipis abëjapa mishkinpis yakunöraqmi atska kaykan. Tsay markakunachömi tarkaykan cananeo runakuna, heteo runakuna, amorreo runakuna, ferezeo runakuna, heveo runakuna y jebuseo runakunapis.

Qaway capitulota Copia




Éxodo 3:8
54 Tukuy Ñawiqkunapa Wiñay Tupunakuy  

Tsaymi Tayta Dios jana patsapita urämurqan markata y törrita runakuna sharkaykätsishqanta rikananpaq.


Tsayno kaptinqa paykunaman aywar pantakätsishun tsay idiömalata manana parlapäkunanpaq. Tsaynöpami juk idiöma juk idiömatana parlar manana tantiyanakunqanatsu imata parlaykashqantapis>>.


Tsay hörami Tayta Dios kayno nirqan: <<Qampita miraqkunami chusku pachak (400) wata juk markacho jäpa runakunapa ashmaynin kar nakapäkunqa.


Tsayno kaptinpis tsay marka runakunatami castigashaq. Nirkurnami qampita miraqkunata imaykayuqtana jorqamushaq.


Tsaymi kanan aywaykä runakuna nishqanno jutsayuq kashqanta o jutsaynaq kashqantapis musyanäpaq>>.


Tsayno niptinmi papänin kayno nirqan: <<Tsayno kaptinqa ¿imatanataq rurashunpis, hïju? Egiptucho mandaqta qaranaykipaq alinnin kaqkunata walka walkalatapis apapäkuy: balsamuta, abëjapa mishkinta, perfümita, mïrrata, nueciskunata y almendraskunatapis.


Egiptuman aywaptikipis qamtaqa yanapashaykimi. Wanuptikipis tsuriki Joséqa nawpaykichömi kaykanqa. Tsaypitapis qampita miraqkunata Egiptupita kikïmi jorqamushaq>>.


Tsaypita juk kutichönami wawqinkunata José kayno nirqan: <<Noqaqa wanukushaqnami. Wanukuptïpis Tayta Diosmi yanapashunkipaq kay nacionpita yarqupäkunaykipaq. Nirkurmi pushashunkipaq Abrahamta, Isaacta y Jacobta rikatsishqan Canaánman>>.


heveo runakuna, araceo runakuna, sineo runakuna,


Musyarqaykimi Abraham qamman yärakamushqanta. Paywan pactuta rurarmi promitirqayki cananeo, heteo, amorreo, ferezeo, jebuseo y gergeseo runakuna tashqan nacionkunata paypita miraqkunata qoykunaykipaq. Imaypis cumpliq karmi promitishqaykita cumplishqanki.


5 (6) Tsaymi Tayta Dios kayno nin: <<Waktsakunata y humildikunataqa aläpami nakarkaykätsin. Nakatsiptinmi pasaypa waqarkaykan. Tsaymi paykunata jukla yanapashaq. Manakamashqannömi paykunata salvashaq>>.


6 (7) Tayta Dios promitishqankunaqa lapanpis yärakuypaqmi kaykan. Püru kananpaq qanchis kuti tsulutsishqa qellaynömi nishqankunapis kaykan.


8 (9) Kuyakuq kashqanta musyanaykipaq Tayta Diosman yärakäriy. Payman yärakurqa kushishqami kawankipaq.


Manakamaptinqa awnishaqmi. Lakikuptin kikïmi paykunawan kaykäshaq. Yanaparmi nakaykunapita jorqushaq.


Tsay watakuna cumplinan junaqmi Tayta Dios kuyashqan runakuna trïbunpa trïbunpa Egiptupita yarqapäkamurqan.


Tsay junaqlami Egiptupita Israel runakunata punta punta Tayta Dios jorqamurqan.


Tsawraqa unay ayluntsikunata Tayta Dios promitishqan nacionman chayaykur Abib killacho cada wata fiestata rurapäkunki. Tsaychöqa lëchipis abëjapa mishkinpis yakunöraqmi atska kaykan. Tsaycho tarkaykan cananeo runakuna, heteo runakuna, amorreo runakuna, heveo runakuna y jebuseo runakunami. Paykuna tarkaykashqan naciontami Tayta Dios qoshunkipaq.


<< <Tsaynöpis nimashqa nakaykashqaykipita jorqushushpayki cananeo runakuna, heteo runakuna, amorreo runakuna, ferezeo runakuna, heveo runakuna y jebuseo runakuna tashqan nacionman pushashunaykipaq kashqanta. Tsaychöqa lëchipis abëjapa mishkinpis yakunöraqmi atska kaykan>.


<<Kanan tantiyatsishqäkunata shumaq wiyakuy. Qamkunapa nawpaykipitami qarqushaq amorreo runakunata, cananeo runakunata, heteo runakunata, ferezeo runakunata, heveo runakunata y jebuseo runakunatapis.


Faraónwan parlaq aywashqä junaqpita patsami kuyashqayki runakunata maqa maqarkur arutsishpan fiyupa nakaykätsin. Tsayno nakaykätsiptinpis manami paykunata salvaykankitsu>>.


Tsayno kawanaykipaqmi juk nacionman apashayki. Tsay nacionqa kay nacionnikinömi kaykan. Tsaycho tantata ruranaykipaq trïgu alimi wayun. Vïnuta ruranaykipaqpis üva alimi wayun.


1 (63.19b) ¡Ima aliraq kanman jana patsata kicharir shamuptiki! Shamuptikiqa jirkakunapis pasaypami siksikyanman.


<< <Abrahamta, Isaacta y Jacobta promitishqäta cumplirmi alinnin kaq nacionman paykunata pusharqä. Tsaychöqa lëchipis abëjapa mishkinpis yakunöraqmi atska kaykan. Promitishqänölami kay nacioncho kananyaqpis tarkaykanki> >>. Tsayno nimaptinmi kayno nirqä: <<¡Tsayno imaypis kaykulätsun, Tayta Dios!>>


Paykunatami kuyaylapaq nacionman pushamurqä wayushqankunata mikur kushishqa kawapäkunanpaq. Tsayno kaptinpis jutsata rurapäkurmi nacionnïta impüruyätsirqan. Tsaynöpami nacionnï pasaypa melanaypaq rikakurqan.


Nirkurmi promitishqaykino kay nacionta qoykurqayki. Kaychöqa lëchipis abëjapa mishkinpis yakunöraqmi atska kaykan.


<< <Tsay junaqmi paykunata nirqä Egiptupita jorqamur akrashqä nacionman pushanäpaq kashqanta. Tsaychöqa lëchipis abëjapa mishkinpis yakunöraqmi atska kaykan. Tsay nacionqa wakin nacionkunapitapis maypis täkuypaqmi kaykan.


Qamkunata promitiykä tsay runakuna tashqan markakuna herenciaykikuna kananpaq. Tsay markakunachöqa lëchipis abëjapa mishkinpis yakunöraqmi atska kaykan. << <Noqa Tayta Diosniki karmi atska nación kaykaptinpis qamkunalata akrashqä munashqäno kawapäkunaykipaq.


Amorreo runakuna tashqanman chayanaykipaq kikïmi Egiptupita qamkunata jorqamurqä. Kikïmi chusku chunka (40) wata chunyaq jirkakunapa qamkunata pushamurqä amorreo runakuna tashqan markakunata qoykunäpaq.


Tsay markakunata rikapakamur shumaq tantiyapäkamunki runakuna ali chölu kashqanta o mana väliq kashqanta, atskaq kashqanta o walkaqla kashqantapis.


Tsaynöpis rikapakamunki wayinkuna toldulapita kashqanta o perqapita kashqanta y markankuna murallashqa o muralläni kashqantapis. Tsaynöpis rikapakamunki chakrankuna imano kashqantapis.


Tsaynölami Moisésta kayno nipäkurqan: <<Rikapakamuq kachamashqayki chakrakunaman aywapäkushqämi. Rasunpami lëchipis y abëjapa mishkinpis atska kaykan. Kay frütakunatami tsaypita apapäkamushqä.


<<Manami pipis gloriaman aywarkur kutimushqatsu. Runapa Tsurinmi itsanqa gloriapita shamushqa kar rasun kaqta wilakun.


Manami kikï munashqäta ruranäpaqtsu jana patsapita shamushqä, sinöqa kachamaqnï munashqanta ruranäpaqmi.


Kutimushpanmi tsay markakunacho wayushqankunata chätsimur wilamarqantsi Tayta Diosnintsi qomänantsipaq kaq markakuna ali kashqanta.


Kananqa imaykaykikunatapis apakurkur aywapäkuy amorreo runakuna y cananeo runakuna taykashqan kaqman. Yaykapäkuy Arabá pampaman, jalqakunaman, Sefelaman, Neguevman y lamar kuchun pampakunamanpis. Tsaynöpami Líbanuyaq y Éufrates mayuyaq chayapäkunkipaq.


Tsay wankakunaman qelqapäkunki tantiyatsishqä lapan leykunata. Tsayno qelqapäkunki unay ayluntsikunata Tayta Dios promitishqan nacionman yaykushpayki. Tsaychöqa lëchipis abëjapa mishkinpis yakunöraqmi atska kaykan.


<<Unay ayluntsikunata promitishqan nacionman chayaptiki Tayta Diosmi bendicionninta churamunqa imaykaykikuna atska kananpaq, tsurikikuna atska kananpaq, chakraykikuna ali wayunanpaq y uywaykikunapis atskaman mirananpaq.


<<Israel runakuna, kay tantiyatsishqä leykunata cumplinaykipaq shumaq mayapäkamay. Cäsukamashpaykiqa unay ayluntsikunata Tayta Dios promitishqanno nacionnikicho ali kawashpayki tsaytsikaman mirapäkunkipaq. Tsaychöqa lëchipis abëjapa mishkinpis yakunöraqmi atska kaykan.


Tsaypita mastapis Moisés kayno nirqan: <<Tänaykipaq kaq nacionman Tayta Dios chayaykatsir tsaycho taykaq atska nación runakunata ushakätsinqa. Tsay runakunami kaykan heteo runakuna, gergeseo runakuna, amorreo runakuna, cananeo runakuna, ferezeo runakuna, heveo runakuna y jebuseo runakuna. Tsay qanchis nacionkunaqa qamkunapita mas atska y mas munayniyuqmi karkaykan.


Egiptupita yarqamur guërraman aywapäkunanpaq kalpancho kaq runakunaqa chusku chunka (40) wata chunyaq jirkapa puriykashqalanchömi wanurqan. Tsayno wanupäkurqan Tayta Diosta mana cäsukushqanpitami. Tsaymi paykunata Tayta Dios nirqan unay aylunkunata promitishqan nacionman mana yaykunanpaq. Tsaychöqa lëchipis abëjapa mishkinpis yakunöraqmi atska kaykan.


Heteo runakunapa, amorreo runakunapa, cananeo runakunapa, ferezeo runakunapa, heveo runakunapa y jebuseo runakunapa mandaqnin reykunami mayarqan wakin markakunata Israel runakuna ushakätsishqanta. Tsay reykunaqa tarqan jalqakuna kashqan partipa, Sefelapa y Mediterráneo Lamar kuchunpa hasta Líbanuyaq. Lapan tsay partikuna karqan Jordán mayu tsimpan inti jeqanan kaq lädupami.


Tsayno niptinmi Israel runakuna heveo runakunata kayno nirqan: <<Qamkunaqa capazchari cercalachöpis tanki. Cercacho taptikiqa pactuta ama rurashuntsu>>.


Qatiwayku:

Willakuykuna


Willakuykuna