Éxodo 3:7 - Tayta Diospa Wilakuynin

⁷ Nirkurnami Tayta Dios kayno nirqan: <<Kuyashqä runakuna Egiptucho fiyupa lakikur kawarkaykaqtami rikashqä. Tsaynöpis mayashqä capatazninkuna pasaypa nakatsiptin quejakamar manakamashqanta. Tsaynölami musyaykä amatar nakarkaykashqanta.

Éxodo 3:7 Tukuy Ñawiqkunapa Wiñay Tupunakuy

Génesis 16:11

Qeshyaq kaykashqayki wawayki olqumi kanqa. Tayta Diosmi mayashushqanki lakikur manakushqaykita. Tsay wawaykipa jutinmi kanqa Ismael.

Génesis 18:21

Tsaymi kanan aywaykä runakuna nishqanno jutsayuq kashqanta o jutsaynaq kashqantapis musyanäpaq>>.

Génesis 21:17

Ismael waqashqanta mayarmi Tayta Diospa angilnin jana patsapita qayakamur kayno nirqan: <<¿Imataq pasaykäshunki, Agar? Ama mantsakamaytsu. Tayta Diosmi mayashqa wawayki waqaykashqanta.

Génesis 29:32

Lea qeshyaq rikakurmi wacharqan olqu wamrata. Yuriptinmi kayno nirqan: <<Lakikuptïmi Tayta Dios kuyapämashqa wawayuq kanäpaq. Kananmi itsanqa runä kuyamanqa>>. Tsaymi wamranpa jutinta churaparqan Rubén jutin kananpaq.

Génesis 31:12

<<Tsaymi Diospa angilnin kayno nimarqan: <Noqa rikaykämi Labán imano nakatsishushqaykitapis. Tsaymi kamakätsishqä lapan yayankuna alqala, yana murula y yoraqniyuqla kananpaq. Tsayta rikar shumaq tantiyakuy.

Génesis 31:42

Awkilü Abraham y papänï Isaac yärakushqan Tayta Dios mana yanapamaptinqa jinaylatami qarqamankiman karqan. Fiyupa nakar y lakikur aruptïmi Tayta Dios yanapamashqa. Tsaymi qanyan tsakaypis sueñuynikicho olqüpäshushqanki>>.

2 Samuel 22:28

Humildikunataqa salvaykankimi. Runa tukuqkunatami itsanqa manakaqman churaykanki.

2 Reyes 13:4

Siria soldädukuna pasaypa nakatsiptinmi Joacazqa Tayta Diosta manakurqan. Tsayno manakuptinmi Israel runakunata kuyapar Tayta Dios yanaparqan.

2 Reyes 20:5

<<Kuyashqä runakunapa mandaqnin rey Ezequías kaqman kutiykur kayno wilay: <Unay ayluyki David sirvishqan Tayta Diosmi kayno nin: Mayashqämi waqar manakamashqaykita. Tsaymi qeshyashqaykipita aliyätsishayki. Kananpita kimsa junaqtami adoramänaykipaq templuman aywankipaq.

Nehemías 9:9

<<Qam rikarqaykimi Egiptucho unay aylükuna imano nakapäkushqantapis. Tsaynölami mayarqayki Puka Lamar kuchuncho waqapäkushqanta.

Salmo 106:44

Tsayno kaykaptinpis nakashqanta rikar y manakushushqaykita mayarmi kuyaparqayki.

Salmo 12:6

6 (7) Tayta Dios promitishqankunaqa lapanpis yärakuypaqmi kaykan. Püru kananpaq qanchis kuti tsulutsishqa qellaynömi nishqankunapis kaykan.

Salmo 142:3

3 (4) Shonqü pasaypa lakikuptinpis qammi shakyätsimashqanki. Purikunä näniman trampata churapämaqnömi fiyu runakuna desgracia pasamänanta munarkaykan.

Salmo 145:19

Payta mantsakuqkunataqa imata munashqantapis kamaripanmi. Ausiliuta manakuptinqa juklami salvan.

Salmo 22:24

24 (25) Tayta Diosqa nakaycho kaqkunata kuyapanmi. Mana qonqaypami paykunata yanapan. Manakuptinqa mayanmi.

Salmo 34:4

4 (5) Ruwakuptïmi Tayta Dios mayamashqa. Mantsariptïpis paymi valorta qomashqa.

Salmo 34:6

6 (7) Lakikur qayakuptïmi Tayta Dios mayamashqa. Yanapamaptinmi mana lakikütsu.

Salmo 35:22

Tsaykunata lapantami rikashqanki, Tayta Dios. Favornï sharkuykulay. Ama kachaykalämaytsu.

Salmo 9:14

14 (15) Yanapamaptikiqa Siónpa punkunkunaman aywaykurmi pïmaytapis wilapäshaq alabashunaykipaq. Salvamashqaykipitami kushishqa alabashayki.

Éxodo 1:11

Tsayno wilanakurkurmi capatazkunata churapäkurqan Israel runakunata maqa maqarkur arutsinanpaq. Tsayno arutsirmi Pitón y Ramesés markakunata sharkatsipäkurqan. Tsay markakunachömi karqan Faraónpa mikuy churakunan wayikuna.

Éxodo 1:8

Tsaypitaqa Egiptucho rey kananpaq juknami yaykurqan. Tsay reyqa José pï kashqantapis manami musyarqantsu. Tsaymi Egipto runakunata kayno nirqan:

Éxodo 22:23

23 (22) Nakatsiptiki manakamaptinqa noqami paykunapa favornin sharkushaq.

Éxodo 33:13

Rasunpa kuyapämashpaykiqa imata yarpashqaykitapis wilaykalämay. Tsaynöpami kuyapämashqaykita musyashaq. Ama qonqaykulaytsu kay runakunata kikiki akrashqaykita, Tayta>>.

Éxodo 5:10

Tsaymi capatazkuna y yanapaqninkunapis aywaykur Israel runakunata kayno nipäkurqan: <<Faraónmi nipäkamashqa kananpitaqa päjata manana kamaripänäpaq.

Éxodo 5:6

Tsayno nirmi tsay junaqla capatazninkunata y yanapaqninkunatapis Faraón kayno nirqan:

Isaías 63:9

Paykuna nakaptinmi Tayta Diospa shonqunpis fiyupa nanarqan. Nakashqankunapita kikinmi salvarqan. Pasaypa kuyashpanmi marqakurkur apaqno imaypis yanaparqan.

Números 20:16

Tsayno nakar Tayta Diosta manakäriptïmi angilninta kachamushqa Egiptupita jorqapäkamänanpaq. Tsaynöpami nacionnikipa lindërun cercan Cadeschöna karkaykä.

Hechos 7:34

Noqa rikaykämi kuyashqä runakuna Egiptucho nakarkaykaqta. Tsaycho waqarkaykashqantami mayaykä. Tsaymi paykunata jorqamunäpaq shamushqä. Tsawraqa Egiptuman qamta kanan kachashayki>.

Hebreos 4:15

Kay patsacho kaptinmi mandaq cürantsi Jesucristuta noqantsitano Satanás tukuynöpa tentarqan. Tsayno tentaptinpis manami jutsata rurarqantsu. Tsaymi noqantsitapis Satanás tentamaptintsi Jesucristo kuyapämashpantsi yanapamantsi.

1 Samuel 9:16

<<Israel runakuna pasaypa nakashqanta rikarmi mandaqnin rey kananpaq manakamashqanta awnishqä. Tsaymi waray junaq kayno höra qam kaqman chayamunqa Benjamín trïbu runa. Paypa umanman aceitita winapanki kuyashqä Israel runakunapa mandaqnin rey kananpaq. Paymi Israel runakunata jorqunqa filisteo runakunapa munayninpita>>.