Zekariya 1:5 - Buku Lopatulika

⁵ Makolo anu, ali kuti iwowo? Ndi aneneri, akhala ndi moyo kosatha kodi?

Chichewa Buku Lopatulika Bible 2014

⁵ Makolo anu, ali kuti iwowo? Ndi aneneri, akhala ndi moyo kosatha kodi?

Buku Loyera Catholic Edition - Chichewa

⁵ Kodi makolo anuwo ali kuti tsopano? Nanga aneneri, kodi amakhalapo mpaka muyaya?

Mawu a Mulungu mu Chichewa Chalero

⁵ Kodi makolo anuwo ali kuti tsopano? Nanga aneneri, kodi amakhalapo mpaka muyaya?

Zekariya 1:5 Mawu Ofanana

2 Mafumu 13:14

Ndipo Elisa anadwala nthenda ija adafa nayo, namtsikira Yehowasi mfumu ya Israele, namlirira, nati, Atate wanga, atate wanga, galeta wa Israele ndi apakavalo ake!

2 Mafumu 13:20

Pamenepo Elisa anamwalira, ndipo anamuika. Ndipo magulu a Amowabu analowa m'dziko poyambira chaka.

Masalimo 90:10

Masiku a zaka zathu ndiwo zaka makumi asanu ndi awiri, kapena tikakhala nayo mphamvudi zaka makumi asanu ndi atatu; koma teronso kukula kwao kumati chivuto ndi chopanda pake; pakuti kumapitako msanga ndipo tithawa ife tomwe.

Mlaliki 1:4

Mbadwo wina upita, mbadwo wina nufika; koma dziko lingokhalabe masiku onse.

Mlaliki 12:5

inde, adzaopa za pamwamba, panjira padzakhala zoopsa; katungurume adzaphuka, dzombe ndi kukoka miyendo, zilakolako ndi kutha; pakuti munthu apita kwao kwamuyaya, akulira maliro nayendayenda panja;

Mlaliki 12:7

fumbi ndi kubwera pansi pomwe linali kale, mzimu ndi kubwera kwa Mulungu amene anaupereka.

Yeremiya 36:28

Tenganso mpukutu wina, nulembe m'menemo mau oyamba aja anali mu mpukutu woyamba uja, umene Yehoyakimu mfumu ya Yuda wautentha.

Maliro 5:7

Atate athu anachimwa, kulibe iwo; ndipo tanyamula mphulupulu zao.

Yohane 8:52

Ayuda anati kwa Iye, Tsopano tazindikira kuti muli ndi chiwanda. Abrahamu anamwalira, ndi aneneri; ndipo Inu munena, Munthu akasunga mau anga, sadzalawa imfa kunthawi yonse.

Machitidwe a Atumwi 13:36

Pakutitu, Davide, m'mene adautumikira uphungu wa Mulungu m'mbadwo mwake mwa iye yekha, anagona tulo, naikidwa kwa makolo ake, naona chivundi;

Ahebri 9:27

Ndipo popeza kwaikikatu kwa anthu kufa kamodzi, ndipo atafa, chiweruziro;

1 Samueli 25:1

Ndipo Samuele anamwalira; ndi Aisraele onse anaunjikana pamodzi nalira maliro ake, namuika m'nyumba yake ku Rama. Davide ananyamuka, natsikira ku chipululu cha Parani.