Zefaniya 3:16 - Buku Lopatulika

¹⁶ Tsiku lomwelo adzati kwa Yerusalemu, Usaopa Ziyoni, manja anu asakhale olefuka.

Chichewa Buku Lopatulika Bible 2014

¹⁶ Tsiku lomwelo adzati kwa Yerusalemu, Usaopa Ziyoni, manja anu asakhale olefuka.

Buku Loyera Catholic Edition - Chichewa

¹⁶ Tsiku limenelo adzauza Yerusalemu kuti, “Usaope, iwe Ziyoni, usataye mtima.

Mawu a Mulungu mu Chichewa Chalero

¹⁶ Pa tsiku limenelo adzanena kwa Yerusalemu kuti, “Usaope, iwe Ziyoni; usafowoke.

Zefaniya 3:16 Mawu Ofanana

Yobu 4:3

Taona iwe walangiza aunyinji, walimbitsa manja a ofooka.

Yesaya 25:9

Ndipo adzanena tsiku limenelo, Taonani, uyu ndiye Mulungu wathu; tamlindirira Iye, adzatipulumutsa; uyu ndiye Yehova, tamlindirira Iye, tidzakondwa ndi kusekerera m'chipulumutso chake.

Yesaya 40:9

Iwe amene utengera mau abwino ku Ziyoni, kwera iwe pamwamba paphiri lalitali; iwe amene utengera mau abwino ku Yerusalemu, kweza mau ako ndi mphamvu, kwezetsa usaope, nena kumizinda ya Yuda, Taonani, Mulungu wanu!

Yesaya 41:10

usaope, pakuti Ine ndili pamodzi ndi iwe; usaopsedwe, pakuti Ine ndine Mulungu wako; ndidzakulimbitsa; inde, ndidzakuthangata; inde, ndidzakuchirikiza ndi dzanja langa lamanja la chilungamo.

Yesaya 44:2

atero Yehova, amene anakutenga iwe, nakuumba kuchokera m'mimba, amene adzathangata iwe. Usaope Yakobo, mtumiki wanga ndi iwe, Yesuruni, amene ndakusankha iwe.

Yesaya 54:4

Usaope, pakuti sudzakhala ndi manyazi; usasokonezedwe, pakuti sudzachitidwa manyazi; pakuti udzaiwala manyazi a ubwana wako, ndi chitonzo cha umasiye wako sudzachikumbukiranso.

Yoweli 2:21

Usaopa, dziko iwe; kondwera, nusekerere; pakuti Yehova wachita zazikulu.

Zekariya 8:13

Ndipo kudzachitika kuti, monga munali chotembereretsa mwa amitundu, inu nyumba ya Yuda, ndi nyumba ya Israele, momwemo ndidzakusungani, ndipo mudzakhala chodalitsa nacho; musaope, alimbike manja anu.

Zekariya 8:15

momwemonso ndinalingirira masiku ano kuchitira chokoma Yerusalemu ndi nyumba ya Yuda; musaopa.

Yohane 12:12

M'mawa mwake khamu lalikulu la anthu amene adadza kuchikondwerero, pakumva kuti Yesu alinkudza ku Yerusalemu,

2 Akorinto 4:1

Chifukwa chake popeza tili nao utumiki umene, monga talandira chifundo, sitifooka;

Agalatiya 6:9

Koma tisaleme pakuchita zabwino; pakuti pa nyengo yake tidzatuta tikapanda kufooka.

Aefeso 3:13

Mwa ichi ndipempha kuti musade mtima m'zisautso zanga chifukwa cha inu, ndiwo ulemerero wanu.

Ahebri 12:12

Mwa ichi limbitsani manja ogooka, ndi maondo olobodoka;

Chivumbulutso 2:3

ndipo uli nacho chipiriro, ndipo walola chifukwa cha dzina langa, wosalema.