Yohane 3:20 - Buku Lopatulika

²⁰ Pakuti yense wakuchita zoipa adana nako kuunika, ndipo sakudza kwa kuunika, kuti zingatsutsidwe ntchito zake.

Chichewa Buku Lopatulika Bible 2014

²⁰ Pakuti yense wakuchita zoipa adana nako kuunika, ndipo sakudza kwa kuunika, kuti zingatsutsidwe ntchito zake.

Buku Loyera Catholic Edition - Chichewa

²⁰ Aliyense wochita zoipa, amadana ndi kuŵala. Saonekera poyera, kuwopa kuti zochita zakezo zingaonekere.

Mawu a Mulungu mu Chichewa Chalero

²⁰ Aliyense wochita zoyipa amadana ndi kuwunika, ndipo sabwera poyera chifukwa cha mantha kuti ntchito zake zingaonekere.

Yohane 3:20 Mawu Ofanana

2 Samueli 13:9

Ndipo anatenga chiwaya natitulutsa pamaso pake; koma anakana kudya. Ndipo Aminoni anati, Anthu onse atuluke kundisiya ine. Natuluka onse, kumsiya.

1 Mafumu 22:8

Ndipo mfumu ya Israele inati kwa Yehosafati, Alipo munthu wina kuti tifunsire kwa Yehova mwa iye; koma ndimuda, popeza samanenera za ine zabwino, koma zoipa; ndiye Mikaya mwana wake wa Imila. Nati Yehosafati, Isamatero mfumu.

1 Mafumu 3:20

Ndipo iye anauka pakati pa usiku, natenga mwana wanga kumimba kwanga, mdzakazi wanu ndili m'tulo, namuika m'mfukato mwake, naika mwana wake wakufa m'mfukato mwanga.

Masalimo 50:17

Popeza udana nacho chilangizo, nufulatira mau anga.

Miyambo 1:29

chifukwa anada nzeru, sanafune kuopa Yehova;

Miyambo 15:12

Wonyoza sakonda kudzudzulidwa, samapita kwa anzeru.

Miyambo 16:30

Wotsinzina ndiye aganizira zokhota; wosunama afikitsa zoipa.

Miyambo 2:13

akusiya mayendedwe olungama, akayende m'njira za mdima;

Miyambo 4:18

Koma mayendedwe a olungama akunga kuunika kwa mbandakucha, kunkabe kuwala kufikira usana woti mbee.

Miyambo 5:12

ndi kuti, Bwanji ndinada mwambo, mtima wanga ndi kunyoza chidzudzulo;

Yeremiya 9:6

Ukhala pakati pa manyengo m'manyengo; akana kundidziwa, ati Yehova.

Luka 11:45

Ndipo mmodzi wa achilamulo anayankha, nanena kwa Iye, Mphunzitsi, ndi kunena izi, mutitonza ifenso.

Yohane 3:21

Koma wochita choonadi adza kukuunika, kuti ntchito zake zionekere kuti zinachitidwa mwa Mulungu.

Yohane 7:7

Dziko lapansi silingathe kudana ndi inu; koma Ine lindida popeza Ine ndilichitira umboni, kuti ntchito zake zili zoipa.