Yohane 11:53 - Buku Lopatulika

⁵³ Chifukwa chake, kuyambira tsiku lomwelo anapangana kuti amuphe Iye.

Chichewa Buku Lopatulika Bible 2014

⁵³ Chifukwa chake, kuyambira tsiku lomwelo anapangana kuti amuphe Iye.

Buku Loyera Catholic Edition - Chichewa

⁵³ Kuyambira tsiku limenelo akulu aja a Ayuda adayamba kupangana zoti amuphe.

Mawu a Mulungu mu Chichewa Chalero

⁵³ Choncho kuyambira tsiku limeneli iwo anakonzekera za kuti amuphe.

Yohane 11:53 Mawu Ofanana

Genesis 37:18

Ndipo iwo anamuona iye ali patali, ndipo asanayandikire pafupi ndi iwo, anampangira iye chiwembu kuti amuphe.

Nehemiya 13:21

Koma ndinawachitira umboni wakuwatsutsa, ndinanena nao, Mugoneranji pafupi pa linga? Mukateronso ndikuthirani manja. Kuyambira pomwepo sanafikenso pa Sabata.

Nehemiya 4:16

Ndipo kuyambira pamenepo gawo lina la anyamata anga anagwira ntchito, ndi gawo lina linagwira nthungo, zikopa, ndi mauta, ndi malaya achitsulo; ndi akulu anali m'mbuyo mwa nyumba yonse ya Yuda.

Masalimo 113:2

Lodala dzina la Yehova Kuyambira tsopano kufikira kosatha.

Masalimo 2:2

Adzikhazikitsa mafumu a dziko lapansi, nachita upo akulu pamodzi, Kutsutsana naye Yehova, ndi Wodzozedwa wake, ndi kuti,

Masalimo 31:13

Pakuti ndamva ugogodi wa ambiri, mantha andizinga. Pondipangira chiwembu, anatsimikiza mtima kulanda moyo wanga.

Masalimo 71:10

Pakuti adani anga alankhula za ine; ndipo iwo akulalira moyo wanga apangana upo,

Yeremiya 38:15

Ndipo Yeremiya anati kwa Zedekiya, Ndikakufotokozerani, kodi simudzandipha ine? Ndipo ndikakupangirani, simudzandimvera ine.

Yeremiya 38:4

Ndipo akulu anati kwa mfumu, Munthu uyu aphedwetu; chifukwa analopetsa manja a anthu a nkhondo otsala m'mzinda muno, ndi manja a anthu onse, pakunena kwa iwo mau otero; pakuti munthu uyu safuna mtendere wa anthu awa, koma nsautso yao.

Mateyu 12:14

Ndipo Afarisi anatuluka, nakhala upo womchitira Iye mwa kumuononga.

Mateyu 16:21

Kuyambira pamenepo Yesu anayamba kuwalangiza ophunzira ake, kuti kuyenera Iye amuke ku Yerusalemu, kukazunzidwa zambiri ndi akulu, ndi ansembe aakulu, ndi alembi; ndi kukaphedwa, ndi tsiku lachitatu kuuka kwa akufa.

Mateyu 22:46

Ndipo sanalimbike mtima munthu aliyense kumfunsa kanthu kuyambira tsiku lomwelo.

Mateyu 26:4

nakhala upo wakuti amgwire Yesu ndi chinyengo, namuphe.

Mateyu 26:59

Ndipo ansembe aakulu ndi akulu a milandu onse anafunafuna umboni wonama wakutsutsa Yesu, kuti amuphe Iye;

Marko 14:1

Ndipo popita masiku awiri kuli phwando la Paska ndi Mkate wopanda chotupitsa; ndipo ansembe aakulu ndi alembi anafunafuna momchitira chiwembu, ndi kumupha:

Marko 3:6

Ndipo Afarisi anatuluka, ndipo pomwepo anamkhalira upo ndi Aherode, wakumuononga Iye.

Yohane 11:47

Pamenepo ansembe aakulu ndi Afarisi anasonkhanitsa akulu, nanena, Titani ife? Chifukwa munthu uyu achita zizindikiro zambiri.

Yohane 12:10

Koma ansembe aakulu anapangana kuti akaphe Lazaronso;

Yohane 7:1

Ndipo zitapita izi Yesu anayendayenda mu Galileya; pakuti sanafune kuyendayenda mu Yudeya, chifukwa Ayuda anafuna kumupha Iye.

Machitidwe a Atumwi 5:33

Koma m'mene anamva iwo analaswa mtima, nafuna kuwapha.

Machitidwe a Atumwi 9:23

Ndipo atapita masiku ambiri, Ayuda anapangana kuti amuphe iye;