Numeri 31:18 - Buku Lopatulika

¹⁸ Koma ana aakazi onse osadziwa mwamuna mogona naye, asungeni ndi moyo akhale anu.

Chichewa Buku Lopatulika Bible 2014

¹⁸ Koma ana akazi onse osadziwa mwamuna mogona naye, asungeni ndi moyo akhale anu.

Buku Loyera Catholic Edition - Chichewa

¹⁸ Koma atsikana amene sadagone ndi mwamuna, muŵasunge akhale anu.

Mawu a Mulungu mu Chichewa Chalero

¹⁸ koma sungani mtsikana aliyense amene sanagonepo ndi mwamuna.

Numeri 31:18 Mawu Ofanana

Yesaya 14:2

Ndipo mitundu ya anthu idzawatenga, ndi kuwafikitsa kumalo a kwao; ndipo a nyumba ya Israele adzakhala nao amitunduwo m'dziko la Yehova, ndi kuwayesa atumiki ndi adzakazi, ndipo amitunduwo adzatengedwa ndende, ndi amenewo anali ndende zao; ndipo Aisraele adzalamulira owavuta.

Levitiko 25:44

Kunena za kapolo wako wamwamuna, kapena wamkazi amene ukhala nao; azikhala a amitundu akuzungulira inu, kwa iwowa muzigula akapolo aamuna ndi aakazi.

Numeri 31:17

Ndipo tsono iphani amuna onse mwa anawo, iphaninso akazi onse akudziwa mwamuna mogona naye.

Numeri 31:19

Ndipo mukhale m'misasa kunja kwa chigono masiku asanu ndi awiri; aliyense adapha munthu, ndi aliyense wakukhudza wophedwa, mudziyeretse tsiku lachitatu ndi lachisanu ndi chiwiri, inu ndi andende anu.

Deuteronomo 20:14

Koma akazi ndi ana ndi ng'ombe ndi zonse zili m'mzindamo, zankhondo zake zonse, mudzifunkhire nokha; ndipo mudye zankhondo za adani anu, zimene Yehova Mulungu wanu anakupatsani.