Masalimo 72:18 - Buku Lopatulika

¹⁸ Wolemekezeka Yehova Mulungu, Mulungu wa Israele, amene achita zodabwitsa yekhayo.

Chichewa Buku Lopatulika Bible 2014

¹⁸ Wolemekezeka Yehova Mulungu, Mulungu wa Israele, amene achita zodabwitsa yekhayo.

Buku Loyera Catholic Edition - Chichewa

¹⁸ Atamandike Chauta, Mulungu wa Israele. Iye yekha ndiye amene amachita zinthu zodabwitsa.

Mawu a Mulungu mu Chichewa Chalero

¹⁸ Matamando akhale kwa Yehova Mulungu, Mulungu wa Israeli amene Iye yekha amachita ntchito zodabwitsa.

Masalimo 72:18 Mawu Ofanana

1 Mbiri 29:10

Motero Davide analemekeza Yehova pamaso pa khamu lonse, nati Davide, Wolemekezedwa Inu, Yehova Mulungu wa Israele, Atate wathu ku nthawi zomka muyaya.

1 Mbiri 29:20

Ndipo Davide anati kwa khamu lonse, Mulemekeze tsono Yehova Mulungu wanu. Ndi khamu lonse linalemekeza Yehova Mulungu wa makolo ao, nawerama, nalambira Yehova, ndi mfumu.

Yobu 5:9

amene achita zazikulu ndi zosalondoleka, zinthu zodabwitsa zosawerengeka.

Yobu 9:10

Wochita zazikulu zosasanthulika, ndi zodabwitsa zosawerengeka.

Masalimo 106:48

Wodala Yehova, Mulungu wa Israele, kuyambira kosayamba kufikira kosatha. Ndi anthu onse anene, Amen. Aleluya.

Masalimo 136:4

Amene yekha achita zodabwitsa zazikulu; pakuti chifundo chake nchosatha.

Masalimo 41:13

Wodalitsika Yehova, Mulungu wa Israele, kuchokera nthawi yosayamba kufikira nthawi yosatha. Amen, ndi Amen.

Masalimo 68:35

Inu Mulungu, ndinu woopsa m'malo oyera anu; Mulungu wa Israele ndiye amene apatsa anthu ake mphamvu ndi chilimbiko. Alemekezeke Mulungu.

Masalimo 77:14

Inu ndinu Mulungu wakuchita chodabwitsa; munazindikiritsa mphamvu yanu mwa mitundu ya anthu.

Masalimo 77:15

Munaombola anthu anu ndi mkono wanu, ndiwo ana a Yakobo, ndi a Yosefe.

Masalimo 86:10

Pakuti Inu ndinu wamkulu, ndi wakuchita zodabwitsa; Inu ndinu Mulungu, nokhanu.

Masalimo 98:1

Muimbireni Yehova nyimbo yatsopano; popeza anachita zodabwitsa: Dzanja lake lamanja, mkono wake woyera, zinamchitira chipulumutso.

Eksodo 15:11

Afanana ndi Inu ndani mwa milungu, Yehova? Afanana ndi Inu ndani, wolemekezedwa, woyera, woopsa pomyamika, wakuchita zozizwa?