Luka 10:28 - Buku Lopatulika

²⁸ Ndipo anati kwa iye, Wayankha bwino; chita ichi, ndipo udzakhala ndi moyo.

Chichewa Buku Lopatulika Bible 2014

²⁸ Ndipo anati kwa iye, Wayankha bwino; chita ichi, ndipo udzakhala ndi moyo.

Buku Loyera Catholic Edition - Chichewa

²⁸ Yesu adati, “Mwayankha bwino. Kachiteni zimenezi ndipo mudzakhala ndi moyo.”

Mawu a Mulungu mu Chichewa Chalero

²⁸ Yesu anayankha kuti, “Iwe wayankha bwino, chita zimenezi ndipo udzakhala ndi moyo.”

Luka 10:28 Mawu Ofanana

Nehemiya 9:29

ndipo munawachitira umboni, kuti muwabwezerenso ku chilamulo chanu; koma anachita modzikuza, osamvera malamulo anu; koma anachimwira malamulo anu (amene munthu akawachita adzakhala nao ndi moyo); nakaniza phewa lao, naumitsa khosi lao, osamvera.

Miyambo 19:16

Wosunga lamulo asunga moyo wake; wonyalanyaza mayendedwe ake adzafa.

Ezekieli 20:11

Ndinawapatsanso malemba anga, ndi kuwadziwitsa maweruzo anga, ndiwo munthu akawachita adzakhala nao ndi moyo.

Ezekieli 20:13

Koma nyumba ya Israele inapandukira Ine m'chipululu, sanayende m'malemba anga, nanyoza maweruzo anga, amene munthu akawachita adzakhala nao ndi moyo; ndi masabata anga anawaipsa kwambiri; pamenepo ndidati ndiwatsanulire ukali wanga m'chipululu kuwatha.

Ezekieli 20:21

Koma anawo anapandukira Ine, sanayende m'malemba anga, kapena kusunga maweruzo anga kuwachita, amene munthu akawachita adzakhala nao ndi moyo; anaipsa masabata anga; pamenepo ndinati ndidzawatsanulira ukali wanga, kuwakwaniritsira mkwiyo wanga m'chipululu.

Levitiko 18:5

Inde, muzisunga malemba anga, ndi maweruzo anga; amenewo munthu akawachita, adzakhala nao ndi moyo; Ine ndine Yehova.

Mateyu 19:17

Ndipo Iye anati kwa iye, Undifunsiranji za chinthu chabwino? Alipo Mmodzi ndiye wabwino: koma ngati ufuna kulowa m'moyo, sunga malamulo.

Marko 12:34

Ndipo pakuona kuti anayankha ndi nzeru, Yesu anati kwa iye, Suli kutali ndi Ufumu wa Mulungu. Ndipo palibe munthu analimbanso mtima kumfunsa Iye kanthu.

Luka 7:43

Simoni anayankha, nati, Ndiyesa kuti, iye amene anamkhululukira zoposa.

Aroma 10:4

Pakuti Khristu ali chimaliziro cha lamulo kulinga kuchilungamo kwa aliyense amene akhulupirira.

Aroma 3:19

Ndipo tidziwa kuti zinthu zilizonse chizinena chilamulo chizilankhulira iwo ali nacho chilamulo; kuti pakamwa ponse patsekedwe, ndi dziko lonse lapansi litsutsidwe ndi Mulungu;

Aroma 7:10

Ndipo lamulo, limene linali lakupatsa moyo, ndinalipeza lakupatsa imfa.

Agalatiya 3:12

koma chilamulo sichichokera kuchikhulupiriro; koma, Wakuzichita izi adzakhala ndi moyo ndi izi.

Deuteronomo 6:24

Ndipo Yehova anatilamulira tizichita malemba awa onse, kuopa Yehova Mulungu wathu, kuti tipindule nako masiku onse, kuti atisunge amoyo, monga lero lino.