2 Yohane 1:8 - Buku Lopatulika

⁸ Mudzipenyerere nokha, kuti mungataye zimene tazichita, koma kuti mulandire mphotho yokwanira.

Chichewa Buku Lopatulika Bible 2014

⁸ Mudzipenyerere nokha, kuti mungataye zimene tazichita, koma kuti mulandire mphotho yokwanira.

Buku Loyera Catholic Edition - Chichewa

⁸ Chenjerani kuti mungataye chimene mwagwirira ntchito, koma yesetsani kuti mukalandire mphotho yathunthu.

Mawu a Mulungu mu Chichewa Chalero

⁸ Chenjerani kuti mungataye chimene mwagwirira ntchito, koma chitani khama kuti mukalandire mphotho yanu yonse.

2 Yohane 1:8 Mawu Ofanana

Danieli 12:3

Ndipo aphunzitsi adzawala ngati kunyezimira kwa thambo; ndi iwo otembenuza ambiri atsate chilungamo ngati nyenyezi kunthawi za nthawi.

Mateyu 24:4

Ndipo Yesu anayankha nati kwa iwo, Yang'anirani, asasokeretse inu munthu.

Marko 13:23

Koma yang'anirani; onani ndakuuziranitu zinthu zonse, zisanafike.

Marko 13:9

Koma inu mudziyang'anire inu nokha; pakuti adzakuperekani inu ku bwalo la akulu a milandu; ndipo adzakukwapulani m'masunagoge; ndipo pamaso pa akazembe ndi mafumu mudzaimirira chifukwa cha Ine, kukhale umboni kwa iwo.

Luka 19:19

Ndipo anati kwa iyenso, Khala iwenso woweruza mizinda isanu.

Luka 21:8

Ndipo Iye anati, Yang'anirani musasocheretsedwe; pakuti ambiri adzadza m'dzina langa, nadzanena, Ndine amene; ndipo, Nthawi yayandikira; musawatsate pambuyo pao.

Yohane 4:36

Wakumweta alandira kulipira, nasonkhanitsira chobala kumoyo wosatha; kuti wofesayo akakondwere pamodzi ndi womwetayo.

1 Akorinto 15:8

ndipo potsiriza pake pa onse, anaoneka kwa inenso monga mtayo.

1 Akorinto 3:14

Ngati ntchito ya munthu aliyense ikhala imene anaimangako, adzalandira mphotho.

1 Akorinto 3:8

Koma wookayo ndi wothirirayo ali amodzi; koma yense adzalandira mphotho yake ya iye yekha, monga mwa kuchititsa kwake kwa iye yekha.

Agalatiya 3:4

Kodi mudamva zowawa zambiri zotere kwachabe? Ngatitu kwachabe.

Agalatiya 4:11

Ndiopera inu, kuti kapena ndadzivutitsa ndi inu chabe.

Afilipi 3:16

chokhachi, kumene tidafikirako, mayendedwe athu alinganeko.

Ahebri 10:32

Koma tadzikumbutsani masiku akale, m'menemo mutaunikidwa mudapirira chitsutsano chachikulu cha zowawa;

Ahebri 10:35

Potero musataye kulimbika kwanu, kumene kuli nacho chobwezera mphotho chachikulu.

Ahebri 12:15

ndi kuyang'anira kuti pangakhale wina wakuperewera chisomo cha Mulungu, kuti ungapuke muzu wina wa kuwawa mtima ungavute inu, ndipo aunyinji angadetsedwe nao;

Chivumbulutso 3:11

Ndidza msanga; gwira chimene uli nacho, kuti wina angalande korona wako.