2 Samueli 13:21 - Buku Lopatulika

²¹ Koma pamene mfumu Davide anamva zonsezi, anakwiya ndithu.

Chichewa Buku Lopatulika Bible 2014

²¹ Koma pamene mfumu Davide anamva zonsezi, anakwiya ndithu.

Buku Loyera Catholic Edition - Chichewa

²¹ Davide atazimva zimenezi, adapsa nazo mtima zedi.

Mawu a Mulungu mu Chichewa Chalero

²¹ Mfumu Davide itamva zimenezi, inakwiya kwambiri.

2 Samueli 13:21 Mawu Ofanana

Genesis 34:7

Ndipo pakumva icho ana ake aamuna a Yakobo anabwera pochokera kudambo: amunawo ndipo anapwetekwa mtima, nakwiya kwambiri, chifukwa iyeyo anachita chopusa choipira Israele pakugona ndi mwana wamkazi wa Yakobo; ndicho chosayenera kuchita.

Genesis 35:22

Ndipo panali pamene Israele anakhala m'dzikomo, Rubeni anamuka nagona ndi Biliha, mkazi wamng'ono wa atate wake: ndipo Israele anamva. Ana aamuna a Yakobo anali khumi ndi awiri:

2 Samueli 12:10

Chifukwa chake tsono lupanga silidzachoka pa nyumba yako nthawi zonse, popeza unandipeputsa Ine, nudzitengera mkazi wa Uriya Muhiti akhale mkazi wako.

2 Samueli 12:5

Pamenepo mkwiyo wa Davide unayaka ndithu pa munthuyo, nati kwa Natani, Pali Yehova, munthu amene anachita ichi, ayenera kumupha;

2 Samueli 13:20

Ndipo Abisalomu mlongo wake ananena naye, Kodi mlongo wako Aminoni anali ndi iwe? Koma tsopano ukhale chete, mlongo wanga, iye ali mlongo wako; usavutika ndi chinthuchi. Chomwecho Tamara anakhala wounguluma m'nyumba ya Abisalomu mlongo wake.

2 Samueli 13:22

Ndipo Abisalomu sanalankhule ndi Aminoni chabwino kapena choipa, pakuti Abisalomu anamuda Aminoni popeza adachepetsa mlongo wake Tamara.

Masalimo 101:8

Mamawa onse ndidzadula oipa onse a m'dziko; kuduliratu onse akuchita zopanda pake kumzinda wa Yehova.

1 Samueli 2:29

Nanga umaponderezeranji nsembe yanga ndi chopereka changa, zimene ndinalamulira m'mokhalamo mwanga; ndipo uchitira ana ako ulemu koposa Ine, kudzinenepetsa inu nokha ndi zokometsetsa za zopereka zao zonse za Aisraele, anthu anga?