1 Akorinto 13:9 - Buku Lopatulika

⁹ Pakuti ife tidziwa mderamdera, ndimo tinenera mderamdera.

Chichewa Buku Lopatulika Bible 2014

⁹ Pakuti ife tidziwa mderamdera, ndimo tinenera mderamdera.

Buku Loyera Catholic Edition - Chichewa

⁹ Paja timangodziŵa zinthu mopereŵera, ndipo kulalika kwathunso nkopereŵera,

Mawu a Mulungu mu Chichewa Chalero

⁹ Pakuti timadziwa zinthu pangʼono chabe ndipo timanenera pangʼono chabe.

1 Akorinto 13:9 Mawu Ofanana

Yobu 26:14

Taonani, awa ndi malekezero a njira zake; ndi chimene tikumva za Iye ndi chinong'onezo chaching'ono; koma kugunda kwa mphamvu yake akuzindikiritsa ndani?

Masalimo 139:6

Kudziwa ichi kundiposa ndi kundidabwitsa: Kundikhalira patali, sindifikirako.

Masalimo 40:5

Inu, Yehova, Mulungu wanga, zodabwitsa zanu mudazichita nzambiri, ndipo zolingirira zanu za pa ife; palibe wina wozifotokozera Inu; ndikazisimba ndi kuzitchula, zindichulukira kuziwerenga.

Miyambo 30:4

Ndani anakwera kumwamba natsikanso? Ndani wakundika nafumbata mphepo? Ndani wamanga madzi m'malaya ake? Ndani wakhazikitsa matsiriziro onse a dziko? Dzina lake ndani? Dzina la mwanake ndani? Kapena udziwa.

Mateyu 11:27

Zinthu zonse zinaperekedwa kwa Ine ndi Atate wanga; ndipo palibe munthu adziwa Mwana, koma Atate yekha, ndi palibe wina adziwa Atate, koma Mwana yekha, ndi iye amene Mwana afuna kumuululira.

Aroma 11:34

Pakuti anadziwitsa ndani mtima wake wa Ambuye? Kapena anakhala phungu wake ndani?

1 Akorinto 13:10

Koma pamene changwiro chafika, tsono chamderamdera chidzakhala chabe.

1 Akorinto 13:12

Pakuti tsopano tipenya m'kalirole, ngati chimbuuzi; koma pomwepo maso ndi maso. Tsopano ndizindikira mderamdera; koma pomwepo ndidzazindikiratu, monganso ndazindikiridwa.

1 Akorinto 2:9

koma monga kulembedwa, Zimene diso silinazione, ndi khutu silinazimve, nisizinalowe mu mtima wa munthu, zimene zilizonse Mulungu anakonzereratu iwo akumkonda Iye.

1 Akorinto 8:2

Ngati wina ayesa kuti adziwa kanthu sanayambe kudziwa monga ayenera kudziwa.

Aefeso 3:8

Kwa ine wochepa ndi wochepetsa wa onse oyera mtima anandipatsa chisomo ichi ndilalikire kwa amitundu chuma chosalondoleka cha Khristu;

1 Yohane 3:2

Okondedwa, tsopano tili ana a Mulungu, ndipo sichinaoneke chimene tidzakhala. Tidziwa kuti, pa kuoneka Iye, tidzakhala ofanana ndi Iye, Pakuti tidzamuona Iye monga ali.