Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -

ဒေသနာကျမ်း။ 11 - မြန်​​​မာ့​​​စံ​​​မီ​​​သမ္မာ​​​ကျမ်း​​


ဘဝတွင်ရင်းနှီးမြှုပ်နှံခြင်း

1 သင်​၏​အစာ​ကို ရေပြင်​ပေါ်သို့ ပစ်​လိုက်​လော့​။ အကြောင်းမူကား နေ့ရက်​များစွာ​လွန်​ပြီးနောက် ၎င်း​ကို​သင်​ပြန်တွေ့​လိမ့်မည်​။

2 သင်​၏​ဝေစု​ကို လူ​ခုနစ်​ဦး​မက ရှစ်​ဦး​တို့​အား ပေးအပ်​ထား​လော့​။ အကြောင်းမူကား ကမ္ဘာမြေကြီး​ပေါ်တွင် မည်သို့သော​ဘေးဒုက္ခ​ကျရောက်​လာ​မည်​ကို သင်​မ​သိ​။

3 တိမ်တိုက်​များ​သည် မိုးရေ​နှင့်​ပြည့်​သောအခါ မြေကြီး​ပေါ်သို့ ရွာသွန်း​တတ်​၏​။ သစ်ပင်​သည်​လည်း တောင်ဘက်​သို့​ဖြစ်စေ​၊ မြောက်ဘက်​သို့​ဖြစ်စေ လဲကျ​လျှင် လဲကျ​ရာ​အရပ်​၌​ရှိ​နေ​တတ်​၏​။

4 လေ​ကို​စောင့်ကြည့်​နေ​သော​သူ​သည် မျိုးစေ့​ကို​ကြဲ​ရ​လိမ့်မည်​မ​ဟုတ်​။ မိုးတိမ်​ကို​ကြည့်​နေ​သော​သူ​သည်​လည်း ရိတ်သိမ်း​ရ​လိမ့်မည်​မ​ဟုတ်​။

5 သင်​သည် လေ​၏​လမ်းကြောင်း​ကို​လည်းကောင်း​၊ ကိုယ်ဝန်ဆောင်​အမျိုးသမီး​၏​ဝမ်း​ထဲတွင် အရိုး​များ​မည်သို့​ဖြစ်တည်​လာ​သည်​ကို​လည်းကောင်း မ​သိ​နိုင်​သကဲ့သို့ ခပ်သိမ်း​သော​အရာ​ကို​ဖန်ဆင်း​သော ဘုရားသခင်​၏​အမှု​တော်​ကို​လည်း မ​သိ​နိုင်​။

6 နံနက်အချိန်​၌ သင်​၏​မျိုးစေ့​ကို​ကြဲ​လော့​။ ညနေခင်း​၌​လည်း သင်​၏​လက်​ကို​အနား​မ​ပေး​နှင့်​။ အကြောင်းမူကား မည်သည်​က​အောင်မြင်​မည်နည်း​။ ဤသည်လော​၊ ထိုသည်လော​၊ သို့မဟုတ် နှစ်ခုစလုံး​အညီအမျှ ကောင်း​မည်လော​ဟူ၍ သင်​မ​သိ​နိုင်​။

7 အလင်း​သည် ချိုမြိန်​၏​။ နေ​ကို​တွေ့မြင်​ရ​ခြင်း​သည်​လည်း မျက်စိ​အတွက်​နှစ်လိုဖွယ်​ဖြစ်​၏​။

8 သို့ဖြစ်၍ လူ​သည် နှစ်​ပေါင်း​များစွာ​အသက်ရှင်​လျှင် ထို​နှစ်​ကာလ​အားလုံး​၌ ဝမ်းမြောက်​ခြင်း​ရှိ​ပါစေ​။ သို့သော် မှောင်မိုက်​သော​နေ့ရက်​များ​သည်​လည်း များစွာ​ရှိ​မည်​ဖြစ်ကြောင်း အောက်မေ့​ပါစေ​။ ဖြစ်လာ​မည့်​အရာ​အားလုံး​တို့​သည် အချည်းနှီး​ဖြစ်​ကြ​၏​။

9 အချင်း​လူပျို​၊ သင်​ပျိုရွယ်​စဉ်တွင် ဝမ်းမြောက်​လော့​။ သင်​၏​အသက် ပျိုရွယ်​သော​နေ့ရက်​များ​၌​လည်း သင်​၏​စိတ်နှလုံး​သည် ရွှင်လန်း​ပါစေ​။ သင့်​စိတ်နှလုံး​အလိုရှိ​ရာ​လမ်း​များ​နောက်​သို့​လည်းကောင်း​၊ သင့်​မျက်စိ​ပသာဒ​နောက်​သို့​လည်းကောင်း လိုက်​လော့​။ သို့ရာတွင် ထို​အရာ​အားလုံး​အတွက် ဘုရားသခင်​သည် သင့်​ကို​တရားသဖြင့်​စီရင်​တော်မူ​မည်​ဖြစ်ကြောင်း သိမှတ်​လော့​။

10 သို့ဖြစ်၍ ပူဆွေး​ခြင်း​ကို သင်​၏​စိတ်နှလုံး​ထဲမှ​ဖယ်ရှား​လော့​။ ဒုက္ခ​ကို​လည်း သင်​၏​ကိုယ်ခန္ဓာ​မှ​ပယ်ထုတ်​လော့​။ အကြောင်းမူကား ပျိုရွယ်​ခြင်း​နှင့် အရွယ်ကောင်း​ခြင်း​တို့​သည် အချည်းနှီး​ဖြစ်​ကြ​၏​။

MYANMAR STANDARD BIBLE©

Copyright © 2012, 2014, 2017, 2021 by Global Bible Initiative

Global Bible Initiative
ကြှနျုပျတို့နောကျလိုကျပါ:



ကြော်ငြာတွေ