ဒေသနာကျမ်း။ 11:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ သို့ဖြစ်၍ ပူဆွေး​ခြင်း​ကို သင်​၏​စိတ်နှလုံး​ထဲမှ​ဖယ်ရှား​လော့​။ ဒုက္ခ​ကို​လည်း သင်​၏​ကိုယ်ခန္ဓာ​မှ​ပယ်ထုတ်​လော့​။ အကြောင်းမူကား ပျိုရွယ်​ခြင်း​နှင့် အရွယ်ကောင်း​ခြင်း​တို့​သည် အချည်းနှီး​ဖြစ်​ကြ​၏​။

Common Language Bible

¹⁰ သို့ဖြစ်၍၊ စိတ်ညှိုးငယ်ခြင်းအကြောင်းနှင့်၊ ကိုယ် ဆင်းရဲခြင်းအကြောင်းကို ပယ်ရှားလော့။ အသက်ငယ် ခြင်းအရာနှင့် အရွယ်ပျိုခြင်းအရာသည် အနတ္တဖြစ်၏။

Garrad Bible

¹⁰ ၎င်း ပြင်၊ ပျို ရွယ် ခြင်း နှင့် အင် အား ရှိ ခြင်း များ သည် အ န တ္တ ဖြစ် သော ကြောင့်၊ စိတ် နှ လုံး မှ ပူ ဆွေး ခြင်း၊ ကိုယ် ခ န္ဓာ မှ နာ ကျင် ခြင်း အ ကြောင်း ကို၊ ပယ် ရှား လော့။

Judson Bible

¹⁰ သို့​ဖြစ်၍၊ စိတ်​ညှိုး​ငယ်​ခြင်း​အ​ကြောင်း​နှင့်၊ ကိုယ်​ဆင်း​ရဲ​ခြင်း​အ​ကြောင်း​ကို ပယ်​ရှား​လော့။ အ​သက်​ငယ်​ခြင်း​အ​ရာ​နှင့် အ​ရွယ်​ပျို​ခြင်း​အ​ရာ​သည် အ​န​တ္တ​ဖြစ်၏။

ဒေသနာကျမ်း။ 11:10 ပူးပေါင်းရင်းမြစ်များ

ယောဘဝတ္တု။ 11:12

မြည်းရိုင်း​သည် လူ​ကို​မွေးထုတ်​သောအခါ​မှသာ ပညာမဲ့​သော​သူ​သည် ပညာရှိ​ဖြစ်လာ​နိုင်​လိမ့်မည်​။

ယောဘဝတ္တု။ 13:26

အကျွန်ုပ်​အဖို့ ပြင်းထန်​သော​စွဲချက်​များ​ကို ရေးမှတ်​ထား​၍ အကျွန်ုပ်​ငယ်စဉ်​က ပြု​မိ​သော​ဒုစရိုက်​များ​ကို ပြန်၍​ခံရ​စေ​တော်မူ​၏​။

ယောဘဝတ္တု။ 20:11

သူ့​အရိုး​တို့​သည် နုပျိုသန်စွမ်း​သော်လည်း သူ​နှင့်အတူ မြေမှုန့်​ထဲ၌ လဲလျောင်း​ရ​လိမ့်မည်​။

ဆာ​လံ 25:7

အကျွန်ုပ်​၏​ပျိုရွယ်​စဉ်က​အပြစ်​များ​နှင့် အကျွန်ုပ်​ကျူးလွန်​သော​အပြစ်​များ​ကို အောက်မေ့​တော်​မ​မူ​ပါ​နှင့်​။ အို ထာဝရဘုရား​၊ ကိုယ်တော်​၏​ကောင်းမြတ်​တော်မူ​ခြင်း​ကို​ထောက်၍ ကိုယ်တော်​၏​မေတ္တာကရုဏာ​တော်​နှင့်အညီ အကျွန်ုပ်​ကို​အောက်မေ့​တော်မူ​ပါ​။

ဆာ​လံ 39:5

ကိုယ်တော်​သည် အကျွန်ုပ်​အသက်တာ​၏ နေ့ရက်​များ​ကို လက်တစ်ဝါး​သာ​ရှည်​စေ​တော်မူ​၏​။ အကျွန်ုပ်​၏​အသက်တာ​သည်​လည်း ကိုယ်တော်​၏​ရှေ့​တွင် ဘာမျှ​မ​ဟုတ်​သကဲ့သို့​ဖြစ်​ပါ​၏​။ အကယ်စင်စစ် လူ​တိုင်း​သည် မြဲမြံ​စွာ​ရပ်တည်​လျက်​နေ​စဉ်မှာပင် အခိုးအငွေ့​သက်သက်​ဖြစ်​ကြ​ပါ​၏​။(​စေလာ)

ဆာ​လံ 39:6

အကယ်စင်စစ် လူ​သည်​အရိပ်​ကဲ့သို့​သွားလာ​ပါ​၏​။ သူ​တို့​သည် အချည်းနှီး​သော​အရာ​ကြောင့်သာ မငြိမ်မသက်​ဖြစ်​တတ်​ကြ​ပါ​၏​။ လူ​သည် ဥစ္စာ​များ​စုဆောင်း​သော်လည်း ၎င်း​တို့​အား မည်သူ​ရ​မည်​ကို​မ​သိ​ပါ​။

သုတ္တံကျမ်း။ 22:15

မိုက်မဲ​ခြင်း​သည် ကလေးသူငယ်​၏​စိတ်နှလုံး​တွင် နှောင်ဖွဲ့​လျက်​ရှိ​၏​။ သို့သော် ဆုံးမပဲ့ပြင်​သော​ကြိမ်လုံး​သည် ၎င်း​ကို သူ​နှင့်​ဝေးကွာ​စေ​လိမ့်မည်​။

ဒေသနာကျမ်း။ 1:14

နေ​အောက်​တွင်​ပြု​သမျှ​သော​အမှု​အားလုံး​ကို ငါ​မြင်​၏​။ ကြည့်ရှု​လော့​။ အားလုံး​သည် အချည်းနှီး​ဖြစ်​ပြီး လေ​ကို​လိုက်ဖမ်း​ခြင်း​ဖြစ်​၏​။

ဒေသနာကျမ်း။ 1:2

အချည်းနှီး​၊ အချည်းနှီး​ဟု ဒေသနာဆရာ​ဆို​၏​။ အချည်းနှီး​၊ အချည်းနှီး​၊ ခပ်သိမ်း​သော​အရာ​တို့​သည် အချည်းနှီး​ဖြစ်​ကြ​၏​။

ဒေသနာကျမ်း။ 12:1

သင်​၏​အသက်​ပျိုရွယ်​သော​နေ့ရက်​များ​၌ သင့်​ကို​ဖန်ဆင်း​တော်မူ​သော​အရှင်​ကို အောက်မေ့​လော့​။ ဘေးဒုက္ခခံရာ​နေ့ရက်​များ​ရောက်လာ​သဖြင့် “​ငါ​၌​မည်သည့်​ပျော်ရွှင်မှု​မျှ​မ​ရှိ​”​ဟု သင်​ပြောဆို​သော​နှစ်ကာလ​များ​မ​ကျရောက်​မီ​၊

၂ ကော 7:1

ချစ်​ရ​သော​သူ​တို့၊ ငါ​တို့​၌ ဤသို့​သော ကတိ​တော်​များ​ရှိ​ကြ​သောကြောင့် ကိုယ်ကာယ​နှင့်​စိတ်​ဝိညာဉ်​တို့​၏​အညစ်အကြေး​ရှိသမျှ​တို့​မှ မိမိတို့ကိုယ်ကို​စင်ကြယ်​စေ​၍ ဘုရားသခင်​ကို​ကြောက်ရွံ့​ခြင်း​အားဖြင့် မြင့်မြတ်​သန့်ရှင်း​ခြင်း​နှင့်​ပြည့်စုံ​ကြ​ကုန်စို့။

၂ တိ 2:22

ထို့ကြောင့် သင်​သည် လူငယ်​တို့​၏​တပ်မက်​ခြင်း​များ​ကို​ရှောင်​၍ စင်ကြယ်​သော​စိတ်နှလုံး​ဖြင့် သခင်​ဘုရား​ကို​ပတ္ထနာ​ပြု​သော​သူ​တို့​နှင့်အတူ ဖြောင့်မတ်​ခြင်း၊ ယုံကြည်​ခြင်း၊ ချစ်​ခြင်း​နှင့် ငြိမ်သက်​ခြင်း​တို့​ကို လက်ကိုင်ပြု​လော့။