Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -

ဆာ​လံ 54 - မြန်​​​မာ့​​​စံ​​​မီ​​​သမ္မာ​​​ကျမ်း​​


ကယ်နုတ်တော်မူရန် ဆုတောင်းခြင်း
ဂီတမှူး​အတွက်​၊ ကြိုးတပ်​တူရိယာ​များ​ဖြင့်​၊ ဇိဖ​အမျိုးသား​တို့​က “​ဒါဝိဒ်​သည် အကျွန်ုပ်​တို့​ထံ ပုန်းရှောင်​နေ​ပါ​သည်​”​ဟု ရှောလု​ထံသို့​သွား​၍​ကြားလျှောက်​ကြ​သောအခါ ဒါဝိဒ်​စပ်ဆို​သော​အလိမ္မာ​သီချင်း

1 အို ဘုရားသခင်​၊ ကိုယ်တော်​၏​နာမ​တော်​အားဖြင့် အကျွန်ုပ်​ကို​ကယ်တင်​တော်မူ​ပါ​။ ကိုယ်တော်​၏​အစွမ်းတန်ခိုး​တော်​အားဖြင့် အကျွန်ုပ်​ကို​စစ်ကြောစီရင်​တော်မူ​ပါ​။

2 အို ဘုရားသခင်​၊ အကျွန်ုပ်​၏​ဆုတောင်းချက်​ကို နားညောင်း​တော်မူ​ပါ​။ အကျွန်ုပ်​၏​နှုတ်ထွက်​စကား​တို့​ကို စူးစိုက်​နားထောင်​တော်မူ​ပါ​။

3 အကြောင်းမူကား သူစိမ်း​တို့​သည် အကျွန်ုပ်​ကို​ဆန့်ကျင်​လျက်​ထကြွ​ကြ​ပါ​၏​။ ကြမ်းကြုတ်​သော​သူ​တို့​သည်​လည်း အကျွန်ုပ်​အသက်​ကို​ရန်ရှာ​ကြ​ပါ​၏​။ သူ​တို့​သည် ဘုရားသခင်​ကို ဦးထိပ်ထား​ခြင်း​မ​ရှိ​ကြ​ပါ​။(​စေလာ)

4 ကြည့်ရှု​လော့​။ ဘုရားသခင်​သည် ငါ့​ကို​ကူညီမစ​သော​အရှင်​ဖြစ်​တော်မူ​၏​။ ဘုရားရှင်​သည် ငါ့​အသက်​ကို ထောက်မ​သော​သူ​တို့​နှင့်အတူ ရှိ​တော်မူ​၏​။

5 ငါ​၏​ရန်သူ​တို့​အပေါ် မကောင်းမှု​အကျိုး​ကို ကိုယ်တော်​ဆပ်ပေး​ပါစေသော​။ ကိုယ်တော်​၏​သစ္စာ​တော်​နှင့်အညီ ထို​သူ​တို့​ကို ဖယ်ရှားသုတ်သင်​တော်မူ​ပါ​။

6 အကျွန်ုပ်​သည် စေတနာ့​ပူဇော်သက္ကာ​ကို ကိုယ်တော်​အား ပူဇော်​ပါ​မည်​။ အို ထာဝရဘုရား​၊ အကျွန်ုပ်​သည် ကိုယ်တော်​၏​နာမ​တော်​ကို​ချီးမွမ်း​ပါ​မည်​။ အကြောင်းမူကား ထိုသို့​ပြု​ခြင်း​သည် ကောင်းမြတ်​ပါ​၏​။

7 အမှန်စင်စစ် ကိုယ်တော်​သည် အကျွန်ုပ်​ကို ဆင်းရဲဒုက္ခ​အပေါင်း​တို့​မှ​ကယ်နုတ်​တော်မူ​ပြီ​ဖြစ်၍ အကျွန်ုပ်​၏​မျက်စိ​သည် အကျွန်ုပ်​၏​ရန်သူ​တို့​ကို အပေါ်စီး​မှ​ကြည့်မြင်​နိုင်​ပါ​ပြီ​။

MYANMAR STANDARD BIBLE©

Copyright © 2012, 2014, 2017, 2021 by Global Bible Initiative

Global Bible Initiative
ကြှနျုပျတို့နောကျလိုကျပါ:



ကြော်ငြာတွေ