၂ ရာ​ချုပ် 12:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ သူ​နှင့်အတူ စစ်ရထား​အစီးရေ​တစ်ထောင့်​နှစ်ရာ​၊ မြင်းစီးသူရဲ​ခြောက်သောင်း​နှင့် မရေမတွက်​နိုင်​သော အီဂျစ်​ပြည်​မှ လစ်ဗျား​လူမျိုး​၊ သုကိ​လူမျိုး​၊ အီသီယိုးပီးယား​လူမျိုး​တို့​၏​စစ်သည်​များ လိုက်ပါ​လာ​ကြ​၏​။

Common Language Bible

³ သူ​သည်​စစ်​ရ​ထား​တစ်​ထောင့်​နှစ်​ရာ၊ မြင်း​စီး သူ​ရဲ​ခြောက်​သောင်း​နှင့်​လိ​ဗု​ပြည်​သား၊ သု​ကိ ပြည်​သား၊ ဆူ​ဒန်​ပြည်​သား​တို့​အ​ပါ​အ​ဝင် မ​ရေ​မ​တွက်​နိုင်​သော​စစ်​သည်​တော်​များ​ပါ ရှိ​သည့်​တပ်​မ​တော်​ကြီး​ကို​ခေါင်း​ဆောင်​၍ လာ​၏။-

Judson Bible

³ အဲ​ဂု​တ္တု​ရှင်​ဘု​ရင်​ရှိ​ရှက်​သည် ရ​ထား​တစ်​ထောင်​နှစ်​ရာ၊ မြင်း​စီး​သူ​ရဲ​ခြောက်​သောင်း၊ မ​ရေ​တွက်​နိုင်​သော အဲ​ဂု​တ္တု​ပြည်​သား​များ၊ လိ​ဗု​ပြည်​သား၊ သု​ကိ​ပြည်​သား၊ အဲ​သ​ယော​ပိ​ပြည်​သား​တို့​နှင့်​တ​ကွ၊ ယေ​ရု​ရှ​လင်​မြို့​သို့ စစ်​ချီ၍၊

၂ ရာ​ချုပ် 12:3 ပူးပေါင်းရင်းမြစ်များ

၂ ရာ 10:18

ဆီးရီးယား​လူမျိုး​တို့​သည် အစ္စရေး​လူမျိုး​တို့​ရှေ့​မှ ထွက်ပြေး​ကြ​ပြန်​၍ ဒါဝိဒ်​မင်းကြီး​သည် ဆီးရီးယား​လူမျိုး​တို့​၏​စစ်ရထားမှူး အယောက်​ခုနစ်​ရာ​၊ မြင်းစီးသူရဲ အယောက်​လေးသောင်း​တို့​ကို ကွပ်မျက်​ပစ်​လေ​၏​။ စစ်သူကြီး​ရှောဗက်​ကို​လည်း ထို​နေရာ​တွင်ပင် အသေသတ်​လိုက်​လေ​၏​။

၄ ရာ 7:6

အကြောင်းမှာ ဘုရားရှင်​သည် ဆီးရီးယား​တပ်သား​တို့​အား စစ်ရထားသံ​၊ မြင်းခွာသံ​များ​ဖြင့် စစ်တပ်ကြီး​ချီလာ​သော​အသံ​ကို ကြား​ရ​စေ​တော်မူ​သဖြင့် သူ​တို့​က “​ကြည့်​ပါ​။ အစ္စရေး​ဘုရင်​သည် ငါ​တို့​ကို တိုက်ခိုက်​ရန် ဟိတ္တိ​ဘုရင်​၊ အီဂျစ်​ဘုရင်​တို့​ကို စစ်ကူတောင်း​ပြီး​ချီလာ​လေ​ပြီ​”​ဟု အချင်းချင်း​ပြောဆို​ကြ​လျက်

၂ ရာ​ချုပ် 14:12

ထာဝရဘုရား​သည် အီသီယိုးပီးယား​လူမျိုး​ကို အာသ​မင်းကြီး​နှင့်​ယုဒ​လူမျိုး​တို့​ရှေ့​၌ ရှုံးနိမ့်​စေ​သဖြင့် အီသီယိုးပီးယား​လူမျိုး​တို့ ထွက်ပြေး​ကြ​လေ​၏​။

၂ ရာ​ချုပ် 14:8

အာသ​မင်းကြီး​၌ ယုဒ​အမျိုး​တွင် ဒိုင်းလွှားကြီး​နှင့်​လှံ​ကိုင်စွဲ​သူ စစ်သည်​သုံးသိန်း​၊ ဗင်္ယာမိန်​အမျိုး​တွင် ဒိုင်းလွှားငယ်​ကိုင်စွဲ​သူ​နှင့် လေးသည်တော် နှစ်သိန်း​ရှစ်သောင်း ရှိ​၏​။ သူ​တို့​အားလုံး​သည် ရဲစွမ်းသတ္တိ​ထက်မြက်​သော​စစ်သူရဲ​များ ဖြစ်​ကြ​၏​။

၂ ရာ​ချုပ် 14:9

ထို့နောက်တွင် အီသီယိုးပီးယား​လူမျိုး​ဇေရ​သည် စစ်သည်​တစ်သန်း​၊ စစ်ရထား​သုံး​ရာ​နှင့်​ချီလာ​ပြီး မရေရှ​မြို့​သို့​ရောက်လာ​ရာ

၂ ရာ​ချုပ် 16:8

အီသီယိုးပီးယား​လူမျိုး​နှင့် လစ်ဗျား​လူမျိုး​တို့​တွင်​လည်း စစ်ရထား​နှင့် မြင်းစီးသူရဲ​မြောက်မြား​စွာ​ရှိ​သော​စစ်တပ်ကြီး​ရှိ​သည် မ​ဟုတ်​လော​။ သို့သော် သင်​သည် ထာဝရဘုရား​ကို ကိုးစား​သောကြောင့် သူ​တို့​ကို သင့်​လက်​သို့ အပ်​တော်မူ​ခဲ့​၏​။

ဟေ​ရှာ​ယ 43:3

အကြောင်းမူကား ငါ​သည် သင်​၏​ဘုရားသခင် ထာဝရဘုရား​ဖြစ်​၏​။ အစ္စရေး​လူမျိုး​၏​သန့်ရှင်း​သော​ဘုရား​ဖြစ်​၏​။ သင်​၏​ကယ်တင်ရှင်​ဖြစ်​၏​။ သင့်​ကို ရွေးနုတ်စရာ​အဖိုးအခ​အဖြစ် အီဂျစ်​ပြည်​ကို​လည်းကောင်း​၊ သင့်​ကိုယ်စား အီသီယိုးပီးယား​ပြည်​နှင့် သေဘ​ပြည်​တို့​ကို​လည်းကောင်း ငါ​ပေးအပ်​လိုက်​၏​။

ယေ​ဇ​ကျေ​လ 30:5

အီသီယိုးပီးယား​ပြည်သား​၊ ဖုတ​ပြည်သား​၊ လုဒ​ပြည်သား​၊ အာရေဗျ​ပြည်သား​၊ ခုဘ​ပြည်သား စသည့် အီဂျစ်​ပြည်​နှင့်​မဟာမိတ်ဖွဲ့​သော ပြည်သား​အားလုံး ဓားဘေး​ဖြင့် လဲကျ​သေဆုံး​ကြ​လိမ့်မည်’​ဟု မိန့်​တော်မူ​၏​။

ဒံ​ယေ​လ 11:43

အီဂျစ်​ပြည်​၏​ရွှေ​ငွေ​ဘဏ္ဍာတိုက်​နှင့် အဖိုးတန်​ရတနာ​အားလုံး​ကို လက်ဝါးကြီးအုပ်​လိမ့်မည်​။ လစ်ဗျား​ပြည်သား​၊ အီသီယိုးပီးယား​ပြည်သား​တို့​သည်​လည်း သူ့​နောက်​ကို လိုက်​ကြ​လိမ့်မည်​။

နာ​ဟုံ 3:9

အီသီယိုးပီးယား​ပြည်​နှင့် အီဂျစ်​ပြည်​သည် သူ့​အဖို့ အတိုင်းအဆ​မ​ရှိ​သော​အင်အား ဖြစ်​၏​။ ဖုတ​ပြည်​နှင့် လစ်ဗျား​ပြည်​သည်​လည်း သူ့​ကို ကူညီပေး​သော​သူ​များ​ဖြစ်​၏​။

ဗျာ​ဒိတ် 9:16

မြင်းစီး​သူရဲ​တို့​၏​အရေအတွက်​မှာ သန်းပေါင်း​နှစ်ရာ​ဖြစ်​၏။ သူ​တို့​၏​အရေအတွက်​ကို ငါ​ကြား​ရ​၏။

သူ​ကြီး 4:13

သိသရ​သည် သူ​၏​စစ်ရထား​အားလုံး​၊ သံ​စစ်ရထား​ကိုး​ရာ​နှင့် မိမိ​လူ​အပေါင်း​တို့​ကို စုစည်း​ပြီးလျှင် ဟာရောရှက်​ဟာဂေါအိမ်​မြို့​မှ ကိရှုန်​မြစ်​သို့ ချီတက်​ကြ​၏​။

သူ​ကြီး 6:5

သူ​တို့​သည် တိရစ္ဆာန်​များ​၊ တဲ​များ​နှင့်တကွ ချီတက်​လာ​ကြ​၏​။ ကျိုင်းကောင်အုပ်ကြီး​သဖွယ် ချီလာ​၍ အစ္စရေး​ပြည်​ကို ဖျက်ဆီး​ကြ​၏​။ သူ​တို့​နှင့် သူ​တို့​၏​ကုလားအုတ်​များ​လည်း မ​ရေတွက်​နိုင်​အောင် များပြား​လှ​၏​။

၁ ရာ 13:5

ဖိလိတ္တိ​လူမျိုး​တို့​သည်​လည်း အစ္စရေး​လူမျိုး​တို့​ကို ပြန်လည်​တိုက်ခိုက်​ရန် စုဝေး​ကြ​ပြီးလျှင် စစ်ရထား​သုံးသောင်း​၊ မြင်းစီးသူရဲ​ခြောက်​ထောင်​၊ ပင်လယ်​ကမ်းခြေ​ရှိ​သဲလုံး​နှင့်အမျှ​များပြား​သော​စစ်သည်​တို့​နှင့်တကွ ချီတက်​လာ​၍ ဗေသဝင်​မြို့​အရှေ့ဘက် မိတ်မတ်​မြို့​၌ စခန်းချ​ကြ​၏​။