ဟေ​ရှာ​ယ 6:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထာဝရဘုရား​သည် လူ​တို့​ကို​ဝေး​ရာ​သို့ နှင်ထုတ်​တော်မူ​၍ ပြည်​ထဲ​၌ စွန့်ခွာ​ထား​သော​နေရာ​များ​သာ​ကျန်ရှိ​သည့်​တိုင်အောင် ဖြစ်​၏​။

Common Language Bible

¹² ငါ​သည်​လူ​တို့​အား​တစ်​ပါး​အ​ရပ်​သို့​ပြောင်း​ရွှေ့​စေ​၍ ထို​ပြည်​ကို​လူ​သူ​ဆိတ်​ငြိမ်​ရာ​ဖြစ်​စေ​မည်။-

Garrad Bible

¹² လူ တို့ ကို ငါ ထာ ဝ ရ ဘု ရား ကွာ ဝေး စေ၍ နေ ပြည် အ တွင်း က ထွက် ခွာ ရာ များ သည့် တိုင် အောင် တည်း။

Judson Bible

¹² ထာ​ဝ​ရ​ဘု​ရား​သည် လူ​တို့​ကို ဝေး​သော​အ​ရပ်​သို့ ပြောင်း​စေ​တော်​မူ၍၊ ပြည်​ထဲ​မှာ များ​စွာ​သော​စွန့်​ပစ်​ခြင်း ရှိ​သည်​တိုင်​အောင်​လည်း​ကောင်း၊ ထို​ကာ​လ​သည်​ကြာ​လိမ့်​မည်။

ဟေ​ရှာ​ယ 6:12 ပူးပေါင်းရင်းမြစ်များ

၄ ရာ 25:11

ထို့နောက် ကိုယ်ရံတော်မှူး​နေဗုဇာရဒန်​သည် မြို့​ထဲ၌​ကြွင်းကျန်​သော​သူ​များ​၊ ဘေဘီလုံ​ဘုရင်​ထံ ခိုလှုံလာ​သူ​များ​နှင့် ကျန်ရှိ​သော​ပြည်သူပြည်သား​တို့​ကို ဖမ်းခေါ်​သွား​လေ​၏​။

၄ ရာ 25:21

ဘေဘီလုံ​ဘုရင်​သည် ထို​သူ​တို့​ကို ဟာမတ်​ပြည်​၊ ရိဗလ​မြို့​တွင် ဒဏ်ခတ်​ကွပ်မျက်​လေ​၏​။ ဤသို့ဖြင့် ယုဒ​လူမျိုး​တို့​သည် နေရင်းပြည်​မှ ဖမ်းခေါ်​သွား​ခြင်း​ခံရ​လေ​၏​။

ဟေ​ရှာ​ယ 13:12

လူ​ကို ရွှေစင်​ထက်​၊ လူသား​ကို ဩဖိရ​ရွှေ​ထက် ငါ​ရှားပါး​စေ​မည်​။

ဟေ​ရှာ​ယ 26:15

ကိုယ်တော်​သည် လူမျိုး​တော်​ကို တိုးပွား​စေ​တော်မူ​ပြီ​။ အို ထာဝရဘုရား​၊ ကိုယ်တော်​သည် လူမျိုး​တော်​ကို တိုးပွား​စေ​ခြင်း​ဖြင့် ဘုန်း​တော်​ကို​ထင်ရှား​စေ​တော်မူ​ပြီ​။ ပြည်​တော်​၏​နယ်နိမိတ်​အားလုံး​ကို ပို၍​ကျယ်ဝန်း​စေ​တော်မူ​ပြီ​။

ဟေ​ရှာ​ယ 5:9

ကောင်းကင်​ဗိုလ်ခြေ​အရှင်​ထာဝရဘုရား​က “​အကယ်စင်စစ် အိမ်​များစွာ​တို့​သည် လူသူကင်းမဲ့​လိမ့်မည်​၊ ကြီးမား​ထည်ဝါ​သော​အိမ်​တို့​သည် နေထိုင်​သူ​ကင်းမဲ့​လိမ့်မည်​”​ဟူ၍ မိန့်​တော်မူ​သည်​ကို ငါ​ကြား​ရ​၏​။

ယေ​ရ​မိ 12:7

ငါ့​အိမ်​ကို ငါ​စွန့်ပစ်​ပြီ​။ ငါ့​အမွေ​ကို​လည်း ငါ​ပစ်ထား​ပြီ​။ ငါ့​အသက်တမျှ​ချစ်​ရ​သော​သူ​ကို ရန်သူ​လက်​သို့ ငါ​အပ်​လိုက်​ပြီ​။

ယေ​ရ​မိ 15:4

ဂျေရုဆလင်​မြို့​၌ ဟေဇကိ​၏​သား​၊ ယုဒ​ဘုရင်​မနာရှေ​ပြု​ခဲ့​သော​အမှု​ကြောင့် ငါ​သည် သူ​တို့​အား မြေကြီး​ပေါ်ရှိ​တိုင်းနိုင်ငံ​အားလုံး​အတွက် ထိတ်လန့်စရာ​ဖြစ်​စေ​မည်​။

ယေ​ရ​မိ 4:29

မြင်းသည်တော်​၊ လေးသည်တော်​တို့​၏​အသံ​ကြောင့် မြို့သား​အားလုံး ထွက်ပြေး​ကြ​၏​။ သူ​တို့​သည် တောနက်​ထဲသို့​ဝင်​၍ ကျောက်ဆောင်​များ​ပေါ်သို့​တက်​ကြ​၏​။ မြို့​ရှိသမျှ​တို့​သည် စွန့်ပစ်​ခြင်း​ကို​ခံရ​၍ နေထိုင်​သူ​တစ်ယောက်​မျှ​မ​ရှိ​ပေ​။

ယေ​ရ​မိ 52:27

ဘေဘီလုံ​ဘုရင်​သည် ထို​သူ​တို့​ကို ဟာမတ်​ပြည်​၊ ရိဗလ​မြို့​တွင် ဒဏ်ခတ်​ကွပ်မျက်​လေ​၏​။ ဤသို့ဖြင့် ယုဒ​လူမျိုး​တို့​သည် နေရင်းပြည်​မှ ဖမ်းခေါ်​သွား​ခြင်း​ခံရ​လေ​၏​။

မြည်​တမ်း​စ​ကား 5:20

အကျွန်ုပ်​တို့​ကို အဘယ်ကြောင့် အစဉ်​မေ့လျော့​တော်မူ​ပါ​သနည်း​။ အဘယ်ကြောင့် အချိန်​ကြာမြင့်​စွာ စွန့်ပစ်​တော်မူ​ပါ​သနည်း​။

ဇေဖနိ 1:3

“လူ​အပါအဝင် တိရစ္ဆာန်​တို့​ကို ဖျက်ဆီး​ပစ်​မည်​။ မိုးကောင်းကင်​ငှက်​နှင့် ပင်လယ်​ငါး​တို့​အပါအဝင် တိုက်မိ​၍​လဲ​စေ​မည့်​အရာ​များ​ကို ဆိုးယုတ်​သော​သူ​တို့​နှင့်အတူ ဖျက်ဆီး​ပစ်​မည်​။ ကမ္ဘာမြေ​ပေါ်​ရှိ​လူ​တို့​ကို အမျိုးပြုတ်​စေ​မည်”​ဟု ထာဝရဘုရား​မိန့်​တော်မူ​၏​။

ရော​မ 11:15

အကြောင်းမူကား သူ​တို့​ပစ်ပယ်​ခံရ​ခြင်း​သည် လောကီသား​တို့​အတွက် ပြန်လည်​သင့်မြတ်​ခြင်း​အခွင့်​ဖြစ်​လျှင် သူ​တို့​ကို ပြန်​၍​လက်ခံ​ခြင်း​သည် သေလွန်​သော​သူ​တို့​အသက်​ပြန်ရှင်​ခြင်း​ဖြစ်​လိမ့်မည်​မ​ဟုတ်​လော။

တ​ရား​ဟော 28:64

ထာဝရဘုရား​သည် သင့်​ကို မြေကြီး​တစ်ဖက်စွန်း​မှ တစ်ဖက်စွန်း​တိုင်အောင် လူမျိုး​တကာ​တို့​အလယ်​သို့ ကွဲလွင့်​စေ​တော်မူ​မည်​။ သင်​သည် ထို​အရပ်​တို့​၌ သင်​မ​သိ​၊ သင့်​ဘိုးဘေး​တို့​လည်း​မ​သိ​သော အခြား​ဘုရား​များ​ဖြစ်​သည့် သစ်သား​ဘုရား​၊ ကျောက်​ဘုရား​တို့​ကို​ဝတ်ပြု​ရ​လိမ့်မည်​။