ဟေ​ရှာ​ယ 3:26 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁶ ဇိအုန်​မြို့​တံခါး​တို့​သည် ညည်းတွား​၍ ငိုကြွေးမြည်တမ်း​ကြ​လိမ့်မည်​။ ဇိအုန်​မြို့​သည် လူသူကင်းမဲ့​လိမ့်မည်​။ မြေကြီး​ပေါ်​ထိုင်​ရ​လိမ့်မည်​။

Common Language Bible

²⁶ မြို့​တံ​ခါး​များ​သည်​ငို​ကြွေး​မြည်​တမ်း​လျက် မြို့​ကြီး​သည်​လည်း အ​ဝတ်​အ​ချည်း​စည်း​နှင့် မြေ​ပေါ်​တွင်​ထိုင်​လျက်​နေ​သည့်​မိန်း​မ​နှင့် တူ​လိမ့်​မည်။

Garrad Bible

²⁶ မြို့ တံ ခါး များ သည် ငို ကြွေး မြည် တမ်း ရာ၊ မြို့ လည်း လူ ဆိတ် ညံ၍၊ မြေ ပေါ် တွင် ထိုင် ဖွယ် ရာ ရောက် လ တ္တံ့။

Judson Bible

²⁶ သူ၏​တံ​ခါး​တို့​သည် ငို​ကြွေး​မြည်​တမ်း၍၊

ဟေ​ရှာ​ယ 3:26 ပူးပေါင်းရင်းမြစ်များ

ယောဘဝတ္တု။ 2:13

သူ​တို့​သည် ယောဘ​ခံစား​ရ​သော​ဝေဒနာ​အလွန်​ပြင်းထန်​သည်​ကို မြင်​သဖြင့် မည်သူ​မျှ​စကား​မ​ပြော​ဘဲ သူ​နှင့်အတူ​မြေ​ပေါ်တွင် ခုနစ်​ရက်​ခုနစ်​ည​ထိုင်​နေ​လေ​၏​။

ယောဘဝတ္တု။ 2:8

ယောဘ​သည် အိုးခြမ်းပဲ့​တစ်​ခု​ကို​ယူ​၍ ပြာ​ထဲ​တွင် ထိုင်​လျက် မိမိကိုယ်ကို​ကုတ်ခြစ်​နေ​ရ​လေ​၏​။

ဟေ​ရှာ​ယ 14:31

အို မြို့​တံခါး​၊ ညည်းတွားငိုကြွေး​လော့​။ အို မြို့​၊ အော်ဟစ်​လော့​။ မြောက်အရပ်​မှ​မီးခိုး​ထွက်လာ​၏​။ စစ်သည်​အလုံးအရင်း​တွင် တစ်ယောက်တည်း​ကွဲထွက်​သွား​သော​သူ​မ​ရှိ​။ ထို့ကြောင့် ဖိလိတ္တိ​ပြည်သား​အပေါင်း​တို့​သည် စိတ်အားလျော့​ကြ​၏​။

ဟေ​ရှာ​ယ 29:2

သို့သော် ငါ​သည် အရေလ​မြို့​ကို အကျပ်အတည်း​ထဲသို့​ရောက်​စေ​မည်​။ ထို​မြို့​၌ ဝမ်းနည်း​ခြင်း​၊ မြည်တမ်း​ခြင်း ရှိ​လိမ့်မည်​။ ထို​မြို့​သည် ငါ့​အဖို့ အရေလ​ကဲ့သို့ ဖြစ်​မည်​။

ဟေ​ရှာ​ယ 32:14

အကြောင်းမူကား နန်းတော်​သည် စွန့်ထား​ခြင်း​ခံရ​၍ လူ​စည်ကား​သော​မြို့​သည် စွန့်ခွာ​ခြင်း​ခံရ​မည်​။ ရဲတိုက်​၊ ကင်းစောင့်မျှော်စင်​တို့​သည် သားရဲ​တို့​အစဉ်​ခိုအောင်းရာ ဖြစ်သွား​လိမ့်မည်​။ မြည်းရိုင်း​များ​နေပျော်​ရာ​၊ တိရစ္ဆာန်​တို့​ကျက်စား​ရာ ဖြစ်​လိမ့်မည်​။

ဟေ​ရှာ​ယ 33:9

တိုင်းပြည်​သည် ငိုကြွေးမြည်တမ်း​၍ အားလျော့​လေ​ပြီ​။ လက်ဘနွန်​တောင်​သည် အရှက်ရ​၍ ညှိုးနွမ်း​လေ​ပြီ​။ ရှာရုန်​အရပ်​သည် အရာဗ​လွင်ပြင်​နှင့်​တူ​လေ​ပြီ​။ ဗာရှန်​တောင်​၊ ကရမေလ​တောင်​သည် မိမိ​တို့​အရွက်​များ​ကို​ခါချ​ပြီ​။

ဟေ​ရှာ​ယ 47:1

အို ဘေဘီလုံ​သမီး​ပျို​၊ မြေမှုန့်​ပေါ်တွင် ဆင်း​ထိုင်​လော့​။ အို ခါလဒဲ​သမီး​၊ ရာဇပလ္လင်​ပေါ်​မ​ဟုတ်​၊ မြေကြီး​ပေါ်တွင် ထိုင်​လော့​။ သင့်​ကို နူးညံ့​သိမ်မွေ့​သော​သူ​ဟု ခေါ်​တော့​မည်​မ​ဟုတ်​။

ဟေ​ရှာ​ယ 6:11

ထိုအခါ ငါ​က “​အို ဘုရားရှင်​၊ မည်မျှ​ကြာ​ပါ​မည်နည်း​”​ဟု မေးလျှောက်​ရာ ကိုယ်တော်​က “​မြို့​တို့​သည်​ပျက်စီး​၍ နေထိုင်​သူ​မ​ရှိ​၊ အိမ်​တို့​တွင် လူ​မ​ရှိ​၊ တစ်ပြည်လုံး​သည် ပျက်စီး​၍ လူသူကင်းမဲ့​သည့်​တိုင်အောင်​၊

ယေ​ရ​မိ 14:2

ယုဒ​ပြည် ငိုကြွေးမြည်တမ်း​လေ​ပြီ​။ မြို့​တံခါး​တို့​လည်း အားလျော့​ကြ​ပြီ​။ မြေကြီး​ပေါ်တွင် ဝမ်းနည်း​ပူဆွေး​ကြ​လေ​ပြီ​။ ဂျေရုဆလင်​မြို့​၏​အော်ဟစ်ငိုကြွေးသံ​သည် ထွက်ပေါ်​လာ​ပြီ​။

ယေ​ရ​မိ 15:8

မုဆိုးမ​တို့​သည် သမုဒ္ဒရာ​သဲလုံး​ထက်မက များပြား​လိမ့်မည်​။ မွန်းတည့်ချိန်​၌ပင် သား​လူပျို​ရှိ​သော​အမိ​တို့​ထံ အဖျက်သမား​ကို ငါ​စေလွှတ်​မည်​။ သူ​တို့​အပေါ် ထိတ်လန့်​ခြင်း​၊ နာကျင်​ခြင်း​ကို ရုတ်တရက် ကျရောက်​စေ​မည်​”​ဟု မိန့်​တော်မူ​၏​။

မြည်​တမ်း​စ​ကား 1:1

လူ​စည်ကား​ခဲ့​သော​မြို့​ကြီး အထီးကျန်​နေ​ပါ​ပြီ​တကား​။ တိုင်းနိုင်ငံ​တို့​၏ အထွတ်​ရောက်​ခဲ့​ဖူး​သော​မြို့​ကြီး မုဆိုးမ​ဘဝ​သို့​ရောက်​ရ​ပါ​ပြီ​တကား​။ ပြည်တကာ​တို့​၏​ဘုရင်မကြီး အစေခံ​ဘဝ​သို့​ရောက်​ရ​ပါ​ပြီ​တကား​။

မြည်​တမ်း​စ​ကား 1:4

ပွဲတော်​သို့​လာ​သော​သူ​မ​ရှိ​တော့​ပြီ​ဖြစ်၍ ဇိအုန်​မြို့​လမ်း​တို့ ငိုကြွေးမြည်တမ်း​ကြ​လေ​ပြီ​။ မြို့​တံခါး​အားလုံး ဆိတ်ညံ​လေ​ပြီ​။ ယဇ်ပုရောဟိတ်​တို့​လည်း ညည်းတွား​ကြ​လေ​ပြီ​။ အပျိုကညာ​တို့​လည်း ဝမ်းနည်းကြေကွဲ​လျက် ခါးသီး​စွာ​ခံစား​နေ​ကြ​ရ​လေ​ပြီ​။

မြည်​တမ်း​စ​ကား 2:10

ဇိအုန်​သမီးပျို​၏​သက်ကြီးဝါကြီး​တို့​သည် လျှော်တေအဝတ်​ကို​ဝတ်​လျက်​၊ မြေကြီး​ပေါ်၌ တိတ်ဆိတ်​စွာ​ထိုင်​လျက်​၊ မိမိ​တို့​ခေါင်း​ပေါ်သို့ မြေမှုန့်​ကို​ပစ်တင်​ကြ​ပြီ​။ ဂျေရုဆလင်​အပျိုကညာ​တို့​သည် မြေကြီး​သို့ ခေါင်း​ငိုက်စိုက်ကျ​လေ​ပြီ​။

မြည်​တမ်း​စ​ကား 2:8

ထာဝရဘုရား​သည် ဇိအုန်​သမီးပျို​၏​မြို့ရိုး​ကို ဖျက်ဆီး​မည်​ဟု ကြံရွယ်​တော်မူ​ပြီ​။ မျဉ်းကြိုး​ကို​ချ​ပြီး လက်​တော်​ကို​ဆန့်​လျက် ဖျက်ဆီး​တော်မူ​ပြီ​။ တံတိုင်း​နှင့်​မြို့ရိုး​တို့​အား ငိုကြွေးမြည်တမ်း​စေ​တော်မူ​ပြီ​။ အားလုံး​ပြိုကျပျက်စီး​လေ​ပြီ​။

ယေ​ဇ​ကျေ​လ 12:20

လူ​နေရာ​မြို့​တို့​သည် တိတ်ဆိတ်​သွား​လိမ့်မည်​။ ပြည်​သည် လူသူကင်းမဲ့​သွား​လိမ့်မည်​။ ထိုအခါ ငါ​သည် ထာဝရဘုရား​ဖြစ်ကြောင်း သင်​တို့​သိ​ကြ​မည်​ဟု မိန့်​တော်မူ​၏’​ဟူ၍ ဆင့်ဆို​လော့”​ဟု မိန့်ဆို​၏​။

ယေ​ဇ​ကျေ​လ 26:16

ထိုအခါ ပင်လယ်​မင်း​အပေါင်း​တို့​သည် ရာဇပလ္လင်​ပေါ်​မှ​ဆင်း​၍ ဝတ်လုံ​များ​၊ ပိုးဖဲကတ္တီပါ​အဝတ်​များ​ကို ချွတ်ပစ်​ကြ​လိမ့်မည်​။ ကြောက်ရွံ့​ခြင်း​တန်ဆာ​ကို ဝတ်ဆင်​ကြ​လိမ့်မည်​။ မြေ​ပေါ်မှာ​ထိုင်​လျက်​၊ တုန်လှုပ်​လျက် သင့်​ကို အံ့ဩ​ကြ​လိမ့်မည်​။

မိက္ခာ 1:9

အကြောင်းမူကား မပျောက်ကင်း​နိုင်​သော ရှမာရိ​မြို့​၏​ဒဏ်ရာ​များ​သည် ယုဒ​ပြည်​အထိ ရောက်​လေ​ပြီ​။ ဂျေရုဆလင်​မြို့​ရှိ အကျွန်ုပ်​လူမျိုး​၏​မြို့​တံခါး​သို့ ရောက်​လေ​ပြီ​။

မဿဲ 11:17

‘ငါ​တို့​သည် သင်​တို့​အတွက် ပလွေ​မှုတ်​ပေး​သော်လည်း သင်​တို့​သည် မ​က​ကြ။ ငိုချင်း​ကို​ဖွဲ့နွဲ့​သီဆို​သော်လည်း သင်​တို့​သည် မ​မြည်တမ်း​ကြ’​ဟု လှမ်း​၍​ပြောဆို​နေ​ကြ​သော ကလေး​သူငယ်​များ​နှင့်​တူ​၏။

လုကာ 19:44

သင်​မှစ၍ သင့်​အထဲ၌​ရှိ​သော သင်​၏​သားသမီး​တို့​ကို မြေ​နှင့်​တစ်ညီ​တည်း​ဖြစ်​စေ​သဖြင့် သင့်​အထဲတွင် ကျောက်တုံး​တစ်​တုံး​ကို​မျှ အခြား​ကျောက်တုံး​တစ်​တုံး​ပေါ်၌​မ​ကျန်ရစ်​စေ​မည့် အချိန်​ကာလ​သည် ရောက်လာ​လိမ့်မည်။ အဘယ်ကြောင့်​ဆိုသော် သင့်​ထံ အကြည့်အရှု​ကြွလာ​တော်မူ​သော​အချိန်​ကို သင်​မ​သိ​သောကြောင့်​ဖြစ်​၏”​ဟု မိန့်​တော်မူ​၏။