ဟေ​ရှာ​ယ 13:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ကြည့်ရှု​လော့​။ ထာဝရဘုရား​၏​နေ့ရက်​သည် ပြင်းထန်​သော​အမျက်​ဒေါသ​ဖြင့် ရက်စက်ကြမ်းတမ်း​စွာ​လာ​နေ​ပြီ​။ ကမ္ဘာမြေကြီး​ကို လူသူကင်းမဲ့​ရာ​ဖြစ်​စေ​မည်​။ မြေပြင်​ပေါ်မှ​အပြစ်သား​တို့​ကို သုတ်သင်ပယ်ရှင်း​တော်မူ​မည်​။

Common Language Bible

⁹ သ​နား​ညှာ​တာ​မှု​ကင်း​မဲ့​သည့်​ဒေါ​သ​အ​မျက် တော်​ဒဏ်​ကို​ခံ​ရ​ကြ​မည့်​နေ​ရက်​ကာ​လ​တည်း ဟူ​သော ထာ​ဝ​ရ​ဘု​ရား​တ​ရား​စီ​ရင်​တော်​မူ ရာ​နေ့​ရက်​ကာ​လ​ကျ​ရောက်​လာ​လိမ့်​မည်။ ကမ္ဘာ မြေ​ကြီး​သည်​လူ​သူ​ဆိတ်​ညံ​ရာ​ဖြစ်​လျက် နေ​လိမ့်​မည်။ အ​ပြစ်​ကူး​လွန်​သူ​မှန်​သ​မျှ သည်​လည်း​သုတ်​သင်​ပယ်​ရှင်း​ခြင်း​ကို​ခံ ရကြ​လိမ့်​မည်။-

Garrad Bible

⁹ ထာ ဝ ရ ဘု ရား ၏ နေ့ ရက် တော် သည်၊ တစ် ပြည် လုံး ဆိတ် ညံ ရာ ဖြစ် စေ ရန် လည်း‌ ကောင်း၊ အ ပြစ် သား တို့ ကို သုတ် သင် ပယ် ရှင်း ရန် လည်း‌ ကောင်း၊ အ မျက် ဒေါ သ အ ရှိန် နှင့် တ ကွ ကြမ်း တမ်း စွာ သင့် ရောက် တော့ မည်။

Judson Bible

⁹ ထို​ပြည်​ကို ဖျက်​ဆီး၍၊ အ​ပြစ်​ကြီး​သော ပြည်​သူ​ပြည်​သား​တို့​ကို သုတ်​သင်​ပယ်​ရှင်း​ခြင်း​ငှာ၊ ထာ​ဝ​ရ​ဘု​ရား၏ ကြမ်း​ကြုတ်​သော နေ့​ရက်​သည် ပြင်း​ထန်​သော​ဒေါ​သ အ​မျက်​ထွက်​လျက်​လာ​လိမ့်​မည်။

ဟေ​ရှာ​ယ 13:9 ပူးပေါင်းရင်းမြစ်များ

ဆာ​လံ 104:35

အပြစ်သား​တို့​သည် ကမ္ဘာမြေကြီး​ပေါ်မှ ပျောက်ကွယ်​သွား​ကြ​ပါစေသော​။ ဆိုးယုတ်​သော​သူ​တို့​သည်​လည်း ဆက်၍​မ​ရှိ​ကြ​ပါစေ​နှင့်​။ အို ငါ​၏​စိတ်ဝိညာဉ်​၊ ထာဝရဘုရား​ကို ကောင်းချီးထောမနာ​ပြု​လော့​။ ဟာလေလုယ​။

သုတ္တံကျမ်း။ 2:22

ဆိုးယုတ်​သော​သူ​တို့​မူကား ပြည်​တော်​မှ ဖယ်ရှား​ခြင်း​ခံရ​၍ သစ္စာမဲ့​သော​သူ​တို့​သည် ထို​ပြည်​မှ​နုတ်ပယ်​ခြင်း​ခံရ​လိမ့်မည်​။

ဟေ​ရှာ​ယ 13:6

ညည်းတွားငိုကြွေး​ကြ​လော့​။ ထာဝရဘုရား​၏​နေ့ရက်​သည် ရောက်​လု​နီး​ပြီ​။ ထို​နေ့ရက်​သည် အနန္တတန်ခိုးရှင်​ထံမှ​ဖျက်ဆီး​ခြင်း​ဘေး​ကဲ့သို့ ရောက်လာ​မည်​။

ဟေ​ရှာ​ယ 2:12

အကယ်စင်စစ် ကောင်းကင်​ဗိုလ်ခြေ​အရှင်​ထာဝရဘုရား​၌ နေ့ရက်​တစ်​ရက်​ရှိ​၏​။ ထို​နေ့ရက်​၌ မောက်မာ​ထောင်လွှား​သော​သူ​၊ ကိုယ့်ကိုယ်ကိုယ်​ချီးမြှောက်​သော​သူ​အပေါင်း​တို့​၏​မာန်စွယ်​ကို ချိုး​တော်မူ​မည်​။

ဟေ​ရှာ​ယ 34:8

ထာဝရဘုရား​၌ လက်စားချေ​ရာ​နေ့​၊ ဇိအုန်​မြို့​ကို ရန်ပြု​သော​သူ​ကို ဒဏ်ပေး​သော​နှစ် ရှိ​၏​။

ဟေ​ရှာ​ယ 63:4

လက်တုံ့ပြန်​ရာ​နေ့​ကို ငါ့​စိတ်​ထဲ၌​မှတ်ထား​၏​။ ငါ​ရွေးနုတ်​ရာ​နှစ်​သည် ရောက်လာ​ပြီ​။

ဟေ​ရှာ​ယ 66:17

ထာဝရဘုရား​က “​ဥယျာဉ်​ထဲသို့​သွား​ရန် မိမိကိုယ်မိမိ သန့်ရှင်း​စင်ကြယ်​စေ​ပြီး တစ်ယောက်ယောက်​နောက်သို့​လိုက်သွား​သော​သူ​နှင့် ဝက်​သား​၊ ကြွက်သား စသည့် ရွံရှာဖွယ်​တို့​ကို​စား​သော​သူ​တို့​သည် အတူတကွ​ပျက်စီး​ရ​လိမ့်မည်​”​ဟု မိန့်​တော်မူ​၏​။

ဟေ​ရှာ​ယ 9:19

ကောင်းကင်​ဗိုလ်ခြေ​အရှင်​ထာဝရဘုရား​၏​အမျက်​တော်​ကြောင့် ပြည်​သည် မီးသင့်​၍ လူ​တို့​သည် လောင်စာ​ကဲ့သို့​ဖြစ်​ကြ​လိမ့်မည်​။ မည်သူမျှ မိမိ​ညီအစ်ကို​ကို မ​သနား​။

ယေ​ဇ​ကျေ​လ 13:5

သူ​တို့​သည် ပြိုပျက်​နေ​သော​မြို့ရိုး​ကို မ​ပြုပြင်​ကြ​။ ထို့ကြောင့် ထာဝရဘုရား​၏​နေ့ရက်​တွင် အစ္စရေး​အမျိုးအနွယ်​တို့​သည် တိုက်ပွဲ​ကို ခုခံ​နိုင်​မည်​မ​ဟုတ်​။

ယေ​ဇ​ကျေ​လ 30:3

နေ့ရက်​အချိန် နီးလာ​ပြီ​။ စင်စစ် ထာဝရဘုရား​၏​နေ့ နီးလာ​ပြီ​။ ထို​နေ့​သည် မိုးတိမ်​ထူထပ်​သော​နေ့​၊ လူမျိုးတကာ​တို့​ပျက်စီး​ရာ​နေ့ ဖြစ်​လိမ့်မည်​။

ယော​လ 1:15

အလို​၊ ထာဝရဘုရား​၏​နေ့ရက်​ပါတကား​။ ထို​နေ့ရက် ရောက်လု​နီး​ပြီ​။ ထို​နေ့ရက်​သည် အနန္တတန်ခိုးရှင်​ထံ​တော်​မှ​ဖျက်ဆီး​ခြင်း​ဘေး​ကဲ့သို့ ရောက်လာ​လိမ့်မည်​။

ယော​လ 2:1

ဇိအုန်​တောင်​ပေါ်တွင် တံပိုး​မှုတ်​ကြ​လော့​။ ငါ​၏​သန့်ရှင်း​ရာ​တောင်​တော်​ပေါ်တွင် သတိပေးသံပြု​ကြ​လော့​။ ထာဝရဘုရား​၏​နေ့ရက်​သည် လာ​နေ​ပြီ​၊ အမှန်ပင် ရောက်​လု​နီး​ပြီ​ဖြစ်​သောကြောင့် ပြည်သူပြည်သား​အပေါင်း​တို့​၊ ထိတ်လန့်တုန်လှုပ်​ကြ​လော့​။

ယော​လ 2:31

ကြောက်မက်​ဖွယ်​ကောင်း​သော ထာဝရဘုရား​၏​နေ့ရက်​ကြီး​မ​ရောက်​မီ နေ​သည် မှောင်မိုက်​၍ လ​သည် သွေး​ဖြစ်​လိမ့်မည်​။

နာ​ဟုံ 1:2

ထာဝရဘုရား​သည် သဝန်တို​သော​ဘုရား​၊ လက်တုံ့ပြန်​သော​ဘုရား ဖြစ်​တော်မူ​၏​။ ထာဝရဘုရား​သည် လက်တုံ့ပြန်​၏​။ အမျက်​တော်​လည်း ပြင်းထန်​၏​။ ထာဝရဘုရား​သည် ရန်သူ​တို့​ကို လက်တုံ့ပြန်​၏​။ ရန်သူ​တို့​အတွက် အမျက်​တော်​သို​ထား​တော်မူ​၏​။

နာ​ဟုံ 1:6

ကိုယ်တော်​၏​အမျက်​တော်​ရှေ့​၌ မည်သူ​ရပ်​နိုင်​မည်နည်း​။ ကိုယ်တော်​၏​ပြင်းစွာ​သော​အမျက်​တော်​ကို မည်သူ​ကြံ့ကြံ့​ခံနိုင်​မည်နည်း​။ အမျက်​တော်​ကို မီး​ကဲ့သို့​သွန်ချ​တော်မူ​လျှင် ရှေ့​တော်​၌ ကျောက်ဆောင်​များ ပြိုကျ​ကုန်​ပါ​၏​။

နာ​ဟုံ 1:8

သို့သော် နိနေဝေ​မြို့​ကို ရေလွှမ်းမိုး​သုတ်သင်ဖျက်ဆီး​တော်မူ​မည်​။ မိမိ​ရန်သူ​တို့​၏​နောက်​သို့ အမှောင်ထု​ကြီး​လိုက်​စေ​မည်​။

ဇေဖနိ 1:15

ထို​နေ့ရက်​သည် အမျက်​တော်​ကျရောက်​သော​နေ့​၊ ဆင်းရဲဒုက္ခ​ကြောင့် ပူပင်သောက​ရောက်​ရ​သော​နေ့​၊ ပျက်စီး​ဆိတ်သုဉ်း​သော​နေ့​၊ အလင်းမဲ့​၍​အမှောင်​ကျ​သော​နေ့​၊ တိမ်​များ​ဖြင့် အမှောင်ထု​ဖုံးအုပ်​သော​နေ့​၊

ဇာ​ခ​ရိ 14:1

ကြည့်ရှု​လော့​။ ထာဝရဘုရား​၏​နေ့ရက်​ရောက်လာ​ပြီ​။ ထို​နေ့​တွင် သင်​တိုက်ခိုက်လုယူ​ထား​သော​ပစ္စည်း​တို့​ကို သင့်​ရှေ့​၌​ပင် ခွဲဝေ​ယူ​ကြ​လိမ့်မည်​။

မာ​လ​ခိ 4:1

“ကြည့်ရှု​လော့​။ မီးဖို​မှ​မီးတောက်လောင်​သကဲ့သို့ မီးတောက်လောင်​သော​နေ့ရက်​ရောက်လာ​၍ မာနထောင်လွှား​သော​သူ​အပေါင်း​တို့​နှင့် ဆိုးယုတ်​သော​သူ​အပေါင်း​တို့​သည် ရိုးပြတ်​ကဲ့သို့ လောင်ကျွမ်း​ခြင်း​ခံရ​မည်​။ ရောက်လာ​မည့်​ထို​နေ့ရက်​သည် သူ​တို့​ကို အကိုင်းအခက်​မှစ၍ အမြစ်​ပါ​မ​ကျန် လောင်ကျွမ်း​လိမ့်မည်”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

ဗျာ​ဒိတ် 18:8

ထို့ကြောင့် သူ​ခံရ​မည့်​ဘေးဒဏ်​များ​ဖြစ်​သော သေ​ခြင်း၊ ဝမ်းနည်း​ကြေကွဲ​ခြင်း​နှင့် ငတ်မွတ်​ခေါင်းပါး​ခြင်း​တို့​သည် တစ်​ရက်​အတွင်း သူ့​အပေါ်​ကျရောက်​ပြီး သူ​သည် မီး​ဖြင့်​လောင်ကျွမ်း​ခြင်း​ခံရ​လိမ့်မည်။ အကြောင်းမူကား သူ့​ကို​စီရင်​တော်မူ​သော ထာဝရ​အရှင်​ဘုရားသခင်​သည် ခွန်အား​နှင့်​ပြည့်စုံ​တော်မူ​၏။