သူ​ကြီး 8:26 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁶ ဂိဒေါင်​ရရှိ​သော​ရွှေ​နားကွင်း​၏​အလေးချိန်​မှာ ရွှေ​တစ်ထောင့်​ခုနစ်​ရာ​ရှယ်ကယ် ဖြစ်​၏​။ ထို့ပြင် မိဒျန်​ဘုရင်​တို့​ထံမှ လခြမ်းသဏ္ဌာန်တန်ဆာ​၊ ဆွဲသီး​၊ ခရမ်းရောင်​အဝတ်​တို့​မှစ၍ သူ​တို့​ကုလားအုတ်​၏​လည်ပင်း​၌​ဆွဲ​ထား​သော လည်ပတ်ကြိုး​များ​လည်း ရ​သေး​၏​။

Common Language Bible

²⁶ မိဒျန်​ဘု​ရင်​တို့​ဝတ်​ဆင်​ထား​သည့်​တန်​ဆာ များ၊ လည်​ဆွဲ​များ၊ နီ​မောင်း​သော​အ​ဝတ်​နှင့် ကု​လား​အုတ်​လည်​ပတ်​ကြိုး​များ​အ​ပြင်၊ ဂိ ဒေါင်​ရ​ရှိ​သည့်​ရွှေ​နား​ကွင်း​များ​၏​အ​လေး ချိန်​မှာ​ပေါင်​လေး​ဆယ်​ကျော်​ရှိ​သ​တည်း။

Garrad Bible

²⁶ ဂိ ဒေါင် ရ သော ရွှေ နား တောင်း များ၏ အ ချိန် ကား၊ မိ ဒျန် ဘု ရင် တို့ ဆင် ယင် သော လည် ဆွဲ၊ နှာ ဆွဲ၊ နီ မောင်း သော ဝတ် လုံ၊ ကု လား အုပ်၊ ကုပ် တင် တန် ဆာ များ အ လွတ်၊ ဆယ့် ခု နစ် ပိ သာ ရှိ သ တည်း။

Judson Bible

²⁶ ဂိ​ဒေါင်​တောင်း​သော ရွှေ​နား​တောင်း​များ​အ​ချိန်​ကား၊ အ​ခွက်​တစ်​ဆယ်​ခု​နစ်​ပိဿာ ရှိ၏။ ထို​မှ​တစ်​ပါး၊ မိ​ဒျန်​မင်း​ကြီး ဝတ်​ဆင်​သော​တန်​ဆာ၊ လည်​ဆွဲ၊ နီ​မောင်း​သော​အ​ဝတ်၊ ကု​လား​အုတ်​လည်​ကြိုး​များ​ကို ရ​သေး၏။

သူ​ကြီး 8:26 ပူးပေါင်းရင်းမြစ်များ

ဧ​သ​တာ 8:15

မော်ဒကဲ​သည် အပြာရောင်​နှင့်​အဖြူရောင်​ချည်ချောထည် မင်းအဝတ်တန်ဆာ​ဝတ်ဆင်​၍ ရွှေသရဖူ​ကြီးကို​ဆောင်း​လျက်​၊ ခရမ်းရောင်​ပိတ်ချော​ဝတ်လုံ​ကို​ခြုံ​လျက် ဘုရင့်​ထံမှ​ထွက်လာ​သောအခါ ရှုရှန်​နန်းတော်​တစ်ခုလုံး ဝမ်းမြောက်​စွာ ကြွေးကြော်​ကြ​လေ​၏​။

သုတ္တံကျမ်း။ 31:22

သူ​သည် မိမိ​အတွက် အိပ်ရာခင်း​များ​ကို​ပြုလုပ်​၍ သူ​၏​အဝတ်တန်ဆာ​သည် ဗီသွာချည်ထည်​နှင့် ခရမ်းရောင်​အထည်​ဖြစ်​၏​။

ဟေ​ရှာ​ယ 3:18

ထို​နေ့ရက်​၌ ဘုရားရှင်​သည် သူ​တို့​၏​တင့်တယ်​သော​ခြေချင်း​၊ ခေါင်းစည်း​၊ လခြမ်းကွေးလည်ဆွဲ​၊

ယေ​ရ​မိ 10:9

ကျွမ်းကျင်​သော​လက်မှုပညာသည်​နှင့် ပန်းထိမ်သမား​တို့​က တာရှု​မြို့​မှ​လာ​သည့်​ငွေပြား​၊ ဥဖတ်​မြို့​မှ​လာ​သော​ရွှေ​တို့​ဖြင့် တန်ဆာဆင်​ပေး​ကြ​၏​။ ကျွမ်းကျင်သူ​တို့​က အပြာရောင်​အထည်​၊ ခရမ်းရောင်​အထည်​တို့​ဖြင့်​လည်း တန်ဆာဆင်​ပေး​ကြ​၏​။

ယေ​ဇ​ကျေ​လ 27:7

အချက်ပြအလံ​သဖွယ်​ရွက်ထည်​ကို အီဂျစ်​ပြည်​မှ​လာ​သော​ရောင်စုံချည်​ဖြင့် ပုံဖော်​ထား​သော ပိတ်ချောထည်​ဖြင့် လုပ်​ထား​၏​။ ကုန်းပတ်အကာ​ကို ဧလိရှာ​ကျွန်း​မှ​လာ​သော အပြာရောင်​၊ ခရမ်းရောင်​အကောင်းစား​ချည်ထည်​တို့​နှင့် လုပ်​ထား​၏​။

လုကာ 16:19

တစ်ခါက ခရမ်းရောင်​ဝတ်ရုံ​နှင့် ပိတ်ချော​ထည်​များ​ကို​ဝတ်ဆင်​ကာ နေ့စဉ် စည်းစိမ်​ခံစား​လျက် ပျော်မွေ့​နေ​သည့် သူဌေး​တစ်​ဦး​ရှိ​၏။

ရှင်ယောဟန် 19:2

စစ်သား​တို့​သည်​လည်း ဆူးပင်​ကို သရဖူ​အဖြစ်​ရစ်ခွေ​ပြီး ကိုယ်တော်​၏​ဦးခေါင်း​ပေါ်၌ ဆောင်း​စေ​၍ ခရမ်းရောင်​ဝတ်ရုံ​ကို ဝတ်​စေ​ပြီးလျှင်

ရှင်ယောဟန် 19:5

ထိုအခါ ယေရှု​သည် ဆူး​သရဖူ​နှင့်​ခရမ်းရောင်​ဝတ်ရုံ​ကို ဝတ်ဆင်​လျက် အပြင်​သို့​ထွက်လာ​၏။ ပိလတ်​မင်း​က​လည်း “ကြည့်​ပါ။ ဤ​သူ​ပင်​တည်း”​ဟု ဆို​၏။

ဗျာ​ဒိတ် 17:4

ထို​မိန်းမ​သည် ခရမ်းရောင်​နှင့် နီမြန်း​သော​အရောင်​တို့​ကို ဝတ်ဆင်​ထား​လျက် ရွှေ၊ ကျောက်မျက်​ရတနာ​နှင့် ပုလဲ​တို့​ဖြင့် တန်ဆာဆင်​ထား​ကာ သူ​၏​လက်​၌ ရွံရှာ​ဖွယ်​ရာ​များ​နှင့် မိမိ​၏​တရားနှင့်မညီ​မေထုန်ပြု​ခြင်း​၏​ညစ်ညူး​သော​အရာ​များ​ဖြင့်​ပြည့်​နေ​သော ရွှေ​ခွက်​ကို ကိုင်​ထား​၏။

ဗျာ​ဒိတ် 18:12

သူ​တို့​၏​ကုန်ပစ္စည်း​များ​မှာ ရွှေ၊ ငွေ၊ ကျောက်မျက်​ရတနာ၊ ပုလဲ၊ ပိတ်ချော၊ ခရမ်းရောင်​အထည်၊ ပိုးထည်၊ နီမြန်း​သော​အထည်၊ သစ်​မွှေး​အမျိုးမျိုး၊ ဆင်စွယ်​ပစ္စည်း​အမျိုးမျိုး၊ အဖိုးတန်​သော​သစ်သား၊ ကြေး၊ သံ၊ ကျောက်ဖြူ​တို့​ဖြင့် ပြုလုပ်​သော​ပစ္စည်း​အမျိုးမျိုး၊

ဗျာ​ဒိတ် 18:16

‘ပိတ်ချော၊ ခရမ်းရောင်​နှင့် နီမြန်း​သော​အဝတ်​တို့​ကို ဝတ်ဆင်​ထား​လျက် ရွှေ၊ ကျောက်မျက်​ရတနာ​နှင့် ပုလဲ​တို့​ဖြင့် တန်ဆာဆင်​ထား​သော​မြို့​ကြီး၊ သင်​သည် စိတ်​မချမ်းမြေ့​ဖွယ်၊ စိတ်​မချမ်းမြေ့​ဖွယ်​ဖြစ်​ပါ​သည်​တကား။

သူ​ကြီး 8:21

ဇေဘဟ​နှင့်​ဇာလမုန္န​တို့​က “​သင်​ကိုယ်တိုင်​ထ​၍ ငါ​တို့​ကို​သတ်​လော့​။ ယောက်ျား​မှန်လျှင် သတ္တိ​ရှိ​ရ​မည်​”​ဟု ဆို​လေ​၏​။ ဂိဒေါင်​သည်​ထ​၍ ဇေဘဟ​နှင့်​ဇာလမုန္န​ကို​သတ်​ပြီးလျှင် သူ​တို့​ကုလားအုတ်​၏​လည်ပင်း​၌ ဆင်​ထား​သော​တန်ဆာ​များ​ကို ချွတ်ယူ​လေ​၏​။

သူ​ကြီး 8:25

သူ​တို့​က​လည်း ဝမ်းသာအားရ​စွာ​ဖြင့် “​အကျွန်ုပ်​တို့ ပေး​ပါ​မည်​”​ဟု ဆို​လျက် အဝတ်​ကို ခင်း​ပြီးလျှင် သူ​တို့​ရ​ထား​သော​လုယူပစ္စည်း​များ​ထဲမှ နားကွင်း​တစ်ကွင်းစီ​ကို ထို​အဝတ်​ပေါ်၌ ချ​ထား​ကြ​၏​။

သူ​ကြီး 8:27

ဂိဒေါင်​သည် ထို​ရွှေ​များ​ဖြင့် ဧဖုဒ်​သွန်းလုပ်​၍ သူ​နေထိုင်​ရာ ဩဖရ​မြို့​တွင် ပြသ​ထား​၏​။ အစ္စရေး​လူမျိုး​အပေါင်း​တို့​သည် ထို​အရာ​အားဖြင့် ဖောက်ပြန်မှားယွင်း​ကြ​၏​။ ဤ​အရာ​သည် ဂိဒေါင်​နှင့် သူ့​အိမ်သူအိမ်သား​တို့​အတွက် ထောင်ချောက်​ကဲ့သို့ ဖြစ်လာ​၏​။