သူ​ကြီး 7:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ထို​သူ​၏​အဖော်​က “​ထို​မုန့်လုံး​ကား အခြား​မ​ဟုတ်​။ အစ္စရေး​အမျိုးသား ယောရှ​၏​သား​ဖြစ်​သော ဂိဒေါင်​၏​ဓား​ပေတည်း​။ ဘုရားသခင်​သည် မိဒျန်​လူမျိုး​တို့​နှင့် ဤ​တပ်စခန်း​တစ်ခုလုံး​ကို သူ​၏​လက်​သို့​အပ်​တော်မူ​ပြီ​”​ဟု ပြန်ပြော​လေ​၏​။

Common Language Bible

¹⁴ ထို​မိတ်​ဆွေ​က​လည်း``ထို​မုန့်​ပြား​သည်​ဣ​သ ရေ​လ​အ​မျိုး​သား​ယော​ရှ​၏​သား​ဖြစ်​သူ ဂိ​ဒေါင်​၏​ဋ္ဌား​ပင်​ဖြစ်​သည်။ မုန့်​ပြား​သည် အ​ခြား​အ​နက်​အ​ဋ္ဌိပ္ပါယ်​ကို​မ​ဆောင်​နိုင် ရာ။ ဘု​ရား​သ​ခင်​သည်​သူ့​အား​မိ​ဒျန် အ​မျိုး​နှင့် ငါ​တို့​တပ်​တစ်​ခု​လုံး​အ​ပေါ်​၌ အောင်​ပွဲ​ခံ​စေ​တော်​မူ​လေ​ပြီ'' ဟု​ဆို​၏။

Garrad Bible

¹⁴ အ ပေါင်း အ ဖော် က ထို မုန့် ပြား ကား အ ခြား မ ဟုတ်၊ ဣ သ ရေ လ လူ မျိုး ယော ရှ သား ဂိ ဒေါင် ၏ ဓား ပင် တည်း။ ဘု ရား သ ခင် သည် မိ ဒျန် လူ မျိုး နှင့် ဗိုလ် ထု အ ပေါင်း တို့ ပါ ထို သူ့ လက် သို့ အပ် နှင်း တော် မူ လေ ပြီ ဟု ပြန် ပြော လေ ၏။

Judson Bible

¹⁴ သူ၏​အ​ပေါင်း​အ​ဖော်​က၊ ထို​မုန့်​ပြား​သည် အ​ခြား​မ​ဟုတ် ဣ​သ​ရေ​လ​အ​မျိုး ယော​ရှ​သား​ဂိ​ဒေါင်၏​ဓား​ဖြစ်၏။ ထို​သူ​လက်၌ ဘု​ရား​သ​ခင်​သည် မိ​ဒျန်​အ​မျိုး၊ မိ​ဒျန်​ဗိုလ်​ခြေ​အ​ပေါင်း​ကို အပ်​တော်​မူ​မည်​ဟု ပြန်​ပြော၏။

သူ​ကြီး 7:14 ပူးပေါင်းရင်းမြစ်များ

ယောဘဝတ္တု။ 1:10

သူ​နှင့်​သူ့​အိမ်သူအိမ်သား​များ​၊ သူ​၌​ရှိသမျှ​တို့​ကို ကိုယ်တော် ဝိုင်းရံ​ကာကွယ်​ပေး​ထား​သည်​မ​ဟုတ်​ပါ​လော​။ သူ​လုပ်ဆောင်​သမျှ​တို့​ကို ကောင်းချီးပေး​သဖြင့် သူ​ပိုင်​သော​တိရစ္ဆာန်​များ​သည်​လည်း မြေကြီး​တစ်ခွင် တိုးပွား​နေ​သည်​မ​ဟုတ်​ပါ​လော​။

တော​လည် 22:38

ဗာလမ်​က​လည်း ဗာလက်​မင်းကြီး​အား “​ယခု သင့်​ထံသို့​ငါ​ရောက်လာ​ပြီ​။ သို့သော် ငါ​သည် တစ်စုံတစ်ရာ ပြော​ခွင့်​ရှိ​သလော​။ ငါ့​နှုတ်​၌ ဘုရားသခင်​သွင်းပေး​သည့်​စကား​ကို​သာ ငါ​ပြော​ရ​မည်​”​ဟု ပြန်ပြော​လေ​၏​။

တော​လည် 23:20

ကောင်းချီးပေး​မည့်​အကြောင်း အမိန့်​တော်​ကို ငါ​ခံရ​ပြီ​။ ကိုယ်တော်​သည် ကောင်းချီးပေး​တော်မူ​သည်​ဖြစ်၍ ထို​ကောင်းချီး​ကို ငါ​မ​ပြောင်းလဲ​နိုင်​။

တော​လည် 23:5

ထာဝရဘုရား​သည် ဗာလမ်​၏​နှုတ်​၌​စကား​ကို​သွင်းပေး​တော်မူ​ပြီးလျှင် “​ဗာလက်​မင်းကြီး​ထံသို့ ပြန်သွား​၍ ဤ​စကား​ကို​ပြော​လော့​”​ဟု မိန့်​တော်မူ​၏​။

ယော​ရှု 2:24

သူ​တို့​က ယောရှု​အား “​အကယ်စင်စစ် ထာဝရဘုရား​သည် ထို​ပြည်​တစ်ပြည်လုံး​ကို အကျွန်ုပ်​တို့​လက်​သို့​အပ်​တော်မူ​ပြီ​။ ထို​ပြည်​၌​နေထိုင်​သော​သူ​အပေါင်း​တို့​သည်​လည်း အကျွန်ုပ်​တို့​သတင်း​ကို​ကြား​သဖြင့် စိတ်အားလျော့​လျက်​ရှိ​ကြ​ပါ​၏​”​ဟု ဆို​လေ​၏​။

ယော​ရှု 2:9

သူ​တို့​အား “​ထာဝရဘုရား​သည် ဤ​ပြည်​ကို သင်​တို့​အား ပေး​တော်မူ​ကြောင်း​၊ သင်​တို့​ကို ကျွန်မ​တို့​ကြောက်ရွံ့ထိတ်လန့်​လျက်​ရှိ​ကြောင်း​၊ ဤ​ပြည်သား​အပေါင်း​တို့​သည် သင်​တို့​ကြောင့် စိတ်အားလျော့​လျက်​ရှိ​ကြောင်း ကျွန်မ​သိ​ပါ​၏​။

ယော​ရှု 5:1

ဂျော်ဒန်​မြစ်​ကို​အစ္စရေး​အမျိုးသား​တို့ ကူး​ပြီး​သည်​အထိ ထာဝရဘုရား​သည် သူ​တို့​မျက်စိ​ရှေ့​တွင် မြစ်​ရေ​ကို​ခန်းခြောက်​စေ​ခဲ့​ကြောင်း​ကို ဂျော်ဒန်​မြစ်​တစ်ဖက်​ရှိ အာမောရိ​ဘုရင်​များ​၊ ပင်လယ်​နား​ရှိ ခါနာန်​ဘုရင်​များ ကြား​ကြ​သောအခါ သူ​တို့​သည် အစ္စရေး​အမျိုးသား​တို့​သတင်း​ကြောင့် စိတ်ပျက်အားလျော့​၍ အလွန်​ကြောက်ရွံ့​ကြ​၏​။

သူ​ကြီး 3:28

“​ငါ့​နောက် လိုက်​ကြ​လော့​။ ထာဝရဘုရား​သည် သင်​တို့​၏​ရန်သူ​မောဘ​လူမျိုး​တို့​ကို သင်​တို့​လက်​သို့ အပ်​တော်မူ​ပြီ​”​ဟု ဆို​၏​။ သူ​တို့​သည်​လည်း ဧဟုဒ​နောက်သို့​လိုက်​၍ မောဘ​ပြည်​သို့​ကူး​သော ဂျော်ဒန်​မြစ်​ရေတိမ်​ပိုင်း​တို့​ကို သိမ်းပိုက်​ပြီး မည်သူ့​ကို​မျှ ဖြတ်ကူးခွင့်​မ​ပြု​ကြ​ပေ​။

သူ​ကြီး 7:13

ဂိဒေါင်​ရောက်​သောအခါ လူ​တစ်​ယောက်​က သူ့​အဖော်​ကို အိပ်မက်​အကြောင်း​ပြောပြ​နေ​သည်​ကို ကြား​ရ​၏​။ ထို​သူ​က “​မုယော​မုန့်လုံး​တစ်​လုံး​သည် မိဒျန်​တပ်စခန်း​ထဲသို့​လှိမ့်လာ​၍ တဲ​ကို​ဝင်တိုက်​သဖြင့် တဲ​သည် စောက်ထိုးမိုးမျှော်​ဖြစ်၍ ပြိုလဲ​သွား​သည်​ဟူ၍ ငါ​အိပ်မက်​မက်​သည်​”​ဟု ဆို​၏​။

သူ​ကြီး 7:15

ဂိဒေါင်​သည် ထို​အိပ်မက်​နှင့် အိပ်မက်​အနက်​ကို​ကြား​သောအခါ ထာဝရဘုရား​အား ရှိခိုးကိုးကွယ်​၏​။ ထို့နောက် အစ္စရေး​တပ်စခန်း​သို့​ပြန်လာ​၍ “​ထ​ကြ​။ ထာဝရဘုရား​သည် မိဒျန်​တပ်စခန်း​ကို သင်​တို့​လက်​သို့​အပ်​တော်မူ​ပြီ​”​ဟု ဆို​လေ​၏​။

၁ ရာ 14:12

ကင်းစောင့်တပ်သား​တို့​က ယောနသန်​နှင့်​သူ​၏​လက်နက်ကိုင်​လုလင်​အား “​ငါ​တို့​ထံ တက်လာ​ကြ​။ ငါ​တို့​အကြောင်း သိ​စေ​ရ​မည်​”​ဟု အော်​ပြော​၏​။ ယောနသန်​က​လည်း သူ့​လက်နက်ကိုင်​လုလင်​အား “​ငါ့​နောက် လိုက်​ခဲ့​။ ထာဝရဘုရား​သည် သူ​တို့​ကို အစ္စရေး​လူမျိုး​တို့​လက်​သို့ အပ်​တော်မူ​ပြီ​”​ဟု ဆို​၏​။