ယေ​ရ​မိ 18:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ ငါ​သည် လူမျိုး​တစ်​မျိုး​၊ တိုင်းနိုင်ငံ​တစ်နိုင်ငံ​ကို တစ်ခဏအတွင်း နုတ်ပယ်​ဖြိုချ​မည်​၊ ဖျက်ဆီး​မည်​ဟု ငါ​သတိပေး​ခဲ့​ပြီ​။

Common Language Bible

⁷ အ​ကယ်​၍​ငါ​သည်​အ​ဘယ်​အ​ခါ​၌​မ​ဆို​ဤ မည်​သော​လူ​မျိုး​ကို​သော်​လည်း​ကောင်း၊ ဤ​မည် သော​တိုင်း​ပြည်​ကို​သော်​လည်း​ကောင်း​နုတ်​ပယ် ဖြို​ချ​ဖျက်​ဆီး​တော်​မူ​မည်​ဟု​ဆို​ပြီး​နောက်၊-

Garrad Bible

⁷ တစ် ဖန်၊ လူ တစ် မျိုး၊ တစ် နိုင် ငံ ကို ရည် လျက်၊ ဆွဲ နုတ် ဖြို လှဲ ပယ် ဖျက် ရန် ငါ အ မိန့် ရှိ သော် လည်း၊

Judson Bible

⁷ အ​ကြင်​တိုင်း​နိုင်​ငံ​ကို နုတ်​ပယ်​ဖြို​ချ ဖျက်​ဆီး​ခြင်း​ငှာ ငါ​အ​မိန့်​တော်​ရှိ၏။

ယေ​ရ​မိ 18:7 ပူးပေါင်းရင်းမြစ်များ

ကမ္ဘာ​ဦး 6:6

ထိုအခါ ထာဝရဘုရား​သည် မြေကြီး​ပေါ်တွင် လူ​ကို​ဖန်ဆင်း​ခဲ့​သည်​ကို ဝမ်းနည်း​၍ စိတ်နှလုံး​ထိခိုက်​တော်မူ​၏​။

ယေ​ရ​မိ 1:10

လူမျိုးခြား​များ​နှင့် တိုင်းနိုင်ငံ​များ​ကို နုတ်ပယ်​ဖြိုချ​ရန်​၊ ဖျက်ဆီး​မှောက်လှန်​ရန်​၊ တည်ထောင်​ပြုစု​ရန် ယနေ့ သင့်​အား ငါ​ခန့်ထား​ပြီ​”​ဟု မိန့်​တော်မူ​၏​။

ယေ​ရ​မိ 26:3

သူ​တို့​သည် နားထောင်​၍ သူ​တို့​၏​မကောင်း​သော​လမ်း​မှ အသီးသီး​ပြန်လှည့်​ကောင်း​ပြန်လှည့်​ကြ​လိမ့်မည်​။ ငါ​သည်​လည်း သူ​တို့​၏​ဆိုးညစ်​သော​လုပ်ရပ်​များ​ကြောင့် သူ​တို့​အပေါ် ဘေးအန္တရာယ်​ကျရောက်​စေ​မည်​ဟူသော​အကြံအစည်​မှ စိတ်ပြောင်းလဲ​မည်”​ဟု မိန့်​တော်မူ​၏​။

ယေ​ရ​မိ 31:28

ထာဝရဘုရား​က “​ငါ​သည် သူ​တို့​ကို နုတ်ပယ်​ဖြိုချ​မှောက်လှန်​ဖျက်ဆီး​ပြီး ဒုက္ခရောက်​စေဖို့ စောင့်ကြည့်​သကဲ့သို့ တည်ထောင်​ပြုစု​ဖို့ စောင့်ကြည့်​မည်​”​ဟု မိန့်​တော်မူ​၏​။

ယေ​ရ​မိ 42:10

‘​ဤ​ပြည်​၌​သာ သင်​တို့​နေထိုင်​မည်​ဆို​လျှင် သင်​တို့​ကို တည်ဆောက်​မည်​၊ ဖြိုဖျက်​မည်​မ​ဟုတ်​။ သင်​တို့​ကို စိုက်ပျိုး​မည်​၊ နုတ်ပစ်​မည်​မ​ဟုတ်​။ သင်​တို့​ကို ဘေးအန္တရာယ်​နှင့် ကြုံ​စေ​ခဲ့​သောကြောင့် ငါ​ဝမ်းနည်း​၏​’​ဟု မိန့်​တော်မူ​၏​။

ယေ​ရ​မိ 45:4

ထို့ကြောင့် ဗာရုတ်​အား ထာဝရဘုရား​က ‘ကြည့်ရှု​လော့​။ ငါ​တည်ထောင်​ခဲ့​သော​၊ ငါ​စိုက်ပျိုး​ခဲ့​သော ဤ​ပြည်​တစ်ပြည်လုံး​ကို ငါ​ဖြိုဖျက်​မည်​၊ နုတ်ပစ်​မည်’​ဟု မိန့်​တော်မူ​၏​။

ယေ​ဇ​ကျေ​လ 33:14

ဆိုးယုတ်​သော​သူ​အား​လည်း ‘သင်​မုချ​သေ​ရ​မည်’​ဟု ငါ​ဆို​သော်လည်း သူ​သည် အပြစ်​ကို​စွန့်​၍ တရား​သော​အမှု​၊ ဖြောင့်မတ်​သော​အမှု​ကို​ပြု​လျှင်​၊

ဒံ​ယေ​လ 11:4

သူ​ပေါ်လာ​ပြီး​မကြာမီ​မှာပင် သူ့​နိုင်ငံ​သည် ပျက်စီး​သွား​၍ မိုးကောင်းကင်​အောက်​အရပ်​လေး​မျက်နှာ​သို့ ကွဲပြား​သွား​လိမ့်မည်​။ ထို​နိုင်ငံ​ကို သူ​၏​သားစဉ်မြေးဆက်​တို့ ဆက်ခံ​ရ​ကြ​မည်​မ​ဟုတ်​။ သူ​အုပ်စိုး​ခဲ့​သည့်​အာဏာစက်​မျိုး ရှိ​တော့​မည်​မ​ဟုတ်​။ သူ​၏​နိုင်ငံ​ကို သူ့​လက်​မှ​နုတ်ယူ​၍ အခြား​သူ​တို့​လက်​သို့ ပေးအပ်​လိမ့်မည်​။

အာ​မုတ် 9:8

ထာဝရဘုရား​က “ကြည့်ရှု​လော့​။ အပြစ်ပြု​သော​တိုင်းနိုင်ငံ​ကို ဘုရားရှင်​ထာဝရဘုရား စောင့်ကြည့်​တော်မူ​၏​။ ထို​တိုင်းနိုင်ငံ​ကို မြေပြင်​ပေါ်​မှ အဆုံးသတ်​ဖျက်ဆီး​ပစ်​မည်​ဖြစ်​သော်လည်း ယာကုပ်​အမျိုးအနွယ်​ကို အကုန်အစင်​ဖျက်ဆီး​မည်​မ​ဟုတ်”​ဟု မိန့်​တော်မူ​၏​။

ယော​န 3:10

သူ​တို့​ပြုကျင့်​သည့်​မကောင်း​သော​လမ်း​မှ​ပြန်​လှည့်လာ​ကြ​ကြောင်း သူ​တို့​၏​အပြုအမူ​များ​ကို ဘုရားသခင် မြင်​သောအခါ စိတ်​တော်​ပြောင်းလဲ​၍ သူ​တို့​အပေါ်​ဘေးဆိုး​ကျရောက်​စေ​မည်​ဟု မိန့်​တော်မူ​ခဲ့​သည်​ကို ပြန်​ရုပ်သိမ်း​တော်မူ​၏​။

ယော​န 3:4

ယောန​သည် မြို့​ထဲသို့​တစ်​ရက်​ခရီး​သွား​ပြီးလျှင် ရပ်​လျက် “​နောက်ထပ်​ရက်​လေးဆယ်​ကြာ​လျှင် နိနေဝေ​မြို့ကြီး ဖြိုလှဲ​ခံရ​လိမ့်မည်​”​ဟု ဟစ်ကြော်​လေ​၏​။