ယေ​ဇ​ကျေ​လ 47:22 - မြန်​​​မာ့​​​စံ​​​မီ​​​သမ္မာ​​​ကျမ်း​​

²² ထို​မြေ​ကို အမွေမြေ​အဖြစ် သင်​တို့​ခွဲဝေယူ​ရ​မည်​။ သင်​တို့​နှင့်အတူ​နေထိုင်ရင်း သားသမီး​ရလာ​ကြ​သော တိုင်းတစ်ပါးသား​တို့​ကို​လည်း ခွဲဝေ​ပေး​ရ​မည်​။ သူ​တို့​ကို အစ္စရေး​အမျိုးအနွယ်​တို့​၏​အမျိုးသားချင်း​ကဲ့သို့ သဘောထား​ရ​မည်​။ အစ္စရေး​အမျိုးအနွယ်​တို့​နှင့်အတူ အမွေမြေ​ခွဲဝေ​ပေး​ရ​မည်​။

Common Language Bible

²² ယင်း​သည်​သင်​တို့​အ​စဉ်​အ​မြဲ​ပိုင်​ဆိုင်​ကြ ရ​မည့်​မြေ​ယာ​ဖြစ်​၏။ ထို​အ​ရပ်​တွင်​သင်​တို့ နှင့်​အ​တူ​နေ​ထိုင်​လျက်​သား​သ​မီး​များ ရ​ရှိ​နေ​ကြ​သူ​လူ​မျိုး​ခြား​များ​သည်​လည်း သင်​တို့​မြေ​ယာ​ခွဲ​ဝေ​ရာ​တွင်​ဝေ​စု​ခံ​ယူ ရ​ကြ​မည်။ သူ​တို့​အား​တင်း​ပြည့်​ဣ​သ​ရေ​လ ပြည်​သား​များ​အ​ဖြစ်​ဖြင့်​မှတ်​ယူ​ကာ ဣ​သ​ရေ​လ​အ​နွယ်​တို့​နှင့်​အ​တူ​မြေ​ယာ ဝေ​စု​များ​ကို​ခံ​ယူ​စေ​ရ​မည်။-

Garrad Bible

²² ဣ သ ရေ လ အ မျိုး သား တို့ မှ စ၍၊ ဝင် နေ လျက် သား သ မီး ရ သော လူ မျိုး ခြား တို့ အား အ ပိုင် ပေး ဝေ ရ မည်။ ထို သူ တို့ သည် ဣ သ ရေ လ တိုင်း ရင်း သား တို့ နှင့် မ ခြား ဘဲ၊ ဣ သ ရေ လ အ နွယ် တို့ နှင့် အ တူ အ ပိုင် ရ ကြ မည်။

Judson Bible

²² အ​မျိုး​သား​ချင်း အ​မွေ​ခံ​ဖို့​လည်း​ကောင်း၊ သင်​တို့​တွင်​နေ၍ သား​သ​မီး​ဖွား​မြင်​သော တစ်​ပါး​အ​မျိုး​သား​ချင်း အ​မွေ​ခံ​ဖို့​လည်း​ကောင်း စာ​ရေး​တံ​ချ၍ မြေ​ကို​ဝေ​ရ​မည်။ ထို​တစ်​ပါး​အ​မျိုး​သား​တို့​ကို ပြည်၌​ဖွား​မြင်​သော ဣ​သ​ရေ​လ​အ​မျိုး​သား​ကဲ့​သို့ မှတ်​ရ​မည်။ သူ​တို့​သည် ဣ​သ​ရေ​လ​အ​မျိုး​သား​တို့​နှင့် အ​တူ မြေ​ကို အ​မွေ​ခံ​ရ​ကြ​လိမ့်​မည်။

ယေ​ဇ​ကျေ​လ 47:22 ပူးပေါင်းရင်းမြစ်များ

ဟေ​ရှာ​ယ 14:1

အကြောင်းမူကား ထာဝရဘုရား​သည် ယာကုပ်​အမျိုး​ကို​သနား​တော်မူ​မည်​။ အစ္စရေး​လူမျိုး​ကို နောက်တစ်ဖန်​ရွေးချယ်​တော်မူ​မည်​။ သူ​တို့​ပြည်​၌ သူ​တို့​ကို​နေရာချ​တော်မူ​မည်​။ တိုင်းတစ်ပါးသား​တို့​သည် သူ​တို့​နှင့်​ပူးပေါင်း​မည်​။ ယာကုပ်​အမျိုး​နှင့် ပေါင်းဖော်​ကြ​မည်​။

ယေ​ဇ​ကျေ​လ 45:1

မြေ​ကို​အမွေ​ခွဲဝေ​သောအခါ သင်​တို့​သည် ထို​မြေ​ထဲမှ မြေ​တစ်ကွက်​ကို သန့်ရှင်း​သော​အလှူ​အဖြစ် ထာဝရဘုရား​အဖို့ ခွဲထား​ရ​မည်​။ ထို​မြေ​သည် အလျား​အတောင်​နှစ်​သောင်း​ငါး​ထောင်​၊ အနံ​အတောင်​တစ်သောင်း ရှိ​ရ​မည်​။ ထို​မြေ​ပတ်ပတ်လည်​နယ်နိမိတ်​သည်​လည်း သန့်ရှင်း​ရ​မည်​။

ယေ​ဇ​ကျေ​လ 47:21

“ဤသို့ သင်​တို့​သည် အစ္စရေး​အမျိုးအနွယ်​အလိုက် အမွေ​မြေ​ကို ခွဲဝေ​ယူ​ရ​မည်​။

ယေ​ဇ​ကျေ​လ 47:23

တိုင်းတစ်ပါးသား​တို့​သည် မည်သည့်​အစ္စရေး​အမျိုးအနွယ်​တွင် နေထိုင်​သည်​ဖြစ်စေ သူ​တို့​နေထိုင်​ရာ​အရပ်​၌ သူ​တို့​ကို အမွေမြေ​ခွဲဝေ​ပေး​ရ​မည်​”​ဟု ဘုရားရှင်​ထာဝရဘုရား မိန့်​တော်မူ​၏​။

ယေ​ဇ​ကျေ​လ 48:29

ဤကား အစ္စရေး​အမျိုးအနွယ်​တို့​အား သင်​တို့​ခွဲဝေ​ပေး​ရ​မည့် အမွေ​မြေ​ဖြစ်​၏​။ ဤ​မြေ​သည် သူ​တို့​အပိုင်​မြေ​ဖြစ်​၏​”​ဟု ဘုရားရှင်​ထာဝရဘုရား မိန့်​တော်မူ​၏​။

ဝတ်​ပြု 19:34

သင်​တို့​သည် အီဂျစ်​ပြည်​၌ တိုင်းတစ်ပါးသား​ဖြစ်​ခဲ့​ဖူး​သည်​ဖြစ်၍ သင်​တို့​ထံ၌​တည်းခိုနေထိုင်​သော​တိုင်းတစ်ပါးသား​ကို ကိုယ့်​အမျိုးသားချင်း​ကဲ့သို့ မှတ်​ရ​မည်​။ သူ့​ကို ကိုယ်​နှင့်အမျှ​ချစ်​ရ​မည်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

တမန်တော်ဝတ္ထု 11:18

သူ​တို့​သည် ထို​စကား​ကို​ကြား​သောအခါ တိတ်ဆိတ်​သွား​ကြ​၏။ ထို့နောက် ဘုရားသခင်​၏​ဘုန်း​တော်​ကို​ချီးမွမ်း​လျက် “သို့ဖြစ်လျှင် ဘုရားသခင်​သည် အသက်ရှင်​ခြင်း​သို့​ရောက်​စေ​သည့်​နောင်တ​တရား​ကို လူမျိုးခြား​တို့​အား​လည်း ပေး​တော်မူ​ပြီ”​ဟု ဆို​ကြ​၏။

တမန်တော်ဝတ္ထု 15:9

ဘုရားသခင်​သည် သူ​တို့​နှင့်​ငါ​တို့​ကို လုံးဝ​ခွဲခြား​တော်​မ​မူ​ဘဲ ယုံကြည်​ခြင်း​အားဖြင့် သူ​တို့​၏​စိတ်နှလုံး​ကို စင်ကြယ်​စေ​တော်မူ​၏။

ရော​မ 10:12

ဤတွင် ဂျူး​လူမျိုး​နှင့်​ဂရိ​လူမျိုး​တို့​ကြား​၌ ခြားနား​မှု​မ​ရှိ။ အကြောင်းမူကား တစ်ပါးတည်း​သော​အရှင်​သည် လူ​အပေါင်း​တို့​၏​အရှင်​ဖြစ်​တော်မူ​ပြီး ကိုယ်တော်​ကို​ပတ္ထနာ​ပြု​သော​သူ​အပေါင်း​တို့​အား ကြွယ်ဝ​စေ​တော်မူ​၏။

ဧ​ဖက် 3:6

ထို​လျှို့ဝှက်​နက်နဲ​သော​အရာ​မှာ လူမျိုးခြား​တို့​သည် ကောင်းမြတ်​သော​သတင်း​အားဖြင့် ခရစ်တော်​ယေရှု​၌ အတူတကွ​အမွေ​ဆက်ခံ​သူ​များ၊ တစ်ခုတည်း​သော​ကိုယ်ခန္ဓာ​၌​ပါဝင်​သူ​များ​၊ ကတိ​တော်​ကို​အတူတကွ​ခံစား​သူ​များ​ဖြစ်​ကြ​ခြင်း​ပေ​တည်း။

တ​ရား​ဟော 10:19

သင်​တို့​သည် အီဂျစ်​ပြည်​၌ တိုင်းတစ်ပါးသား​ဖြစ်​ခဲ့​ဖူး​သောကြောင့် တိုင်းတစ်ပါးသား​တို့​ကို ချစ်​ရ​မည်​။

ကော​လော​သဲ 3:11

ထိုသို့​ဖန်ဆင်း​ပြုပြင်​ရာ​၌ ဂရိ​လူမျိုး​နှင့်​ဂျူး​လူမျိုး၊ အရေဖျား​လှီး​ထား​သော​သူ​နှင့်​မ​လှီး​ထား​သော​သူ၊ သကုသိ​လူ​နှင့်​လူရိုင်း၊ ကျွန်​နှင့်​လွတ်လပ်​သူ​ဟူ၍​မ​ရှိ။ ခရစ်တော်​သည် အလုံးစုံ​ဖြစ်​ပြီး အလုံးစုံ​တို့​၌​ရှိ​တော်မူ​၏။