ယေ​ဇ​ကျေ​လ 39:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ စစ်သူရဲ​တို့​၏​အသား​ကို​စား​၍ မြေကြီး​မင်း​တို့​၏​သွေး​ကို သောက်​ရ​ကြ​လိမ့်မည်​။ ဗာရှန်​ပြည်​မှ ဆူဖြိုး​သော​တိရစ္ဆာန်​များ​ဖြစ်​သည့် သိုးသငယ်​၊ သိုးထီး​၊ ဆိတ်ထီး​၊ နွားထီး​တို့​၏​အသား​ကို စား​ရ​ကြ​လိမ့်မည်​။

Common Language Bible

¹⁸ ထို​ပွဲ​သည်​ကြီး​ကျယ်​သော​စား​သောက်​ပွဲ ဖြစ်​၍​သူ​တို့​သည် စစ်​သူ​ရဲ​တို့​၏​အ​သား ကို​စား​၍​ပြည်​ရှင်​မင်း​တို့​၏​သွေး​ကို​သောက် ရ​ကြ​လိမ့်​မည်။ ထို​စစ်​သူ​ရဲ​များ​နှင့်​ပြည် ရှင်​မင်း​တို့​သည်​ဘာ​ရှန်​ပြည်​မှ​ဆူ​ဖြိုး​သော တိ​ရစ္ဆာန်​များ​ဖြစ်​သည့် သိုး​ထီး၊ သိုး​ငယ်၊ ဆိတ် များ၊ နွား​များ​ကဲ့​သို့​အ​သတ်​ခံ​ရ​ကြ လိမ့်​မည်။-

Garrad Bible

¹⁸ သင် တို့ သည် ဗာ ရှန် ပြည် ထွက် ဆူ ဖြိုး သော သိုး ထီး၊ သိုး သား ငယ်၊ ဆိတ် နွား များ သ ဖွယ် ဖြစ် သော သူ ရဲ တို့ နှင့်၊ မြေ ပေါ် ရှိ အ ကြီး အ ကဲ တို့၏ အ သွေး အ သား ကို စား ရ ကြ လ တ္တံ့။

Judson Bible

¹⁸ သင်​တို့​သည် အား​ကြီး​သော​သူ​တို့၏​အ​သား၊ လော​ကီ​မင်း​တို့၏​အ​သွေး၊ ဗာ​ရှန်​ပြည်၌ ဆူ​အောင်​ကျွေး​သော သိုး​ထီး၊ ဆိတ်​ထီး၊ နွား​လား​ဥ​သ​ဘ​တို့၏ အ​သား​အ​သွေး​ကို သောက်​စား​ရ​ကြ​လိမ့်​မည်။

ယေ​ဇ​ကျေ​လ 39:18 ပူးပေါင်းရင်းမြစ်များ

ဆာ​လံ 22:12

များစွာ​သော​နွားထီး​တို့​သည် အကျွန်ုပ်​ကို​ဝိုင်း​ထား​ကြ​ပြီး ဗာရှန်​နွားလား​တို့​သည် အကျွန်ုပ်​ကို​ဝိုင်းရံ​ထား​ကြ​ပါ​၏​။

ဆာ​လံ 68:30

ကျူတော​သားရဲတိရစ္ဆာန်​နှင့် လူမျိုး​နွားသငယ်​များ​အလယ်​ရှိ နွားလား​အုပ်ကြီး​တို့​ကို ဆုံးမ​တော်မူ​ပါ​။ ငွေ​ချောင်း​များ​ရှိ​သော​သူ​ကို ခြေ​ဖြင့်​နင်းချေ​လျက် စစ်မက်​ကို​နှစ်သက်​သော​လူမျိုး​တို့​ကို ကစဥ့်ကလျား​ဖြစ်​စေ​တော်မူ​ပါ​။

ဟေ​ရှာ​ယ 34:6

ထာဝရဘုရား​၏​ဓား​တော်​သည် သွေး​နှင့်​ဝ​ပြီ​၊ အဆီ​နှင့်​အီ​ပြီ​။ သိုးသငယ်​နှင့်​ဆိတ်ထီး​တို့​၏​သွေး​၊ သိုးထီး​တို့​၏​ကျောက်ကပ်​အဆီ​တို့​နှင့် ဝအီ​လေ​ပြီ​။ အကြောင်းမူကား ထာဝရဘုရား​သည် ဗောဇရ​မြို့​၌ ယဇ်ပူဇော်ပွဲ​၊ ဧဒုံ​ပြည်​၌ ကြီးမား​သော​သားသတ်ပွဲ ကျင်းပ​တော်မူ​ပြီ​။

ဟေ​ရှာ​ယ 34:7

နွားရိုင်း​တို့​သည် ပြည်သား​တို့​နှင့်အတူ​၊ နွားထီးပျို​တို့​သည် နွားလား​တို့​နှင့်အတူ လဲကျ​ကြ​လိမ့်မည်​။ သူ​တို့​၏​မြေ​သည် သွေး​နှင့်​ဝ​၍ သူ​တို့​၏​မြေမှုန့်​သည် အဆီ​နှင့်​အီ​လိမ့်မည်​။

ယေ​ရ​မိ 46:5

ငါ​မြင်​ရ​သော​အရာ​ကား အဘယ်နည်း​။ သူ​တို့ ကြောက်​၍ နောက်ပြန်ဆုတ်​ကြ​ပါ​သည်​တကား​။ သူ​တို့​၏​စစ်သူရဲ​တို့​သည် ချေမှုန်း​ခြင်း​ခံရ​သဖြင့် နောက်ပြန်လှည့်​မ​ကြည့်​ဘဲ ဘေးလွတ်​ရာ​သို့​ထွက်ပြေး​ကြ​ပါ​သည်​တကား​။ ကြောက်လန့်စရာ​များ ဝိုင်းရံ​နေ​ပါ​သည်​တကား​”​ဟု မိန့်​တော်မူ​၏​။

ယေ​ရ​မိ 50:11

ငါ့​အမွေ​ကို တိုက်ခိုက်လုယက်​သော​သူ​တို့​၊ သင်​တို့​သည် ဝမ်းမြောက်​လျက်​၊ ရွှင်လန်း​လျက်​၊ တလင်းနယ်​သော​နွားမတမ်း​ကဲ့သို့ နင်းချေ​လျက်​၊ စစ်မြင်း​များ​ကဲ့သို့ ဟီ​လျက်​ရှိ​ကြ​သော်လည်း

ယေ​ရ​မိ 50:27

နွားထီးပျို​အားလုံး​ကို သတ်​ပစ်​ကြ​။ သူ​တို့​ကို စစ်ကြောစီရင်​မည့်​နေ့ရက်​ကာလ ရောက်လာ​ပြီ​ဖြစ်၍ သူ​တို့​ကို​သတ်​မည့်​နေရာ​သို့ ဆင်းသွား​စေ​လော့​။ သူ​တို့​၌ အမင်္ဂလာ​ရှိ​၏​။

ယေ​ရ​မိ 51:40

ထာဝရဘုရား​က “​သူ​တို့​ကို သိုးသငယ်​ကဲ့သို့​၊ သိုးထီး​ဆိတ်ထီး​ကဲ့သို့ ဆွဲထုတ်​၍ သတ်​မည်​။

ယေ​ဇ​ကျေ​လ 29:5

သင်​နှင့်တကွ မြစ်ချောင်း​ထဲရှိ​ငါး​များ​ကို တောကန္တာရ​တွင် ပစ်​ထား​မည်​။ ကွင်းပြင်​မှာ​ကျသွား​သော​သင့်​ကို ကောက်ယူ​မည့်​သူ​ရှိ​မည်​မ​ဟုတ်​။ ငါ​သည် သင့်​ကို တောရိုင်းတိရစ္ဆာန်​၊ မိုးကောင်းကင်​ငှက်​တို့​အဖို့ အစာ​ဖြစ်​စေ​မည်​။

ယေ​ဇ​ကျေ​လ 34:17

အသင် ငါ့​သိုး​တို့​၊ ဘုရားရှင်​ထာဝရဘုရား​က ‘ကြည့်ရှု​လော့​။ ငါ​သည် သိုး​အချင်းချင်း​အမှု​၊ သိုး​နှင့်​ဆိတ်​တို့​အမှု​ကို စီရင်​မည်​။

ယေ​ဇ​ကျေ​လ 34:8

ဘုရားရှင်​ထာဝရဘုရား​က ‘ငါ​အသက်ရှင်​သည်​နှင့်အညီ သိုးထိန်း​မ​ရှိ​သောကြောင့် ငါ့​သိုး​တို့​သည် သားကောင်​များ​ဖြစ်သွား​ရ​ပြီ​။ တောရိုင်းတိရစ္ဆာန်​တို့​၏​အစာ​ဖြစ်​ရ​ပြီ​။ သိုးထိန်း​တို့​သည် ငါ့​သိုး​တို့​ကို မ​ရှာဖွေ​။ ငါ့​သိုး​တို့​ကို မ​ထိန်းကျောင်း​၊ သူတို့ကိုယ်ကို​သာ ကြည့်ရှု​၏’​ဟု မိန့်​တော်မူ​၏​။

ယေ​ဇ​ကျေ​လ 39:19

သင်​တို့​အဖို့​ပူဇော်​သော ယဇ်ပူဇော်ပွဲ​ကြီး​တွင် သင်​တို့​သည် အဆီ​ကို​ဝအီ​အောင်​စား​ရ​မည်​၊ သွေး​ကို​လည်း မူးဝေ​အောင်​သောက်​ရ​မည်​။

အာ​မုတ် 4:1

ဆင်းရဲသား​တို့​ကို​နှိပ်စက်​ပြီး နွမ်းပါး​သူ​တို့​ကို​ညှဉ်းဆဲ​ကာ မိမိ​သခင်​တို့​ကို​ပင် “ငါ​တို့​အတွက် သောက်စရာ​ယူ​ခဲ့​ပါ”​ဟု ဆို​တတ်​သော ရှမာရိ​တောင်​ပေါ်မှ ဗာရှန်​နွားမ​တို့​၊ ဤ​စကား​ကို နားထောင်​ကြ​လော့​။

တ​ရား​ဟော 32:14

နွား​မှ​ရ​သော​ထောပတ်​၊ သိုး​မှ​ရ​သော​သိုး​နို့​၊ သိုးသငယ်​အဆီ​၊ ဗာရှန်​ပြည်​သိုးထီး​၊ ဆိတ်ထီး​နှင့်တကွ အကောင်းဆုံး​ဂျုံ​ဖြင့်​လည်းကောင်း ကျွေးမွေး​တော်မူ​၏​။ စပျစ်​သွေး​တည်းဟူသော​ဝိုင်နီ​ကို​လည်း သောက်​ရ​၏​။

ဗျာ​ဒိတ် 19:21

ကြွင်းကျန်​သော​သူ​တို့​မူကား မြင်း​စီး​သော​သူ​၏​ခံတွင်း​မှ​ထွက်​သော​သန်လျက်​ဖြင့် သတ်ဖြတ်​ခြင်း​ခံရ​ပြီး ငှက်​အပေါင်း​တို့​သည် သူ​တို့​၏​အသား​ကို ဝလင်​စွာ​စား​ရ​ကြ​၏။