ယော​လ 3:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ရိတ်သိမ်းစရာ​သီးနှံ​မှည့်ဝင်း​ပြီ​ဖြစ်၍ တံစဉ်​ကို​ဆန့်တန်း​ကြ​လော့​။ စပျစ်သီးနယ်ရာကျင်း ပြည့်​နေ​သည်​ဖြစ်၍ လာ​၍​နင်းချေ​ကြ​လော့​။ စည်​များ လျှံ​နေ​သကဲ့သို့ ထို​သူ​တို့​၏​ဆိုးညစ်မှု​များ​သည် များပြား​လျက်​ရှိ​၏​။”

Common Language Bible

¹³ ထို​သူ​တို့​သည်​အ​လွန်​ယုတ်​မာ​ကြ​၏။ ကောက်​ရိတ်​ချိန်​၌​ဂျုံ​နှံ​ကို​ဖြတ်​သ​ကဲ့​သို့ သူ​တို့​ကို​ခုတ်​ဖြတ်​ကြ​လော့။ စ​ပျစ်​သီး​များ​နှင့်​ပြည့်​လျက်​နေ​သော အ​သီး​နယ်​ရာ​ကျင်း​မှ​စ​ပျစ်​ရည်​များ လျှံ​တက်​လာ​သည်​တိုင်​အောင်၊ စ​ပျစ်​သီး​များ​ကို​နင်း​ချေ​သ​ကဲ့​သို့ ထို​သူ​တို့​ကို နင်း​ချေ​ကြ​လော့'' ဟု​မိန့်​တော်​မူ​၏။

Garrad Bible

¹³ စ ပါး မှည့် သော ကြောင့်။ တံ စဉ် ကျော့ ကြ လော့။ စ ပျစ် ကျင်း များ လည်း၊ မြောက် မြား သော ဆိုး သွမ်း မှု နှင့် ပြည့် လျှံ သော ကြောင့်။ ဖိ နင်း ကြ လော့။

Judson Bible

¹³ ရိတ်​စ​ရာ​စ​ပါး မှည့်​သော​ကြောင့် တံ​စဉ်​ကို လွှတ်​ကြ​လော့။ စ​ပျစ်​သီး နယ်​ရာ​တန်​ဆာ​ပြည့်၍၊ စ​ပျစ်​ရည်​ကျင်း​တို့​သည် လျှံ​သော​ကြောင့် လာ​ကြ။ ဆင်း​ကြ​လော့။ အ​ကြောင်း​မူ​ကား၊ သူ​တို့​ပြု​သော ဒု​စ​ရိုက်​အ​ပြစ်​သည် ကြီး​လှ၏။

ယော​လ 3:13 ပူးပေါင်းရင်းမြစ်များ

ကမ္ဘာ​ဦး 13:13

သောဒုံ​မြို့သား​တို့​သည် ထာဝရဘုရား​ရှေ့​တော်​၌ အလွန်​ဆိုးညစ်​၍ အပြစ်​များ​သော​သူ​များ​ဖြစ်​ကြ​၏​။

ကမ္ဘာ​ဦး 15:16

သူ​တို့​သည် မျိုးဆက်​လေးဆက်မြောက်​မှ ဤ​အရပ်​သို့​ပြန်လာ​ကြ​လိမ့်မည်​။ အကြောင်းမူကား အာမောရိ​လူမျိုး​တို့​၏​ဒုစရိုက်​သည် မ​ပြည့်စုံ​သေး​”​ဟု မိန့်​တော်မူ​၏​။

ကမ္ဘာ​ဦး 18:20

တစ်ဖန် ထာဝရဘုရား​က “​သောဒုံ​မြို့​နှင့်​ဂေါမောရ​မြို့​၏​အော်ဟစ်သံ​သည် ပြင်းထန်​၍ သူ​တို့​၏​အပြစ်​သည် အလွန်​ကြီးလေး​သောကြောင့်

ဟေ​ရှာ​ယ 17:5

ရိတ်သိမ်းသူ​သည် စပါးပင်​ကို​စု​၍ မိမိ​လက်ရုံး​အားဖြင့် ရိတ်သိမ်း​သကဲ့သို့​လည်းကောင်း​၊ ရေဖိမ်​ချိုင့်ဝှမ်း​၌ စပါးနှံ​များ​ကို ကောက်သင်းကောက်​သကဲ့သို့​လည်းကောင်း ဖြစ်​လိမ့်မည်​။

ဟေ​ရှာ​ယ 63:3

စပျစ်သီး​နယ်​ရာ​ကျင်း​၌ ငါ တစ်ပါးတည်း နင်းနယ်​၏​။ လူ​တစ်​ယောက်​မျှ ငါ​နှင့်​မ​ရှိ​။ သူ​တို့​ကို ငါ့​အမျက်​ဖြင့် နင်းနယ်​ပြီ​။ ငါ့​ဒေါသ​ဖြင့် နင်းချေ​ပြီ​။ သူ​တို့​သွေး​သည် ငါ့​ဝတ်ရုံ​ကို​စဉ်​သဖြင့် ငါ့​အဝတ်အစား​ရှိသမျှ စွန်းထင်း​လေ​ပြီ​။

ယေ​ရ​မိ 51:33

အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က “​ဘေဘီလုံ​သမီးပျို​သည် တလင်းနယ်​ချိန်​၌ နင်းနယ်​ခံရ​သော​ကောက်နယ်တလင်း​နှင့်​တူ​၏​။ တစ်ခဏချင်း​တွင် ရိတ်သိမ်း​ချိန်​ရောက်လာ​လိမ့်မည်​”​ဟု မိန့်​တော်မူ​၏​။

မြည်​တမ်း​စ​ကား 1:15

ဘုရားသခင်​သည် ငါ့​စစ်သူရဲ​အားလုံး​ကို နင်းချေ​တော်မူ​ပြီ​။ စစ်သည်​အလုံးအရင်း​ကို ဆင့်ခေါ်​၍ ငါ​၏​လူငယ်​တို့​ကို ဖျက်ဆီး​စေ​တော်မူ​ပြီ​။ ယုဒ​သမီး​ပျို​ကို စပျစ်သီးနယ်ရာကျင်း​၌ နင်းနယ်​တော်မူ​ပြီ​။

ဟော​ရှေ 6:11

ထိုမှတစ်ပါး အို ယုဒ​၊ ဖမ်းခေါ်​သွား​ခြင်း​ခံရ​သော​ငါ့​လူမျိုး​တော်​ကို ပြန်ခေါ်​လာ​သောအခါ သင့်​အဖို့ ရိတ်သိမ်း​ချိန်​ကို သတ်မှတ်​ထား​ပြီး​ဖြစ်​၏​။

မဿဲ 13:39

မြက်သီး​မျိုးစေ့​များ​ကို​ကြဲ​သော​ရန်သူ​သည် မာရ်နတ်​ဖြစ်​၏။ ရိတ်သိမ်း​ချိန်​မူကား ကပ်ကမ္ဘာ​ကုန်ဆုံး​ချိန်​ဖြစ်​၍ ရိတ်သိမ်း​သော​သူ​တို့​သည် ကောင်းကင်တမန်​များ​ဖြစ်​ကြ​၏။

ရှင်မာကု 4:29

အသီး​မှည့်​သောအခါ ရိတ်သိမ်း​ချိန်​ရောက်လာ​သည်​ဖြစ်၍ သူ​သည် ချက်ချင်း​တံစဉ်​ဖြင့်​ရိတ်​လေ​၏”​ဟု မိန့်​တော်မူ​၏။

တ​ရား​ဟော 16:9

သင်​သည် ရက်သတ္တပတ်​ခုနစ်​ပတ်​ကို မိမိဘာသာမိမိ​ရေတွက်​ရ​မည်​။ ကောက်ပဲသီးနှံ​စတင်​ရိတ်သိမ်း​ချိန်​မှ​စ၍ ရေတွက်​ရ​မည်​။

ဗျာ​ဒိတ် 14:14

တစ်ဖန် ငါ​ကြည့်​လိုက်​ရာ ဖြူ​သော​မိုးတိမ်​ရှိ​၍ ထို​မိုးတိမ်​ပေါ်တွင် ဦးခေါင်း​ပေါ်၌ ရွှေ​သရဖူ​ကို​ဆောင်း​လျက် လက်​၌ ထက်​သော​တံစဉ်​ကို​ကိုင်​ထား​သည့် လူ့သား​နှင့်​တူ​သော​သူ​တစ်​ဦး​ထိုင်​နေ​၏။

ဗျာ​ဒိတ် 19:15

လူမျိုး​တကာ​တို့​ကို​ဒဏ်ခတ်​ရန် ထက်​သော​သန်လျက်​သည် သူ​၏​ခံတွင်း​ထဲမှ​ထွက်​နေ​၏။ သူ​သည် ထို​သူ​တို့​ကို သံ​လှံတံ​ဖြင့်​အုပ်ထိန်း​လိမ့်မည်။ သူ​သည် အနန္တ​တန်ခိုး​နှင့်​ပြည့်စုံ​တော်မူ​သော ဘုရားသခင်​၏​အမျက်​တော်​ဆိုင်ရာ ပြင်းစွာ​သော​ဒေါသ​စပျစ်​ဝိုင်​၏​စပျစ်သီး​နယ်ရာ​ကျင်း​ကို နင်းနယ်​လိမ့်မည်။