မြည်​တမ်း​စ​ကား 4:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ရွှေစင်​သဖွယ်​အဖိုးတန်​သော ဇိအုန်​မြို့သား​တို့​ကို အိုးထိန်းသည်​လက်​ဖြင့်​လုပ်​သော​မြေ​အိုး​ကဲ့သို့ ထင်မှတ်​ကြ​လေ​ပြီ​တကား​။

Common Language Bible

² ဇိ​အုန်​မြို့​သား​လူ​ငယ်​လူ​ရွယ်​တို့​သည်​ငါ​တို့ အ​ဖို့ ရွှေ​ကဲ့​သို့​အ​ဖိုး​ထိုက်​ခဲ့​သော်​လည်း ယ​ခု​အ​ခါ​၌​မူ​မြေ​အိုး​များ​ကဲ့​သို့ မှတ်​ယူ​ခြင်း​ကို​ခံ​ရ​ကြ​လေ​ပြီ။

Garrad Bible

² ရွှေ စင် နှင့် စက် အပ် သော ဇိ အုန် မြို့ သား ရ တ နာ တို့ သည်၊ အိုး ထိန်း သည့် လက် ဖြစ် မြေ အိုး များ ကဲ့ သို့၊ အ ဖိုး ပြတ် ခြင်း များ ကို၊ ခံ ရ ကြ လေ စွ။

Judson Bible

² အ​မြတ်​ဆုံး​သော ရွှေ​နှင့်​အ​မျှ အ​လွန်​အ​ဖိုး​ထိုက်​သော ဇိ​အုန်​မြို့​သား​တို့​ကို၊ အိုး​ထိန်း​သ​မား​လုပ်​သော​မြေ​အိုး​ကဲ့​သို့ မှတ်​တတ်​သည်​တ​ကား။

မြည်​တမ်း​စ​ကား 4:2 ပူးပေါင်းရင်းမြစ်များ

ဟေ​ရှာ​ယ 30:14

အိုးထိန်းသည်​သည် အိုး​ကို​မ​နှမြော​ဘဲ ခွဲ​လိုက်​သဖြင့် အကျိုးအပဲ့​များ​ကြား​တွင် မီးဖို​ထဲမှ​မီး​ကို​ကော်ယူ​၍​ရ​လောက်​သော​၊ ရေတိုင်ကီ​ထဲမှ​ရေ​ကို​ခပ်ယူ​၍​ရ​လောက်​သော အိုးခြမ်းပဲ့​တစ်​ခု​မျှ​မ​တွေ့​ရ​သည်​အထိ ကွဲကြေ​သွား​သော​အိုး​ကဲ့သို့ ကျိုးပဲ့​သွား​လိမ့်မည်​”​ဟု မိန့်​တော်မူ​၏​။

ဟေ​ရှာ​ယ 51:18

သူ​မွေးဖွား​သော​သား​အပေါင်း​တို့​တွင် သူ့​ကို​လမ်းပြ​သော​သူ တစ်ယောက်မျှ​မ​ရှိ​။ သူ​ကျွေးမွေးစောင့်ရှောက်​သော​သား​အပေါင်း​တို့​တွင် သူ့​ကို​လက်​ဖြင့်​ဆွဲခေါ်​သော​သူ တစ်ယောက်မျှ​မ​ရှိ​။

ယေ​ရ​မိ 19:1

ထာဝရဘုရား​က “​အိုးထိန်းသည်​ထံ​သွား​၍ မြေအိုး​ကို​ဝယ်ယူ​ပြီးလျှင် သက်ကြီးဝါကြီး​လူ​အချို့​၊ သက်ကြီးဝါကြီး​ယဇ်ပုရောဟိတ်​အချို့​တို့​နှင့်အတူ

ယေ​ရ​မိ 19:11

သူ​တို့​အား ‘ကောင်းကင်​ဗိုလ်ခြေ​အရှင်​ထာဝရဘုရား​က အိုးထိန်းသည် ပြန်​ဆက်စပ်​၍​မ​ရ​နိုင်​အောင် မြေအိုး​ကို​ခွဲ​သကဲ့သို့ ဤ​လူမျိုး​နှင့်​ဤ​မြို့​ကို ငါ​ခွဲ​မည်​။ တောဖက်​အရပ်​၌ နေရာလပ်​မ​ရှိ​တော့​သည့်​တိုင်အောင် သူ​တို့​သည် သင်္ဂြိုဟ်​ခြင်း​ခံရ​ကြ​လိမ့်မည်​ဟု မိန့်​တော်မူ​ပြီ​။

ယေ​ရ​မိ 22:28

“​ခေါနိ​ဟူသော ဤ​လူ​သည် အသုံးမဝင်​သော​အိုး​ကွဲ​လော​။ မည်သူ​မျှ​အလို​မ​ရှိ​သော​အိုး​လော​။ အဘယ်ကြောင့် သူ​နှင့်​သူ့​အမျိုးအနွယ်​ကို စွန့်ပစ်​ရ​သနည်း​။ အဘယ်ကြောင့် သူ​တို့​မ​သိ​သော​ပြည်​သို့ သူ​တို့​ကို နှင်ထုတ်​ရ​သနည်း​။

မြည်​တမ်း​စ​ကား 2:21

လူကြီး​လူငယ်​တို့​သည် လမ်းမ​ပေါ် ဖုန်တော​ထဲ၌ လဲ​နေ​လေ​ပြီ​။ အပျို​လူပျို​တို့​သည်​လည်း ဓား​ဖြင့် လဲကျ​သေဆုံး​ကြ​လေ​ပြီ​။ အမျက်ထွက်​တော်မူ​သော​နေ့​၌ ကိုယ်တော်​သည် သူ​တို့​ကို​ကွပ်မျက်​တော်မူ​ပြီ​၊ မ​ညှာ​မ​တာ​သတ်ဖြတ်​တော်မူ​ပြီ​။

မြည်​တမ်း​စ​ကား 5:12

မိမိ​တို့​လက်​ဖြင့် အကြီးအကဲ​တို့​ကို ချိတ်ဆွဲ​ထား​ကြ​ပါ​၏​။ သက်ကြီးဝါကြီး​တို့​ကို​လည်း မ​လေးစား​ကြ​ပါ​။

ဟော​ရှေ 8:8

အစ္စရေး ဝါးမျို​ခံရ​လေ​ပြီ​။ သူ​တို့​သည် လူမျိုးခြား​တို့​အလယ်​တွင် မည်သူ​မျှ​အလို​မ​ရှိ​သော​တန်ဆာပလာ​ကဲ့သို့ ဖြစ်​၏​။

ဇာ​ခ​ရိ 9:13

ငါ​သည် ယုဒ​ကို လေးသဖွယ် တင်​မည်​၊ ဧဖရိမ်​ကို မြားသဖွယ် ပြု​မည်​။ အို ဇိအုန်​၊ သင့်​သား​တို့​ကို ငါ​နှိုးဆော်​မည်​။ အို ဂရိ​၊ သင့်​သား​တို့​ကို ငါ​ဆန့်ကျင်​မည်​။ သင့်​ကို စစ်သူရဲ​၏​ဓား​သဖွယ် ဖြစ်​စေ​မည်​။”

၂ ကော 4:7

သို့သော် အလွန်​ထူးမြတ်​သော ဤ​တန်ခိုး​သည် ငါ​တို့​ထံမှ​မ​ဟုတ်​ဘဲ ဘုရားသခင်​ထံမှ​ဖြစ်​ကြောင်း ထင်ရှား​စေရန် ငါ​တို့​သည် ဤ​ရတနာ​ကို မြေ​အိုး​ထဲ၌​ဆောင်​ထား​ကြ​၏။

၂ တိ 2:20

ကြီးမား​သော​အိမ်​၌ ရွှေ​ငွေ​ဖြင့်​ပြုလုပ်​ထား​သော အိုးခွက်​များ​သာမက သစ်သား​နှင့်​မြေကြီး​တို့​ဖြင့်​ပြုလုပ်​ထား​သော အိုးခွက်​များ​လည်း​ရှိ​၍ အချို့​တို့​ကို အသရေ​ရှိ​သော​အရာ​အတွက်​သုံး​လျက် အချို့​တို့​ကို အသရေ​မ​ရှိ​သော​အရာ​အတွက်​သုံး​ကြ​၏။