ထွက်​မြောက် 25:22 - မြန်​​​မာ့​​​စံ​​​မီ​​​သမ္မာ​​​ကျမ်း​​

²² ငါ​သည် ထို​နေရာ​၌ သင်​နှင့်​တွေ့ဆုံ​မည်​။ သက်သေခံချက်​သေတ္တာ​တော်​ပေါ်​ရှိ ခေရုဗိမ်​နှစ်​ပါး​အကြား ကရုဏာ​တော်​ပလ္လင်​အထက်​မှ​နေ​၍ အစ္စရေး​အမျိုးသား​တို့​အား ဆင့်ဆို​ရ​မည့်​စကား​အလုံးစုံ​ကို ငါ​မှာကြား​မည်​။

Common Language Bible

²² ထို​နေ​ရာ​၌​ငါ​သည်​သင်​တို့​နှင့်​တွေ့​ဆုံ​မည်။ ငါ သည်​ခေ​ရု​ဗိမ်​နှစ်​ပါး​အ​ကြား​အ​ဖုံး​ပေါ်​မှ​နေ တော်​မူ​၍​ဣ​သ​ရေ​လ​အ​မျိုး​သား​တို့​အား ဆင့်​ဆို​ရန်​ရှိ​သ​မျှ​ကို​သင့်​အား​ငါ​မြွက် ဆို​မည်။

Garrad Bible

²² ထို ဌာ န၌ ငါ သည် သင် နှင့် တွေ့ ဆုံ၍ ဣ သ ရေ လ အ မျိုး သား တို့ ထံ ဆင့် ဆို ရန် ရှိ သ မျှ ကို အ ပြစ် ဖြေ ရာ ပ လ္လင် တော်၊ သက် သေ တော် သေ တ္တာ အ ပေါ် ရှိ ခေ ရု ဗ နှစ် ပါး စပ် ကြား မှ သင့် အား မြွက် ဆို မည်။

Judson Bible

²² ထို​အ​ရပ်၌ ငါ​သည်​သင်​နှင့်​တွေ့၍၊ သက်​သေ​ခံ​ချက်​ထား​သော သေ​တ္တာ​ဖုံး​အ​ပေါ်၊ ခေ​ရု​ဗိမ်​နှစ်​ပါး​စပ်​ကြား​မှာ သင်​နှင့်​နှုတ်​ဆက်​သ​ဖြင့်၊ ဣ​သ​ရေ​လ​အ​မျိုး​သား​တို့၌ ဆင့်​ဆို​ရာ​သ​မျှ​တို့​ကို စီ​ရင်​မည်။

ထွက်​မြောက် 25:22 ပူးပေါင်းရင်းမြစ်များ

ကမ္ဘာ​ဦး 18:33

ထာဝရဘုရား​သည် အာဗြဟံ​နှင့်​စကားပြော​တော်မူ​ပြီး​သောအခါ ကြွသွား​တော်မူ​၏​။ အာဗြဟံ​သည်​လည်း မိမိ​နေရပ်​သို့​ပြန်သွား​လေ​၏​။

၂ ရာ 6:2

ကောင်းကင်​ဗိုလ်ခြေ​အရှင်​ထာဝရဘုရား​၏​နာမ​တော်​ဖြင့် ခေါ်ဝေါ်သမုတ်​သော​၊ ခေရုဗိမ်​တို့​အထက်​တွင်​စံနေ​တော်မူ​သော ဘုရားသခင်​၏​သေတ္တာ​တော်​ကို သယ်ဆောင်​လာ​ရန် ဒါဝိဒ်​မင်းကြီး​သည် မိမိ​လူ​အပေါင်း​တို့​နှင့်တကွ ဗာလာ​ယုဒ​မြို့​သို့ ထ​သွား​လေ​၏​။

၄ ရာ 19:15

ထို့နောက် ထာဝရဘုရား​ရှေ့​တော်​တွင် ဟေဇကိ​မင်းကြီး​က “​ခေရုဗိမ်​တို့​အထက်​၌ စံပယ်​တော်မူ​သော အစ္စရေး​လူမျိုး​၏​ဘုရားသခင်​ထာဝရဘုရား​၊ မြေကြီး​ပေါ်ရှိ​တိုင်းနိုင်ငံ​အားလုံး​တို့​တွင် ကိုယ်တော်​တစ်ပါးတည်း​သာ ဘုရားသခင် ဖြစ်​တော်မူ​၏​။ ကိုယ်တော်​သည် ကောင်းကင်​နှင့်​မြေကြီး​ကို ဖန်ဆင်း​တော်မူ​၏​။

၁ ရာ​ချုပ် 13:6

ထာဝရဘုရား​၏​နာမ​တော်​ဖြင့် ခေါ်ဝေါ်သမုတ်​သော​၊ ခေရုဗိမ်​တို့​အထက်​တွင် စံနေ​တော်မူ​သော ဘုရားသခင်​၏​သေတ္တာ​တော်​ကို သယ်ဆောင်​လာ​ရန် ဒါဝိဒ်​မင်းကြီး​သည် အစ္စရေး​လူမျိုး​အပေါင်း​တို့​နှင့်တကွ ယုဒ​ပြည်​၊ ကိရယတ်ယာရိမ် ခေါ် ဗာလာ​မြို့​သို့ သွား​လေ​၏​။

ဆာ​လံ 80:1

အစ္စရေး​၏​သိုးထိန်း​ဖြစ်​တော်မူ​၍ ယောသပ်​ကို သိုးအုပ်​ကဲ့သို့​ပို့ဆောင်​တော်မူ​သော​အရှင်​၊ စူးစိုက်​နားထောင်​တော်မူ​ပါ​။ ခေရုဗိမ်​တို့​အလယ်​၌ စံပယ်​တော်မူ​သော​အရှင်​၊ ရောင်ခြည်​တော်​ကို​လွှတ်​တော်မူ​ပါ​။

ဆာ​လံ 80:2

ဧဖရိမ်​အမျိုးအနွယ်​၊ ဗင်္ယာမိန်​အမျိုးအနွယ်​နှင့် မနာရှေ​အမျိုးအနွယ်​တို့​ရှေ့​တွင် ကိုယ်တော်​၏​အစွမ်းတန်ခိုး​ကို​နှိုးဆော်​၍ အကျွန်ုပ်​တို့​ကို​ကယ်တင်​ရန် ကြွလာ​တော်မူ​ပါ​။

ဆာ​လံ 90:1

အို ဘုရားရှင်​၊ ကိုယ်တော်​သည် မျိုးဆက်​အစဉ်အဆက် အကျွန်ုပ်​တို့​၏​မှီခို​ရာ​ဖြစ်​တော်မူ​၏​။

ဆာ​လံ 99:1

ထာဝရဘုရား​သည် စိုးစံ​တော်မူ​၏​။ လူမျိုးတကာ​တို့​သည် ထိတ်လန့်တုန်လှုပ်​ကြ​ပါစေ​။ ကိုယ်တော်​သည် ခေရုဗိမ်​တို့​အထက်​၌ စံပယ်​တော်မူ​၏​။ မြေကြီး​သည် လှုပ်ခါ​ပါစေ​။

ထွက်​မြောက် 20:24

သင်​တို့​သည် ငါ့​အတွက် မြေ​ယဇ်ပလ္လင်​ကို​တည်​၍ မီးရှို့ရာယဇ်​များ​၊ မိတ်သဟာယယဇ်​များ​အဖြစ် သင်​တို့​၏​သိုး​များ​၊ နွား​များ​ကို ယဇ်ပူဇော်​ရ​မည်​။ ထိုသို့ ငါ​၏​နာမ​တော်​ကို​အောက်မေ့​ရာ​အရပ်ရပ်​ရှိ သင်​တို့​ထံသို့ ငါ​ကြွလာ​၍ သင်​တို့​ကို​ကောင်းချီးပေး​မည်​။

ထွက်​မြောက် 27:21

တွေ့ဆုံစည်းဝေးရာ​တဲ​တော်​အတွင်း သက်သေခံချက်​ရှေ့​ရှိ ကန့်လန့်ကာ​အပြင်ဘက်​တွင် အာရုန်​နှင့်​သူ​၏​သား​များ​သည် ထာဝရဘုရား​ရှေ့​တော်​၌ နေဝင်ချိန်​မှ နံနက်​တိုင်အောင် မီးထွန်း​ခြင်း​အမှု​ကို စီစဉ်​ပြင်ဆင်​ရ​မည်​။ ဤသည်ကား အစ္စရေး​အမျိုးသား​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​။

ထွက်​မြောက် 30:36

အချို့​ကို​အမှုန့်​ထောင်း​၍ သင်​နှင့်​ငါ​တွေ့ဆုံ​မည့်​နေရာ​ဖြစ်​သော တွေ့ဆုံစည်းဝေးရာ​တဲ​တော်​အထဲ​ရှိ သက်သေခံချက်​ရှေ့​၌​ထား​ရ​မည်​။ ထို​နံ့သာပေါင်း​သည် သင်​တို့​အဖို့ အထူး​သန့်ရှင်းသောအရာ​ဖြစ်​၏​။

ထွက်​မြောက် 30:6

ထို​ယဇ်ပလ္လင်​ကို သင်​နှင့်​ငါ​တွေ့ဆုံ​မည့်​နေရာ​၊ သက်သေခံချက်​ပေါ်​ရှိ​ကရုဏာ​တော်​ပလ္လင်​ရှေ့​၊ သက်သေခံချက်​သေတ္တာ​တော်​ကို​ကာ​သော​ကန့်လန့်ကာ​ရှေ့​၌ ထား​ရ​မည်​။

ထွက်​မြောက် 31:18

ဤသို့ သိနာ​တောင်​ပေါ်၌ ဘုရားသခင်​သည် မောရှေ​အား မိန့်ဆို​တော်မူ​ပြီးနောက် လက်ချောင်း​တော်​ဖြင့် အက္ခရာတင်​ထား​သော​သက်သေခံချက်​ကျောက်ပြား​နှစ်​ချပ်​ကို သူ့​အား ပေးအပ်​တော်မူ​၏​။

ထွက်​မြောက် 31:6

သူ​နှင့်အတူ ဒန်​အမျိုးအနွယ်​မှ အဟိသမတ်​၏​သား အဟောလျဘ​ကို​လည်း ခန့်ထား​ပြီ​။ လက်မှုအတတ်​ကျွမ်းကျင်သူ​အပေါင်း​တို့​ထဲတွင် သူ​တို့​အား ဉာဏ်ပညာ​ကို​သွင်းပေး​ပြီ​ဖြစ်၍ သူ​တို့​သည် သင့်​အား ငါ​မိန့်မှာ​သော​အရာ​အားလုံး​ကို ပြုလုပ်​ပေး​နိုင်​လိမ့်မည်​။

ဟေ​ရှာ​ယ 37:16

“​ခေရုဗိမ်​တို့​အထက်​၌ စံပယ်​တော်မူ​သော အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​၊ မြေကြီး​ပေါ်ရှိ​တိုင်းနိုင်ငံ​အားလုံး​တို့​တွင် ကိုယ်တော်​တစ်ပါးတည်း​သာ ဘုရားသခင် ဖြစ်​တော်မူ​၏​။ ကိုယ်တော်​သည် ကောင်းကင်​နှင့်​မြေကြီး​ကို ဖန်ဆင်း​တော်မူ​၏​။

ယေ​ဇ​ကျေ​လ 43:6

ထို​သူ​သည် ငါ့​အနီး​၌​ရပ်​နေ​စဉ် အိမ်​တော်​ထဲမှ ငါ့​အား​မိန့်​တော်မူ​သံ​ကို ငါ​ကြား​ရ​၏​။

ဝတ်​ပြု 1:1

ထာဝရဘုရား​သည် မောရှေ​အား တွေ့ဆုံစည်းဝေးရာ​တဲ​တော်​မှ ခေါ်​၍

ဝတ်​ပြု 16:2

“​ငါ​သည် ကရုဏာ​တော်​ပလ္လင်​အထက်​တွင် မိုးတိမ်​အားဖြင့်​ထင်ရှား​မည်​ဖြစ်၍ သင်​၏​အစ်ကို​အာရုန်​မ​သေ​ရ​မည့်​အကြောင်း သေတ္တာ​ပေါ်​ရှိ ကရုဏာ​တော်​ပလ္လင်​ရှေ့​၊ ကန့်လန့်ကာ​အတွင်း​ဘက်​ရှိ သန့်ရှင်းရာဌာန​ထဲသို့ အချိန်မရွေး ဝင်ထွက်သွားလာ​ခြင်း​မ​ပြု​ရန် သူ့​အား​ပြော​လော့​။

တော​လည် 17:4

ထို​တောင်ဝှေး​တို့​ကို တွေ့ဆုံစည်းဝေးရာ​တဲ​တော်​အထဲ​ရှိ​သက်သေခံချက်​ရှေ့​၊ သင်​တို့​နှင့်​ငါ​တွေ့ဆုံ​ရာ​နေရာ​၌ ထား​ရ​မည်​။

တော​လည် 7:89

မောရှေ​သည် ထာဝရဘုရား​နှင့်​စကားပြော​ရန် တွေ့ဆုံစည်းဝေးရာ​တဲ​တော်​ထဲသို့​ဝင်​သောအခါ သက်သေခံချက်​သေတ္တာ​တော်​ပေါ်ရှိ ကရုဏာ​တော်​ပလ္လင်​အထက် ခေရုဗိမ်​နှစ်​ပါး​အကြား​မှ သူ့​အား ပြော​သော​စကားသံ​ကို ကြား​ရ​၏​။ ထာဝရဘုရား​သည် သူ​နှင့်​စကားပြော​တော်မူ​၏​။

သူ​ကြီး 20:27

တစ်ဖန် အစ္စရေး​အမျိုးသား​တို့​သည် ထာဝရဘုရား​အား မေးလျှောက်​ကြ​၏​။ (​ထိုစဉ်က ဘုရားသခင်​၏​ပဋိညာဉ်​သေတ္တာ​တော်​သည် ဗေသလ​အရပ်​တွင် ရှိ​၍

၁ ရာ 4:4

ထို့နောက် ရှိလော​မြို့​သို့ လူ​လွှတ်​၍ ခေရုဗိမ်​အထက်​တွင် စံနေ​တော်မူ​သော​ကောင်းကင်​ဗိုလ်ခြေ​အရှင်​ထာဝရဘုရား​၏​ပဋိညာဉ်​သေတ္တာ​တော်​ကို ရှိလော​မြို့​မှ ယူဆောင်​လာ​စေ​၏​။ ဧလိ​၏​သား​နှစ်​ဦး​ဖြစ်​သော ဟောဖနိ​နှင့်​ဖိနဟတ်​တို့​လည်း ဘုရားသခင်​၏​ပဋိညာဉ်​သေတ္တာ​တော်​နှင့်အတူ လိုက်ပါ​လာ​ကြ​၏​။