ဆာ​လံ 96:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ သန့်ရှင်း​ခြင်း​အသရေ​တော်​နှင့်​ပြည့်စုံ​သော​ထာဝရဘုရား​ကို ရှိခိုးကိုးကွယ်​ကြ​လော့​။ မြေကြီးသား​အပေါင်း​တို့​၊ ကိုယ်တော်​၏​ရှေ့​တော်​၌ ကြောက်ရွံ့တုန်လှုပ်​ကြ​လော့​။

Common Language Bible

⁹ သန့်​ရှင်း​မြင့်​မြတ်​တော်​မူ​သော​အ​ရှင်​ကြွ​လာ တော်​မူ​သော​အ​ခါ​ဦး​ညွှတ်​ပျပ်​ဝပ်​ကြ​လော့။ ကမ္ဘာ​မြေ​ကြီး​သား​အ​ပေါင်း​တို့၊ကိုယ်​တော်​၏ ရှေ့​တော်​၌​ကြောက်​လန့်​တုန်​လှုပ်​ကြ​လော့။

Garrad Bible

⁹ အ ချင်း မြေ တစ် ပြင် လုံး၊ သန့် ရှင်း စွာ ဆင် ယင်၍၊ ထာ ဝ ရ ဘု ရား ကို ကိုး ကွယ် လျက်၊ ရှေ့ တော်၌ တုန် လှုပ် ကြ လော့။

Judson Bible

⁹ သန့်​ရှင်း​သော​တန်​ဆာ​ကို​ဆင်၍၊ ထာ​ဝ​ရ​ဘု​ရား​ကို ကိုး​ကွယ်​ကြ​လော့။ မြေ​ကြီး​သား​အ​ပေါင်း​တို့၊ ရှေ့​တော်၌ ကြောက်​ရွံ​ခြင်း​ရှိ​ကြ​လော့။

ဆာ​လံ 96:9 ပူးပေါင်းရင်းမြစ်များ

၂ ရာ​ချုပ် 29:28

မီးရှို့ရာယဇ်​ကို ပူဇော်​ပြီး​သည်​အထိ လူထု​တစ်ရပ်လုံး ဝတ်ပြုကိုးကွယ်​လျက်​၊ သီချင်းသီဆိုသူ​က ဆို​ပြီး တံပိုးခရာမှုတ်သူ​က မှုတ်​လျက်​နေ​ကြ​၏​။

၂ ရာ​ချုပ် 29:29

ယဇ်ပူဇော်​ခြင်း​အမှု​ပြီးစီး​သောအခါ ရှင်ဘုရင်​မှစ၍ သူ​နှင့်အတူ​ရှိ​နေ​သော​သူ​အပေါင်း​တို့​သည် ဒူးထောက်​လျက်​ရှိခိုးကိုးကွယ်​ကြ​လေ​၏​။

၂ ရာ​ချုပ် 29:30

ထို့နောက် ဟေဇကိ​မင်းကြီး​နှင့်​မှူးမတ်​တို့​က လေဝိ​အမျိုး​တို့​အား ဒါဝိဒ်​မင်းကြီး​နှင့် ဗျာဒိတ်ရသူ​အာသပ်​တို့​ရေးဖွဲ့​ခဲ့​သော​သီချင်း​ဖြင့် ထာဝရဘုရား​ကို​ချီးမွမ်းသီဆို​ရန်​ပြော​သောအခါ သူ​တို့​သည် ဝမ်းမြောက်​စွာ​ချီးမွမ်း​လျက် ဦးညွှတ်​ပျပ်ဝပ်​ကြ​လေ​၏​။

ဧ​ဇ​ရ 7:27

ဧဇရ​က “ဂျေရုဆလင်​မြို့​ရှိ ထာဝရဘုရား​၏​အိမ်​တော်​အား ခန့်ညား​ထည်ဝါ​အောင် ပြု​ပေး​လို​သော​စိတ်​ကို ရှင်ဘုရင်​၌ ရှိ​စေ​တော်မူ​သော အကျွန်ုပ်​တို့​ဘိုးဘေး​တို့​၏​ဘုရားသခင်​ထာဝရဘုရား​သည် မင်္ဂလာရှိ​စေ​သတည်း​။

ဆာ​လံ 110:3

သင်​၏​တန်ခိုး​ထင်ရှား​သော​နေ့​၌ သင်​၏​လူမျိုး​သည် စေတနာစိတ်​နှင့်​ပါဝင်​ကြ​လိမ့်မည်​။ သင်​၏​ပျိုရွယ်​ခြင်း​နှင်းစက်​သည် သန့်ရှင်း​သော​ဘုန်းအာနုဘော်​ကို​ဆောင်​လျက် နံနက်အချိန်​ဝမ်းဗိုက်​ထဲမှ သင့်​ထံသို့​လာ​လိမ့်မည်​။

ဆာ​လံ 114:7

အချင်း​မြေကြီး​၊ အရှင်​၏​ရှေ့​တော်​တည်းဟူသော ယာကုပ်​၏​ဘုရားသခင့်​ရှေ့​တော်​၌ တုန်လှုပ်​လျက်​နေ​လော့​။

ဆာ​လံ 29:2

နာမ​တော်​၏​ဘုန်းအသရေ​သည် ထာဝရဘုရား​နှင့်​ဆိုင်​ကြောင်း သိမှတ်ဝန်ခံ​ကြ​လော့​။ သန့်ရှင်း​ခြင်း​အသရေ​တော်​နှင့်​ပြည့်စုံ​သော ထာဝရဘုရား​ကို ရှိခိုးကိုးကွယ်​ကြ​လော့​။

ဆာ​လံ 33:8

မြေကြီးသား​အပေါင်း​တို့​သည် ထာဝရဘုရား​ကို​ကြောက်ရွံ့​ပါစေ​။ ကမ္ဘာလောက​၌​နေထိုင်​သော​သူ​အပေါင်း​တို့​သည် ကိုယ်တော်​ကို ကြောက်ရွံ့ရိုသေ​ကြ​ပါစေ​။

ဆာ​လံ 76:11

သင်​တို့​၏​ဘုရားသခင် ထာဝရဘုရား​ထံ ကတိသစ္စာ​ပြု​၍ ပြည့်စုံ​စေ​ကြ​လော့​။ ကိုယ်တော်​၏​ပတ်လည်​၌​ရှိ​သော​သူ​အပေါင်း​တို့​သည် ကြောက်ရွံ့ရိုသေ​ရ​သော​အရှင်​ထံသို့ လက်ဆောင်ပဏ္ဏာ​ကို​ယူဆောင်​လာ​ကြ​ပါစေသော​။

ဆာ​လံ 76:7

ကိုယ်တော်​တစ်ပါးတည်း​သာလျှင် ကြောက်ရွံ့ဖွယ်​ဖြစ်​တော်မူ​၏​။ ကိုယ်တော်​အမျက်​ထွက်​တော်မူ​သောအခါ မည်သူ​သည် ကိုယ်တော်​၏​ရှေ့​တွင် ရပ်​နေ​နိုင်​ပါ​မည်နည်း​။

ဆာ​လံ 99:1

ထာဝရဘုရား​သည် စိုးစံ​တော်မူ​၏​။ လူမျိုးတကာ​တို့​သည် ထိတ်လန့်တုန်လှုပ်​ကြ​ပါစေ​။ ကိုယ်တော်​သည် ခေရုဗိမ်​တို့​အထက်​၌ စံပယ်​တော်မူ​၏​။ မြေကြီး​သည် လှုပ်ခါ​ပါစေ​။

ယေ​ဇ​ကျေ​လ 7:20

သူ​တို့​၏​လှပ​သော​အဆင်တန်ဆာ​များ​ကြောင့် မာနထောင်လွှား​တတ်​ကြ​၏​။ ထို​တန်ဆာ​များ​ဖြင့် စက်ဆုပ်​ရွံရှာဖွယ်​ရုပ်တု​များ​ကို ထုလုပ်​တတ်​ကြ​၏​။ ထို့ကြောင့် ငါ​သည် ထို​တန်ဆာ​တို့​ကို ညစ်ညူးသောအရာ​ကဲ့သို့ ဖြစ်​စေ​မည်​။

ဒံ​ယေ​လ 11:45

ပင်လယ်​နှင့် သာယာ​သော​တောင်​ကြား​တွင် သူ့​တဲနန်း​ကို သူ​ဆောက်​လိမ့်မည်​။ ဤသို့ဖြင့် သူ့​ဘဝ​နိဂုံးချုပ်​ချိန်​ရောက်လာ​ကာ သူ့​ကို​ကူညီ​မည့်​သူ တစ်ယောက်​မျှ​ရှိ​မည်​မ​ဟုတ်​။