ဝတ်​ပြု 27:3

Judson Bible

သင်​သည် အ​ဘယ်​မျှ အ​ဖိုး​ဖြတ်​ရ​မည်​နည်း​ဟူ​မူ​ကား၊ ယောက်ျား​ကို အ​သက်​နှစ်​ဆယ်​မှ​သည် ခြောက်​ဆယ်​တိုင်​အောင်၊ အ​ကျပ်​တော်​အ​လိုက် ငွေ​အ​ကျပ်​ငါး​ဆယ်​နှင့် အ​ဖိုး​ဖြတ်​ရ​မည်။

ပူးပေါင်းရင်းမြစ်များ

၄ ရာ 12:4

ယော​ရှ​မင်း​က​လည်း၊ ဗိ​မာန်​တော်​ထဲ​သို့​သွင်း​သော အ​လှူ​ဥ​စ္စာ​ကို​ရောင်း၍ ရ​သော​ငွေ၊ စာ​ရင်း​ဝင်​သော​သူ​တိုင်း ကိုယ်​အ​တွက်​ပေး​သော​ငွေ၊ ကိုယ်​ဖိုး​ဖြတ်၍ ရ​သော​ငွေ၊ အ​လို​လို လှူ​သော​ငွေ​ရှိ​သ​မျှ​ကို၊

ထွက်​မြောက် 30:13

ရေ​တွက်၍ စာ​ရင်း​ဝင်​သော​သူ​အ​ပေါင်း​တို့​သည် အ​ကျပ်​တော်​အ​လိုက်၊ ငွေ​အ​ကျပ်​တစ်​ဝက်​စီ ထာ​ဝ​ရ​ဘု​ရား​အား​ဆက်​ကပ်​ရ​မည်။ အ​ကျပ်​ကား၊ ဂေ​ရ​နှစ်​ဆယ် ဖြစ်​သ​တည်း။

ထွက်​မြောက် 38:24

သန့်​ရှင်း​ရာ​ဌာ​န​တော်​ပြီး​အောင်​လှူ၍ လုပ်​သော​ရွှေ​ချိန်​ပေါင်း​ကား အ​ကျပ်​တော်​အ​တိုင်း အ​ခွက်​နှစ်​ရာ​ကိုး​ဆယ်​ခု​နစ်​ပိဿာ​သုံး​ဆယ် ဖြစ်​သ​တည်း။

ဝတ်​ပြု 27:14

လူ​သည်​မိ​မိ​အိမ်​ကို ထာ​ဝ​ရ​ဘု​ရား​အ​ဖို့​သန့်​ရှင်း​စေ​လျှင်၊ ကောင်း​မ​ကောင်း​ရှိ​သည်​အ​လျောက်၊ ယဇ်​ပု​ရော​ဟိတ်​အ​ဖိုး​ဖြတ်​ရ​မည်။ ယဇ်​ပု​ရော​ဟိတ်​ဖြတ်​သည်​အ​တိုင်း အ​ဖိုး​ရှိ​ရ​မည်။

ဝတ်​ပြု 27:25

အ​ဖိုး​ဖြတ်​လေ​ရာ​ရာ၌ အ​ကျပ်​တော်​အ​လိုက်​ဖြတ်​ရ​မည်။ အ​ကျပ်​ကား၊ ဂေ​ရ​နှစ်​ဆယ်​ဖြစ်​သ​တည်း။

ဝတ်​ပြု 27:4

မိန်း​မ​ဖြစ်​လျှင်၊ ငွေ​အ​ကျပ်​သုံး​ဆယ်​နှင့် အ​ဖိုး​ဖြတ်​ရ​မည်။

ဝတ်​ပြု 5:15

တစ်​စုံ​တစ်​ယောက်​သော​သူ​သည် တ​ရား​ကို​မ​သိ၊ ထာ​ဝ​ရ​ဘု​ရား​နှင့် ဆိုင်​သော​အ​ရာ​တို့၌ လွန်​ကျူး​ပြစ်​မှား​မိ​လျှင်၊ ထို​ပြစ်​မှား​ခြင်း​အ​တွက် ဒု​စ​ရိုက်​ဖြေ​ရာ​ယဇ်​တည်း​ဟူ​သော အ​ပြစ်​မ​ပါ​သော​သိုး​ထီး​ကို​လည်း​ကောင်း၊ အ​ကျပ်​တော်​အ​လိုက် ချင့်​တွက်၍ ချိန်​သော​အ​လျော်​ငွေ​ကို​လည်း​ကောင်း၊ ထာ​ဝ​ရ​ဘု​ရား​အ​ထံ​တော်​သို့ ဆောင်​ခဲ့​ရ​မည်။

ဝတ်​ပြု 6:6

ဒု​စ​ရိုက်​ဖြေ​ရာ​ယဇ်​ကို​ပြု​ခြင်း​ငှာ ချင့်​တွက်​သော​အ​လျော်​ငွေ​နှင့်​တ​ကွ၊ ဒု​စ​ရိုက်​ဖြေ​ရာ​ယဇ်​တည်း​ဟူ​သော အ​ပြစ်​မ​ပါ​သော​သိုး​ထီး​ကို၊ ထာ​ဝ​ရ​ဘု​ရား​ထံ​တော်၊ ယဇ်​ပု​ရော​ဟိတ်​ရှေ့​သို့​ဆောင်​ခဲ့​ရ​မည်။

တော​လည် 18:16

ရွေး​ရ​သော​သား​တို့​ကို အ​သက်​တစ်​လ​လွန်​မှ၊ သင်​အ​ဖိုး​ဖြတ်​သည်​အ​တိုင်း ဂေ​ရ​နှစ်​ဆယ်​နှင့်​မျှ​သော အ​ကျပ်​တော်​အ​လိုက် ငွေ​ငါး​ကျပ်​နှင့်​ရွေး​ရ​မည်။

တော​လည် 3:47

အ​ကျပ်​တော်​အ​လိုက် လူ​တစ်​ကိုယ်​လျှင်​ငါး​ကျပ်​စီ​ခံ​ယူ​ရ​မည်။ အ​ကျပ်​ကား၊ ဂေ​ရ​နှစ်​ဆယ်​ဖြစ်​သ​တည်း။