ယေ​ရ​မိ 27:3

Judson Bible

ယု​ဒ​ရှင်​ဘု​ရင်​ဇေ​ဒ​ကိ​ထံ၊ ယေ​ရု​ရှ​လင်​မြို့​သို့​ရောက်​လာ​သော သံ​တ​မန်​တို့​တွင်၊ ထို​ကြိုး​နှင့် ထမ်း​ပိုး​တို့​ကို ဧ​ဒုံ​မင်း၊ မော​ဘ​မင်း၊ အ​မ္မုန်​မင်း၊ တု​ရု​မင်း၊ ဇိ​ဒုန်​မင်း​သို့​ပေး​လိုက်​လော့။

ပူးပေါင်းရင်းမြစ်များ

၂ ရာ​ချုပ် 36:13

ဘု​ရား​သ​ခင် အ​ကျိန်​တိုက်​ပြီး​သော နေ​ဗု​ခဒ်​နေ​ဇာ​မင်း​ကြီး​ကို ပုန်​ကန်​လေ၏။ ဣ​သ​ရေ​လ​အ​မျိုး၏ ဘု​ရား​သ​ခင်​ထာ​ဝ​ရ​ဘု​ရား​ထံ​တော်​သို့ မ​ပြန်​မည်​အ​ကြောင်း၊ မိ​မိ​လည်​ပင်း​ကို​လည်း​ကောင်း၊ မိ​မိ​နှ​လုံး​ကို​လည်း​ကောင်း ခိုင်​မာ​စေ၏။

ဟေ​ရှာ​ယ 23:4

အို​ဇိ​ဒုန်​မြို့၊ ရှက်​ကြောက်​ခြင်း​ရှိ​လော့။ အ​ကြောင်း​မူ​ကား၊ ပင်​လယ်​တည်း​ဟူ​သော ပင်​လယ်​မြို့​ကြီး​က၊ ငါ​သည် ကိုယ်​ဝန်​မ​ဆောင်၊ သား​မ​ဖွား၊ လူ​ပျို​နှင့် အ​ပျို​မ​တို့​ကို မ​မွေး​မြူ​ရ​ဟု ပြော​ဆို၏။

ယေ​ရ​မိ 27:12

ထို​စ​ကား​တော်​ရှိ​သ​မျှ​ကို ငါ​ပြန်၍ ယု​ဒ​ရှင်​ဘု​ရင်​ဇေ​ဒ​ကိ​အား လျှောက်​ဆို​သည်​ကား၊ ဗာ​ဗု​လုန် ရှင်​ဘု​ရင်၏​ထမ်း​ပိုး​ကို​ထမ်း၍၊ သူ​နှင့် သူ၏​လူ​များ​အ​စေ​ကို​ခံ​လျက်၊ အ​သက်​ချမ်း​သာ​ပါ​လော့။

ယေ​ရ​မိ 27:4

ထို​သံ​တ​မန်​တို့​အား​လည်း၊ သင်​တို့​သည် သင်​တို့​အ​ရှင်​များ​တို့​အား ဆင့်​ဆို​ရ​မည်​မှာ၊ ဣ​သ​ရေ​လ​အ​မျိုး၏​ဘု​ရား​သ​ခင်၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​မိန့်​တော်​မူ​သည်​ကား၊

ယေ​ရ​မိ 28:1

ထို​နှစ်​တည်း​ဟူ​သော ယု​ဒ​ရှင်​ဘု​ရင်​ဇေ​ဒ​ကိ နန်း​စံ​စ​တု​တ္ထ​နှစ်၊ ပ​ဥ္စ​မ​လ​တွင်၊ ဂိ​ဗောင်​မြို့​နေ၊ အာ​ဇု​ရ​သား​ဟာ​န​နိ​က၊

ယေ​ဇ​ကျေ​လ 29:18

အ​ချင်း​လူ​သား၊ ဗာ​ဗု​လုန်​ရှင်​ဘု​ရင် နေ​ဗု​ခဒ်​နေ​ဇာ​သည်၊ သူ၏​စစ်​သူ​ရဲ​တို့​ကို တု​ရု​မြို့​တစ်​ဖက်၌ များ​စွာ​သော​အ​မှု​ကို ဆောင်​ရွက်​စေ​ပြီ။ စစ်​သူ​ရဲ​တိုင်း ခေါင်း​တုံး​ပြီ။ ပ​ခုံး​လည်း ပွန်း​ပြီ။ သို့​ရာ​တွင်၊ ရှင်​ဘု​ရင်​နှင့် စစ်​သူ​ရဲ​တို့​သည် တု​ရု​မြို့​တစ်​ဖက်၌ အ​မှု​ဆောင်​ရွက်​ခ​ကို ထို​မြို့​တွင် မ​ခံ​ရ​ကြ။

အာ​မုတ် 1:9

တစ်​ဖန် ထာ​ဝ​ရ​ဘု​ရား မိန့်​တော်​မူ​သည်​ကား၊ တု​ရု​မြို့​သည် ညီ​အစ်​ကို​ချင်း​ဖွဲ့​သော မိတ်​သ​ဟာ​ယ​ကို မ​စောင့်၊ ချုပ်​ထား​သော သူ​အ​ပေါင်း​တို့​ကို ဧ​ဒုံ​မင်း၌​အပ်​သော အ​ပြစ်​သုံး​ပါး​မ​က၊ အ​ပြစ်​လေး​ပါး​ကြောင့် ငါ​သည် ဒဏ်​မ​ပေး​ဘဲ​မ​နေ။