ယေ​ဇ​ကျေ​လ 4:2

Judson Bible

မြို့​ကို​ဝိုင်း၍ မြို့​ပြင်၌ တပ်​တည်​လော့။ မြေ​ရိုး​ကို​လည်း ဖို့​လော့။ တပ်​သား​တို့​ကို​လည်း ခင်း​ကျင်း​လော့။ မြို့​ပတ်​လည်​တွင် ဝက်​ခွ​တိုင်​တို့၌ တုံး​တို့​ကို​လည်း ဆွဲ​ထား​လော့။

ပူးပေါင်းရင်းမြစ်များ

၂ ရာ 20:15

ရှေ​ဘ​တည်း​ခို​သော ဗက်​မာ​ခ​ပြည်၊ အာ​ဗေ​လ​မြို့​ကို ဝိုင်း​ထား၍၊ ပြင်​မြို့​ရိုး​တစ်​ဖက်​တစ်​ချက်၌ မြေ​ရိုး​ကို​ဖို့​ကြ၏။ ယွာ​ဘ​နှင့် သူ၏​လူ​အ​ပေါင်း​တို့​သည် မြို့​ရိုး​ကို ဖြို​ခြင်း​ငှာ ထိုး​ဖောက်​ကြ၏။

ဟေ​ရှာ​ယ 22:7

သင်၏​အ​မြတ်​ဆုံး​သော ချိုင့်​တို့​သည် ရ​ထား​နှင့်​ပြည့်​ကြ၏။ မြင်း​စီး​သူ​ရဲ​တို့​သည် မြို့​တံ​ခါး​ရှေ့​မှာ တပ်​ချ​ကြ၏။

ယေ​ရ​မိ 32:24

ပြ​အိုး​မြေ​ရိုး​တို့​ကို ကြည့်​ရှု​တော်​မူ​ပါ။ မြို့​တော်​ကို တိုက်​ယူ​ခြင်း​ငှာ ရောက်​ကြ​ပါ​ပြီ။ ဓား​ဘေး၊ မွတ်​သိပ်​ခြင်း​ဘေး၊ ကာ​လ​နာ​ဘေး​တို့​ဖြင့် တိုက်​သော ခါ​လ​ဒဲ​လူ​တို့​လက်​သို့ မြို့​တော်​ကို အပ်​တော်​မူ​ပြီ။ မိန့်​တော်​မူ​သော စ​ကား​ပြည့်​စုံ​ကြောင်း​ကို​လည်း ကိုယ်​တော်​တိုင် မြင်​တော်​မူ၏။

ယေ​ရ​မိ 33:4

ပြ​အိုး​မြေ​ရိုး​ဖြင့်​လည်း​ကောင်း၊ ဓား​ဖြင့်​လည်း​ကောင်း ပြို​ပျက်​သော ဤ​မြို့၏​အိမ်​များ၊ ယု​ဒ​ရှင်​ဘု​ရင်၏ ဘုံ​ဗိ​မာန်​များ​ကို ရည်​မှတ်၍၊ ဣ​သ​ရေ​လ​အ​မျိုး၏​ဘု​ရား​သ​ခင် ထာ​ဝ​ရ​ဘု​ရား​မိန့်​တော်​မူ​သည်​ကား၊

ယေ​ရ​မိ 52:4

ဇေ​ဒ​ကိ​မင်း နန်း​စံ​ကိုး​နှစ်၊ ဒ​သ​မ​လ​ဆယ်​ရက်​နေ့​တွင်၊ ဗာ​ဗု​လုန်​ရှင်​ဘု​ရင် နေ​ဗု​ခဒ်​နေ​ဇာ​သည် ဗိုလ်​ခြေ အ​ပေါင်း​တို့​နှင့်​တ​ကွ ယေ​ရု​ရှ​လင်​မြို့​သို့ စစ်​ချီ​သ​ဖြင့်၊ မြို့​ပတ်​လည်၌​တပ်​ချ၍ မြေ​က​တုတ်​တို့​ကို တူး​လုပ်​ပြီး​မှ၊

ယေ​ရ​မိ 6:6

ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​မိန့်​တော်​မူ​သည်​ကား၊ သစ်​ပင်​တို့​ကို ခုတ်​လှဲ​ကြ​လော့။ ယေ​ရု​ရှ​လင်​မြို့​တစ်​ဖက်၌ မြေ​ရိုး​ကို​ဖို့​ကြ​လော့။ ဤ​မြို့​သည် ဆုံး​မ​စ​ရာ​ကောင်း​သော​မြို့ ဖြစ်၏။ မြို့​ထဲ၌ ညှဉ်း​ဆဲ​ခြင်း​သက်​သက် ရှိ၏။

ယေ​ဇ​ကျေ​လ 21:22

ဝက်​ခွ​တိုင်၌ တုံး​တို့​ကို ဆွဲ​ထား​စေ​ခြင်း​ငှာ​လည်း​ကောင်း၊ လုပ်​ကြံ​ခြင်း​အ​မှု​ကို​မှာ​ထား​စေ​ခြင်း​ငှာ​လည်း​ကောင်း၊ ကြွေး​ကြော်​အော်​ဟစ် စေ​ခြင်း​ငှာ​လည်း​ကောင်း၊ မြို့တံခါးတစ်ဖက်တစ်ချက်ဝက်ခွတိုင်၌ တုံးတို့ကိုဆွဲထားစေခြင်းငှာလည်းကောင်း၊ မြေရိုးကိုဖို့စေခြင်းငှာလည်းကောင်း၊ ရဲ​တိုက်​ကို ဆောက်​စေ​ခြင်း​ငှာ​လည်း​ကောင်း၊ လက်​ယာ​ဘက်၌ ယေ​ရု​ရှ​လင်​မြို့​အ​ဖို့ ဗေ​ဒင်​တွက်၍ နေ​ရာ​ကျ၏။

ယေ​ဇ​ကျေ​လ 21:27

နိုင်​ငံ​ကို ဆုံး​ရှုံး​စေ​ခြင်း​ငှာ​လည်း​ကောင်း၊ အ​စိုး​ပိုင်​သော​သူ မ​ရောက်​မီ​တိုင်​အောင်​လည်း​ကောင်း ငါ​မှောက်​လှန်​မည်။ မှောက်​လှန်​မည်။ မှောက်​လှန်​မည်။ အ​စိုး​ပိုင်​သော​သူ၌ ငါ​အပ်​မည်​ဟု အ​ရှင်​ထာ​ဝ​ရ​ဘု​ရား မိန့်​တော်​မူ၏။

ယေ​ဇ​ကျေ​လ 5:2

မြို့​ကို ဝိုင်း​ထား​ရာ ကာ​လ​စေ့​သော​အ​ခါ၊ ဆံ​ပင်​နှင့် မုတ်​ဆိတ် သုံး​စု​တစ်​စု​ကို မြို့​ထဲ​မှာ မီး​ရှို့​လော့။ တစ်​စု​ကို ဓား​နှင့် ခုတ်​ဖြတ်​လော့။ တစ်​စု​ကို လေ​တိုက်​ရာ၌ လွှင့်​လော့။ ငါ​သည်​လည်း ထို​အ​စု​နောက်​သို့ ဓား​ကို​လွှတ်​လိုက်​မည်။

ဒံ​ယေ​လ 11:15

မြောက်​ရှင်​ဘု​ရင်​သည်​လာ၍ မြို့​ရိုး​ကို တည်​ပြီး​လျှင် ခိုင်​ခံ့​သော မြို့​တို့​ကို လုပ်​ကြံ​လိမ့်​မည်။ တောင်​ရှင်​ဘု​ရင်၏ လက်​နက်​များ၊ ရွေး​ချယ်​သော​လူ​များ​တို့​သည် ဆီး​တား​ခြင်း​ငှာ ခွန်​အား​မ​ရှိ​သော​ကြောင့် မ​ဆီး​တား​ရ​ကြ။